മേഴ്‌സിസൈഡ് ഡെര്‍ബി ഗോള്‍രഹിത സമനിലയില്‍; ലീഗില്‍ വിജയിക്കാനാവാതെ എവര്‍ട്ടണ്‍


photo:twitter/Premier League

ഗൂഡിസണ്‍ പാര്‍ക്ക്: ഇംഗ്ലീഷ് പ്രീമിയര്‍ ലീഗില്‍ കരുത്തരായ ലിവര്‍പൂളിന് സമനില. എവര്‍ട്ടണാണ് ലിവര്‍പൂളിനെ സമനിലയില്‍ തളച്ചത്. ഗൂഡിസണ്‍ പാര്‍ക്കില്‍ നടന്ന മേഴ്‌സിസൈഡ് ഡെര്‍ബി ഗോള്‍രഹിത സമനിലയിലാണ് അവസാനിച്ചത്. നിരവധി അവസരങ്ങള്‍ സൃഷ്ടിച്ചെങ്കിലും ഇരുടീമുകള്‍ക്കും ഗോള്‍ നേടാനായില്ല. ആറ് മത്സരങ്ങളില്‍ നിന്ന് ചെമ്പടയുടെ മൂന്നാം സമനിലയാണിത്. ലീഗില്‍ എവര്‍ട്ടണിന് ഇതുവരെ വിജയിക്കാനായിട്ടില്ല.

ലീഗിലെ ആദ്യ വിജയം തേടിയാണ് സ്വന്തം തട്ടകത്തില്‍ എവര്‍ട്ടണ്‍ കളിക്കാനിറങ്ങിയത്. ആദ്യപകുതിയില്‍ നിരവധി അവസരങ്ങള്‍ സൃഷ്ടിച്ചെങ്കിലും ഇരുടീമുകള്‍ക്കും ഗോള്‍ നേടാനായില്ല. രണ്ട് തവണ ലിവര്‍പൂള്‍ താരങ്ങളുടെ ഷോട്ട് പോസ്റ്റില്‍ തട്ടി മടങ്ങി. സീസണിലെ ആറ് ലീഗ് മത്സരങ്ങളില്‍ അഞ്ചിലും ആദ്യ പകുതിയില്‍ ഗോള്‍ നേടാന്‍ ലിവര്‍പൂളിന് സാധിച്ചിട്ടില്ല.

രണ്ടാം പകുതിയില്‍ ഫാബിയോ കാര്‍വലോയ്ക്ക് പകരം റൊബര്‍ട്ടോ ഫിര്‍മിനോയെ കളത്തിലിറക്കി ക്ലോപ്പ് ആക്രമണങ്ങള്‍ക്ക് മൂര്‍ച്ച കൂട്ടി. ചെമ്പടയുടെ മുന്നേറ്റങ്ങള്‍ക്ക് പക്ഷേ എവര്‍ട്ടണ്‍ പ്രതിരോധത്തെ മറികടക്കാനായില്ല. ഗോള്‍കീപ്പര്‍ പിക്‌ഫോര്‍ഡ് മികച്ച സേവുകളുമായി തിളങ്ങുന്ന പ്രകടനമാണ് കാഴ്ചവെച്ചത്. 69-ാം മിനിറ്റില്‍ എവര്‍ട്ടണ്‍ ഡിഫെന്‍ഡര്‍ കോണര്‍ കോഡി വലകുലുക്കിയെങ്കിലും വാര്‍ പരിശോധനയില്‍ ഓഫ്‌സൈഡാണെന്ന് കണ്ടെത്തിയതോടെ ഗോള്‍ നിഷേധിച്ചു. അവസാന മിനിറ്റുകളില്‍ ഇരുടീമുകളും ആക്രമിച്ച് കളിച്ചെങ്കിലും ഗോള്‍ നേടാനായില്ല.

ആറ് മത്സരങ്ങളില്‍ നിന്ന് രണ്ട് ജയവും മൂന്ന് സമനിലയും ഒരു തോല്‍വിയുമടക്കം ഒമ്പത് പോയന്റോടെ നിലവില്‍ അഞ്ചാം സ്ഥാനത്താണ് ലിവര്‍പൂള്‍. ഇത്രയും മത്സരങ്ങളില്‍ നിന്ന് നാല് സമനിലയും രണ്ട് തോല്‍വിയുമടക്കം നാല് പോയന്റാണ് എവര്‍ട്ടണിന്റെ സമ്പാദ്യം.

Content Highlights: Everton and Liverpool fought out an eventful Merseyside derby draw at Goodison Park.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022

Most Commented