ലോകകപ്പ് യോഗ്യതാ മത്സരത്തില്‍ അര്‍ജന്റീനയ്ക്കും ബ്രസീലിനും വിജയം


മറ്റൊരു മത്സരത്തില്‍ കരുത്തരായ യുറുഗ്വായിയെ പെറു സമനിലയില്‍ തളച്ചു. ഇരുടീമുകളും ഓരോ ഗോള്‍ വീതം നേടി പിരിഞ്ഞു

Photo: twitter.com|CBF_Futebol

സാന്റിയാഗോ: ലോകകപ്പ് ഫുട്‌ബോള്‍ യോഗ്യതാ മത്സരത്തില്‍ ശക്തരായ അര്‍ജന്റീനയ്ക്കും ബ്രസീലിനും വിജയം. അര്‍ജന്റീന വെനസ്വേലയെയും ബ്രസീല്‍ ചിലിയെയും കീഴടക്കി.

ഒന്നിനെതിരേ മൂന്നു ഗോളുകള്‍ക്കാണ് അര്‍ജന്റീന വെനസ്വേലയെ കീഴടക്കിയത്. അര്‍ജന്റീനയ്ക്കായി ലൗട്ടാരോ മാര്‍ട്ടിനെസ് (45), ജോക്വിന്‍ കൊറിയ (71), ഏന്‍ഹെല്‍ കൊറിയ (74) എന്നിവര്‍ സ്‌കോര്‍ ചെയ്തു. മത്സരമവസാനിക്കാന്‍ സെക്കന്‍ഡുകള്‍ മാത്രം ബാക്കിനില്‍ക്കെ ലഭിച്ച പെനാല്‍ട്ടി ലക്ഷ്യത്തിലെത്തിച്ച് യെഫേഴ്‌സണ്‍ സൊറ്റെല്‍ഡോ വെനസ്വേലയ്ക്കായി ആശ്വാസ ഗോള്‍ നേടി.



ഈ വിജയത്തോടെ ഏഴുമത്സരങ്ങളില്‍ നിന്നും 15 പോയന്റുമായി അര്‍ജന്റീന പോയന്റ് പട്ടികയില്‍ രണ്ടാം സ്ഥാനത്ത് തുടരുന്നു. നാല് വിജയവും മൂന്ന് സമനിലയുമാണ് അര്‍ജന്റീന നേടിയത്.

ബ്രസീല്‍ ഏകപക്ഷീയമായ ഒരു ഗോളിന് കരുത്തരായ ചിലിയെയാണ് മറികടന്നത്. 64-ാം മിനിട്ടില്‍ യുവതാരം എവര്‍ട്ടണ്‍ റിബെയ്‌റോയാണ് കാനറികളുടെ വിജയഗോള്‍ നേടിയത്. നെയ്മര്‍, ഗബ്രിയേല്‍ ജെസ്യൂസ്, വിനീഷ്യസ് ജൂനിയര്‍ തുടങ്ങിയ പ്രമുഖ താരങ്ങളെല്ലാം ബ്രസീലിനുവേണ്ടി ബൂട്ടുകെട്ടി.

ഈ വിജയത്തോടെ അപരാജിതരായ ബ്രസീല്‍ പോയന്റ് പട്ടികയില്‍ ഒന്നാം സ്ഥാനത്ത് തുടരുന്നു. ഏഴു മത്സരങ്ങളില്‍ ഏഴും ജയിച്ച ബ്രസീലിന് 21 പോയന്റുണ്ട്.

മറ്റൊരു മത്സരത്തില്‍ കരുത്തരായ യുറുഗ്വായിയെ പെറു സമനിലയില്‍ തളച്ചു. ഇരുടീമുകളും ഓരോ ഗോള്‍ വീതം നേടി പിരിഞ്ഞു. 24-ാം മിനിട്ടില്‍ റെനറ്റോ ടാപ്പിയയിലൂടെ പെറുവാണ് ആദ്യം ലീഡെടുത്തത്. എന്നാല്‍ 29-ാം മിനിട്ടില്‍ ജിയോര്‍ജിയന്‍ അറസ്‌കേറ്റ യുറുഗ്വായ്ക്ക് വേണ്ടി സമനില ഗോള്‍ നേടി.

നിലവില്‍ ഏഴു മത്സരങ്ങളില്‍ നിന്നും 9 പോയന്റുള്ള യുറുഗ്വായ് പോയന്റ് പട്ടികയില്‍ നാലാമതും അഞ്ച് പോയന്റുള്ള പെറു ഒന്‍പതാം സ്ഥാനത്തുമാണ്.

മറ്റു മത്സരങ്ങളില്‍ കൊളംബിയയെ ബൊളീവിയ സമനിലയില്‍ തളച്ചപ്പോള്‍ ഇക്വഡോര്‍ പാരഗ്വായിയെ എതിരില്ലാത്ത രണ്ട് ഗോളുകള്‍ക്ക് അട്ടിമറിച്ചു.

Content Highlights: FIFA world cup qualifiers CONMEBOL


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented