ഷൂട്ടൗട്ടില്‍ യുണൈറ്റഡിന് പിഴച്ചു; യൂറോപ്പ ലീഗ് കിരീടം വിയ്യാറയലിന്


ക്ലബ്ബ് ചരിത്രത്തില്‍ ആദ്യമായിട്ടാണ് യൂറോപ്പിലെ പ്രധാന ടൂര്‍ണമെന്റില്‍ വിയ്യാറയല്‍ കിരീടം നേടുന്നത്. ജയത്തോടെ അവര്‍ ചാമ്പ്യന്‍സ് ലീഗിനും യോഗ്യത നേടി

Photo: AP

ഡാന്‍സിക്: (പോളണ്ട്): മാഞ്ചെസ്റ്റര്‍ യുണൈറ്റഡിനെ പെനാല്‍റ്റി ഷൂട്ടൗട്ടില്‍ കീഴടക്കി യൂറോപ്പ ലീഗ് കിരീടം സ്വന്തമാക്കി വിയ്യാറയല്‍. ഡാന്‍സികിലെ പി.ജി.ഇ അരീനയില്‍ നടന്ന മത്സരത്തില്‍ നിശ്ചിത സമയത്തും എക്‌സ്ട്രാ ടൈമിലും സ്‌കോര്‍ 1-1ന് നിലയിലായതോടെയാണ് മത്സരം ഷൂട്ടൗട്ടിലേക്ക് നീണ്ടത്. 11-10 എന്ന സ്‌കോറിലായിരുന്നു വിയ്യാറയലിന്റെ ജയം. യുണൈറ്റഡ് ഗോള്‍കീപ്പര്‍ ഡേവിഡ് ഡിഹിയയാണ് കിക്ക് നഷ്ടപ്പെടുത്തിയത്.

ക്ലബ്ബ് ചരിത്രത്തില്‍ ആദ്യമായിട്ടാണ് യൂറോപ്പിലെ പ്രധാന ടൂര്‍ണമെന്റില്‍ വിയ്യാറയല്‍ കിരീടം നേടുന്നത്. ജയത്തോടെ അവര്‍ ചാമ്പ്യന്‍സ് ലീഗിനും യോഗ്യത നേടി.

മത്സരത്തിന്റെ 29-ാം മിനിറ്റില്‍ ജെറാര്‍ഡ് മൊറിനോയിലൂടെ വിയ്യാറയലാണ് ആദ്യം മുന്നിലെത്തിയത്. പരേഹോ എടുത്ത ഫ്രീകിക്കില്‍ നിന്നായിരുന്നു മൊറിനോയുടെ ഗോള്‍. ആദ്യ പകുതി വിയ്യാറയലിന്റെ ലീഡില്‍ അവസാനിച്ചു.

55-ാം മിനിറ്റില്‍ എഡിന്‍സന്‍ കവാനി യുണൈറ്റഡിന്റെ സമനില ഗോള്‍ കണ്ടെത്തി. തുടര്‍ന്ന് യുണൈറ്റഡിന് കളിയില്‍ ആധിപത്യം ലഭിച്ചെങ്കിലും റാഷ്‌ഫോര്‍ഡും കവാനിയും രണ്ടാം പകുതിയില്‍ ലഭിച്ച അവസരങ്ങള്‍ നഷ്ടപ്പെടുത്തിയതോടെ മത്സരം എക്‌സ്ട്രാ ടൈമിലേക്ക് നീണ്ടു.

എക്‌സ്ട്രാ ടൈമിലും ഇരു ടീമുകള്‍ക്കും സ്‌കോര്‍ ചെയ്യാന്‍ സാധിക്കാതിരുന്നതോടെ മത്സരം പെനാല്‍റ്റി ഷൂട്ടൗട്ടിലേക്ക് നീണ്ടു. ഇരു ടീമിലെയും ആദ്യ അഞ്ച് താരങ്ങളും പന്ത് വലയിലെത്തിച്ചതോടെ മത്സരം ടൈബ്രേക്കറിലേക്ക് നീണ്ടു.

തുടര്‍ന്നും അഞ്ച് താരങ്ങള്‍ വീതം ലക്ഷ്യം കണ്ടതോടെ പിന്നീട് ഗോള്‍കീപ്പര്‍മാരുടെ ഊഴമായി. വിയ്യറയല്‍ കീപ്പര്‍ ജെറോണിമോ റുല്ലി പന്ത് വലയിലെത്തിച്ചപ്പോള്‍ യുണൈറ്റഡിന്റെ കിക്കെടുത്ത ഡിഹിയക്ക് പിഴച്ചു.

Content Highlights: Europa League final Villarreal beat Manchester United 11-10 on penalties

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022


pinarayi and saji cheriyan

1 min

അപ്രതീക്ഷിത വിവാദം; മന്ത്രി സജി ചെറിയാനെ മുഖ്യമന്ത്രി വിളിപ്പിച്ചു, തിരക്കിട്ട ചര്‍ച്ചകള്‍

Jul 5, 2022


nedumbassery airport

1 min

ബാഗില്‍ എന്താണെന്ന വിമാന ജീവനക്കാരിയുടെ ചോദ്യം ഇഷ്ടപ്പെട്ടില്ല, ബോംബെന്ന് മറുപടി; അറസ്റ്റിലായി

Jul 3, 2022

Most Commented