പിന്നില്‍ നിന്ന ശേഷം തിരിച്ചടിച്ചു; മാഞ്ചസ്റ്റര്‍ യുണൈറ്റഡിന് വിജയച്ചിരി


ഈ വിജയത്തോടെ യുണൈറ്റഡ് ചാമ്പ്യന്‍സ് ലീഗ് യോഗ്യതയുടെ തൊട്ടടുത്തെത്തി

കവാനിയുടെ ഗോളാഘോഷം| Photo Courtesy: twitter.com|ManUtd

ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ വീണ്ടും മാഞ്ചസ്റ്റര്‍ യുണൈറ്റഡിന്റെ തിരിച്ചുവരവ്. ആസ്റ്റണ്‍വില്ലയ്‌ക്കെതിരായ മത്സരത്തിലാണ് യുണൈറ്റഡിന്റെ മനോഹര തിരിച്ചുവരവ് കണ്ടത്. ഒന്നിനെതിരേ മൂന്നു ഗോളിനായിരുന്നു യുണൈറ്റഡിന്റെ വിജയം.

വില്ലാപാര്‍ക്കില്‍ നടന്ന മത്സരത്തിന്റെ 24-ാ ംമിനിറ്റില്‍ ആസ്റ്റണ്‍ വില്ല ലീഡെടുത്തു. അസാധ്യമാണെന്ന് തോന്നുന്ന ആങ്കിളില്‍ നിന്ന് മികച്ചൊരു ഫിനിഷിലൂടെ ട്രയോരെ വില്ലയെ മുന്നിലെത്തിച്ചു. 52-ാം മിനിറ്റില്‍ പോഗ്ബ ഒരുക്കിക്കൊടുത്ത പെനാല്‍റ്റി ലക്ഷ്യത്തിലെത്തിച്ച് ബ്രൂണോ ഫെര്‍ണാണ്ടസ് യുണൈറ്റഡിനെ ഒപ്പമെത്തിച്ചു.

നാല് മിനിറ്റിനുള്ളില്‍ യുണൈറ്റഡ് ലീഡ് നേടി. മാസണ്‍ ഗ്രീന്‍വുഡിന്റൈ ഇടങ്കാലന്‍ ഷോട്ട് വലയിലെത്തി. കഴിഞ്ഞ പത്ത് മത്സരത്തിനിടയില്‍ ഗ്രീന്‍വുഡിന്റെ ഏഴാം ഗോളാണ് ഇത്. 87-ാം മിനിറ്റില്‍ എഡിന്‍സണ്‍ കവാനി യുണൈറ്റഡിന്റെ വിജയമുറപ്പിച്ച ഗോള്‍ നേടി. റാഷ്‌ഫോര്‍ഡിന്റെ ക്രോസില്‍ നിന്ന് കവാനി മനഹോരമായൊരു ഹെഡ്ഡറിലൂടെ പന്ത് വലയിലെത്തിച്ചു.

89-ാം മിനിറ്റില്‍ ഒലി വാറ്റ്കിന്‍സ് രണ്ടാം മഞ്ഞക്കാര്‍ഡ് കണ്ട് പുറത്തായതോടെ പത്ത് പേരുമായാണ് ആസ്റ്റണ്‍ വില്ല കളി പൂര്‍ത്തിയാക്കിയത്. ഈ വിജയത്തോടെ യുണൈറ്റഡ് ചാമ്പ്യന്‍സ് ലീഗ് യോഗ്യതയുടെ തൊട്ടടുത്തെത്തി. നിലവില്‍ 34 മത്സരങ്ങളില്‍ നിന്ന് 70 പോയിന്റുമായി രണ്ടാം സ്ഥാനത്താണ് യുണൈറ്റഡ്.

Content Highlights: EPL 2021 Manchester United win vs Aston Villa


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Mallikarjun Kharge, VD Satheesan

1 min

ഖാര്‍ഗെയെ പിന്തുണയ്ക്കും, അദ്ദേഹം കോണ്‍ഗ്രസ് അധ്യക്ഷനാകുന്നത് അഭിമാനകരം - വി.ഡി. സതീശന്‍

Oct 1, 2022

Most Commented