ടീമുകള്‍ പിന്മാറിയെങ്കിലും ആശയക്കുഴപ്പം അവസാനിക്കാതെ യൂറോപ്യന്‍ സൂപ്പര്‍ ലീഗ്


ലീഗില്‍ നിന്ന് ക്ലബ്ബുകള്‍ക്ക് പിന്മാറാന്‍ കഴിയില്ലെന്ന ചെയര്‍മാന്‍ ഫ്ളോറന്റിനോ പെരസിന്റെ വിശദീകരണം കാര്യങ്ങള്‍ സങ്കീര്‍ണമാക്കി

Photo By JUSTIN TALLIS| AFP

ലണ്ടന്‍: യൂറോപ്യന്‍ സൂപ്പര്‍ ലീഗില്‍നിന്ന് ഒമ്പതു ടീമുകള്‍ പിന്മാറിയെങ്കിലും ആശയക്കുഴപ്പം അവസാനിക്കുന്നില്ല. റയല്‍ മഡ്രിഡ്, ബാഴ്സലോണ, യുവന്റസ് ടീമുകള്‍ ലീഗില്‍ ഉറച്ചുനില്‍ക്കുകയാണ്. ലീഗില്‍ നിന്ന് ക്ലബ്ബുകള്‍ക്ക് പിന്മാറാന്‍ കഴിയില്ലെന്ന ചെയര്‍മാന്‍ ഫ്ളോറന്റിനോ പെരസിന്റെ വിശദീകരണം കാര്യങ്ങള്‍ സങ്കീര്‍ണമാക്കി.

ആരാധക രോഷത്തെത്തുടര്‍ന്ന് ഇംഗ്ലീഷ് ക്ലബ്ബുകളായ മാഞ്ചെസ്റ്റര്‍ യുണൈറ്റഡ്, മാഞ്ചെസ്റ്റര്‍ സിറ്റി, ആഴ്സനല്‍, ചെല്‍സി, ലിവര്‍പൂള്‍, ടോട്ടനം, ഇറ്റാലിയന്‍ ക്ലബ്ബുകളായ ഇന്റര്‍മിലാന്‍, എ.സി. മിലാന്‍, സ്പാനിഷ് ക്ലബ്ബ് അത്ലറ്റിക്കോ മഡ്രിഡ് എന്നിവയാണ് പിന്മാറിയത്. യൂറോപ്പിലെ 12 ക്ലബ്ബുകള്‍ ചേര്‍ന്നാണ് ലീഗിന് രൂപം നല്‍കിയത്.

സ്പാനിഷ് മാധ്യമത്തിനു നല്‍കിയ അഭിമുഖത്തിലാണ് ലീഗ് ചെയര്‍മാനും റയല്‍ ക്ലബ്ബ് പ്രസിഡന്റുമായ പെരസ് ക്ലബ്ബുകളുടെ പിന്മാറ്റത്തിനുശേഷമുള്ള കാര്യങ്ങള്‍ വിശദീകരിച്ചത്. ക്ലബ്ബുകളും ലീഗും തമ്മിലുള്ള കരാര്‍പ്രകാരം പിന്മാറാന്‍ കഴിയില്ലെന്നാണ് പെരസിന്റെ വാദം. പിന്മാറുന്ന ക്ലബ്ബുകള്‍ക്ക് വലിയ തുക പിഴയായി നല്‍കേണ്ടിവരും. സ്ഥാപക ക്ലബ്ബുകള്‍ക്ക് 84 കോടി രൂപയുടെ ഓഹരിയാണ് ലീഗിലുള്ളത്. മൂന്നുവര്‍ഷംകൊണ്ടാണ് ലീഗിനുള്ള പദ്ധതി തയ്യാറാക്കിയതെന്നും 12 ക്ലബ്ബുകളുടെ നഷ്ടം 56,000 കോടിക്ക് മീതെയാണെന്നും പെരസ് വ്യക്തമാക്കി.

അതേസമയം സൂപ്പര്‍ ലീഗിലേക്കുപോയ ഇംഗ്ലീഷ് ക്ലബ്ബുകള്‍ക്കെതിരേ നടപടിവേണമെന്ന വാദം ശക്തമായിട്ടുണ്ട്. യുവേഫ പ്രസിഡന്റ് അലക്സാണ്ടര്‍ സെഫറിന്‍ സൂപ്പര്‍ ലീഗിനെതിരേ കഴിഞ്ഞദിവസവും ശക്തമായി രംഗത്തുവന്നിട്ടുണ്ട്. ഇംഗ്ലീഷ് പ്രീമിയര്‍ ലീഗില്‍ പരിഷ്‌കാരം വേണമെന്ന ആവശ്യവുമായി ക്ലബ്ബുകള്‍ രംഗത്തിറങ്ങി.

മാപ്പുപറഞ്ഞ് ടീം ഉടമകള്‍

സൂപ്പര്‍ ലീഗിലേക്ക് പോയതോടെയുയര്‍ന്ന ആരാധകരോഷം കുറയ്ക്കാന്‍ ക്ലബ്ബുടമകള്‍ മാപ്പുപറഞ്ഞു. മാഞ്ചെസ്റ്റര്‍ യുണൈറ്റഡ് കോ ചെയര്‍മാന്‍ ജോയല്‍ ഗ്ലേസര്‍, ലിവര്‍പൂള്‍ ഉടമ ജോണ്‍ ഡബ്ല്യു ഹെന്‍ റി, മാഞ്ചെസ്റ്റര്‍ സിറ്റി ചീഫ് എക്സിക്യുട്ടീവ് ഫെറാന്‍ സോറിയാനോ, ടോട്ടനം ചെയര്‍മാന്‍ ഡേവിഡ് ലെവി എന്നിവരാണ് ആരാധകരോട് മാപ്പുപറഞ്ഞത്.

Content Highlights: Florentino Perez on European Super League

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented