ഇരട്ട ഗോളുമായി തിളങ്ങി ഒബമെയാങ്; പീരങ്കിപ്പടയ്ക്ക് 14-ാം എഫ്.എ കപ്പ് കിരീടം


ആഴ്‌സണലും ചെല്‍സിയും എഫ്.എ കപ്പ് ഫൈനലില്‍ ഏറ്റുമുട്ടുന്നത് ഇത് മൂന്നാം തവണയാണ്. മൂന്നു തവണയും ജയം ആഴ്‌സണലിനൊപ്പവും

-

ലണ്ടൻ: ചെൽസിയെ തോൽപ്പിച്ച് എഫ്.എ കപ്പ് കിരീടം സ്വന്തമാക്കി ആഴ്സണൽ. ലണ്ടനിലെ വെംബ്ലി സ്റ്റേഡിയത്തിൽ നടന്ന മത്സരത്തിൽ ഒന്നിനെതിരേ രണ്ടു ഗോളുകൾക്കായിരുന്നു പീരങ്കിപ്പടയുടെ ജയം. ആഴ്സണലിന്റെ 14-ാം എഫ്.എ കപ്പ് കിരീടമാണിത്.

ഇരട്ട ഗോളുമായി തിളങ്ങിയ എമറിക് ഒബമെയാങ്ങാണ് ആഴ്സണലിന്റെ വിജയശിൽപി. മത്സരം ആരംഭിച്ച് അഞ്ചാം മിനിറ്റിൽ തന്നെ ആഴ്സണലിനെ ഞെട്ടിച്ച് ചെൽസിയാണ് മുന്നിലെത്തിയത്. ഒളിവർ ജിറൂദിന്റെ പാസ് വലയിലെത്തിച്ച് ക്രിസ്റ്റ്യൻ പുലിസിച്ചാണ് ലാംപാർഡിന്റെ പടയെ മുന്നിലെത്തിച്ചത്. എന്നാൽ 28-ാം മിനിറ്റിൽ ലഭിച്ച പെനാൽറ്റി വലയിലെത്തിച്ച് ഒബമെയാങ് ആഴ്സണലിനെ ഒപ്പമെത്തിച്ചു. 67-ാം മിനിറ്റിൽ അദ്ദേഹം തന്നെ പീരങ്കിപ്പടയുടെ വിജയഗോളും നേടി.

73-ാം മിനിറ്റിൽ രണ്ടാം മഞ്ഞക്കാർഡ് കണ്ട് കൊവാച്ചിച്ച് പുറത്തായതും നീലപ്പടയ്ക്ക് തിരിച്ചടിയായി.

ആഴ്സണലും ചെൽസിയും എഫ്.എ കപ്പ് ഫൈനലിൽ ഏറ്റുമുട്ടുന്നത് ഇത് മൂന്നാം തവണയാണ്. മൂന്നു തവണയും ജയം ആഴ്സണലിനൊപ്പവും. 2002, 2017 വർഷങ്ങളിലാണ് ഇരുവരും ഇതിനു മുമ്പ് എഫ്.എ കപ്പ് ഫൈനലിൽ മുഖാമുഖം വന്നത്.

2019 -ലെ യുവേഫ യൂറോപ്പ ലീഗ് ഫൈനലിലെ തോൽവിക്ക് പകരം വീട്ടാനും ഇതോടെ ആഴ്സണലിനായി. ആഴ്സണലിനൊപ്പം പരിശീലകൻ മൈക്കൽ അർട്ടേറ്റയുടെ ആദ്യ കിരീടമാണിത്. 2014, 2015 വർഷങ്ങളിൽ എഫ്.എ കപ്പ് നേടിയ ആഴ്സണൽ ടീമിൽ അംഗമായിരുന്നു ആർട്ടേറ്റ.

ആഴ്സണലിനെ സംബന്ധിച്ച് ഏറെ നിർണായകമായിരുന്നു ഈ ഫൈനൽ. കാരണം കഴിഞ്ഞ 25 വർഷത്തിനിടെ ആദ്യമായാണ് പീരങ്കിപ്പട പ്രീമിയർ ലീഗ് പോയന്റ് പട്ടികയിൽ ആദ്യ ആറിൽ നിന്ന് പുറത്താകുന്നത്. അതിനാൽ തന്നെ യുറോപ്പ ലീഗിൽ ഇടംനേടാൻ അവർക്ക് എഫ്.എ കപ്പ് ജയം ആവശ്യമായിരുന്നു.

Content Highlights: Emerick Aubameyang scores twice Arsenal wins FA Cup final against Chelsea


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented