സതാംപ്ടണെതിരേ ആന്‍ഫീല്‍ഡില്‍ തകര്‍പ്പന്‍ ജയവുമായി ലിവര്‍പൂള്‍; ന്യൂകാസിലിനെ തകര്‍ത്ത് ആഴ്‌സണല്‍


Photo: AFP

ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ സതാംപ്ടണെതിരേ തകര്‍പ്പന്‍ ജയവുമായി യര്‍ഗന്‍ ക്ലോപ്പിന്റെ ലിവര്‍പൂള്‍. ആന്‍ഫീല്‍ഡില്‍ എതിരില്ലാത്ത നാലു ഗോള്‍ ജയത്തോടെ അവര്‍ ഒന്നാമതുള്ള ചെല്‍സിയുമായുള്ള അകലം ഒരു പോയന്റാക്കി കുറച്ചു.

ഡിയോഗോ ജോട്ട ഇരട്ട ഗോളുകളുമായി തിളങ്ങിയ മത്സരത്തില്‍ തിയാഗോ അല്‍കാണ്‍ട്രയും വിര്‍ജില്‍ വാന്‍ഡൈക്കുമാണ് ലിവര്‍പൂളിന്റെ മറ്റ് സ്‌കോറര്‍മാര്‍.



മത്സരം തുടങ്ങി രണ്ടാം മിനിറ്റില്‍ തന്നെ ജോട്ടയിലൂടെ ലിവര്‍പൂള്‍ മുന്നിലെത്തി. ഇടതുവിങ്ങില്‍ നിന്ന് റോബര്‍ട്‌സണ്‍ നല്‍കിയ ക്രോസ് ജോട്ട വലയിലെത്തിക്കുകയായിരുന്നു.

32-ാം മിനിറ്റില്‍ ജോട്ട വീണ്ടും ലക്ഷ്യം കണ്ടു. ഇത്തവണ വലതു വിങ്ങില്‍ നിന്ന് മുഹമ്മദ് സലാ നല്‍കിയ പാസില്‍ നിന്നായിരുന്നു ഗോള്‍.

അഞ്ചു മിനിറ്റിനകം തിയാഗോ ലിവര്‍പൂളിന്റെ ലീഡുയര്‍ത്തി. 52-ാം മിനിറ്റില്‍ അലക്‌സാണ്ടര്‍ അര്‍ണോള്‍ഡിന്റെ പാസില്‍ നിന്നായിരുന്നു ഗോള്‍.

epl liverpool crushes southampton arsenal beat newcastle
Photo: AFP

ന്യൂകാസിലിനെ തകര്‍ത്ത് ഗണ്ണേഴ്‌സ്

സ്വന്തം മൈതാനത്ത് ന്യൂകാസിലിനെതിരേ തകര്‍പ്പന്‍ ജയവുമായി ആഴ്‌സണല്‍. എതിരില്ലാത്ത രണ്ടു ഗോളുകള്‍ക്കായിരുന്നു ആര്‍ട്ടേറ്റയുടെ സംഘത്തിന്റെ ജയം.

ഗോള്‍രഹിതമായ ആദ്യ പകുതിക്ക് ശേഷം 56-ാം മിനിറ്റില്‍ ബുകായോ സാക്കയാണ് ഗണ്ണേഴ്‌സിനെ മുന്നിലെത്തിച്ചത്. 66-ാം മിനിറ്റില്‍ ഗബ്രിയേല്‍ മാര്‍ട്ടിനെല്ലി ടീമിന്റെ രണ്ടാം ഗോള്‍ സ്വന്തമാക്കി.

ജയത്തോടെ 13 മത്സരങ്ങളില്‍ നിന്ന് 23 പോയന്റുമായി ആഴ്‌സണല്‍ അഞ്ചാം സ്ഥാനത്തെത്തി.

Content Highlights: epl liverpool crushes southampton arsenal beat newcastle


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


Vizhinjam

7 min

വിഴിഞ്ഞത്തിന്റെ നിലവിളി | വഴിപോക്കൻ

Dec 2, 2022


04:19

ഇത് കേരളത്തിന്റെ മിനി ശിവകാശി, പടക്കങ്ങളുടെ മായാലോകം

Oct 24, 2022

Most Commented