Image Courtesy: Real Madrid| Twitter
മാഡ്രിഡ്: സ്പാനിഷ് ലീഗില്‍ തുടര്‍ച്ചയായ എട്ടാം ജയവുമായി റയല്‍ മാഡ്രിഡ് ലാ ലിഗ കിരീടത്തോട് അടുത്തു. കോവിഡ്-19 ലോക്ക്ഡൗണിനു പിന്നാലെ ലീഗ് പുനഃരാരംഭിച്ച ശേഷം റയല്‍ നേടുന്ന തുടര്‍ച്ചയായ എട്ടാം ജയമാണിത്.
അലാവസിനെതിരായ എവേ മത്സരത്തില്‍ എതിരില്ലാത്ത രണ്ടു ഗോളിനാണ് സിദാന്റെ കുട്ടികള്‍ ജയിച്ചു കയറിയത്. റയലിന്റെ തുടര്‍ച്ചയായ അഞ്ചാം ക്ലീന്‍ ഷീറ്റായിരുന്നു ഇത്. ലാ ലിഗ കിരീടം നിലനിര്‍ത്തുകയെന്ന ബാഴ്സലോണയുടെ പ്രതീക്ഷകള്‍ക്കും റയലിന്റെ ജയത്തോടെ മങ്ങലേറ്റു.
11-ാം മിനിറ്റില്‍ പെനാല്‍റ്റിയിലൂടെ കരീം ബെന്‍സേമയാണ് റയലിനെ മുന്നിലെത്തിച്ചത്. 51-ാം മിനിറ്റില്‍ മാര്‍ക്കോ അസെന്‍സിയോ അവരുടെ ഗോള്‍ പട്ടിക തികച്ചു.
കിരീടമില്ലാതെ പോയ കഴിഞ്ഞ മൂന്നു സീസണുകള്‍ക്കു ലാ ലിഗ ജേതാക്കളാകാന്‍ ഒരുങ്ങുകയാണ് റയല്‍. ലീഗില്‍ മൂന്നു മത്സരങ്ങള്‍ മാത്രം ശേഷിക്കെ 35 കളികളില്‍ നിന്ന് 80 പോയന്റുമായി റയല്‍ ഒന്നാം സ്ഥാനത്ത് തുടരുന്നു. രണ്ടാമതുള്ള ബാഴ്‌സയ്ക്ക് 76 പോയന്റാണുള്ളത്.
ഇനിയുള്ള മൂന്നു മത്സരങ്ങളില്‍ രണ്ട് മത്സരങ്ങള്‍ ജയിച്ചാല്‍ റയല്‍ കിരീടമുയര്‍ത്തും. ബാഴ്‌സയ്ക്കാകട്ടെ റയല്‍ ഇനിയുള്ള രണ്ട് മത്സരങ്ങള്‍ തോല്‍ക്കുന്നതിനൊപ്പം എല്ലാ മത്സരങ്ങളിലും ജയിക്കുകയും വേണം. റയലിന്റെ നിലവിലെ ഫോം പരിഗണിച്ചാല്‍ ബാഴ്‌സയുടെ കിരീട മോഹം ഏറെക്കുറേ അവസാനിച്ചു എന്നു പറയാം.
Content Highlights: eighth win in a row Real Madrid can almost touch la liga title
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
.jpg?$p=c8a05f8&f=1x1&w=100&q=0.8)
.jpg?$p=8896326&f=1x1&w=100&q=0.8)
.jpg?$p=c686dae&f=1x1&w=100&q=0.8)
IN CASE YOU MISSED IT
.jpg?$p=c686dae&f=1x1&w=100&q=0.8)
.jpg?$p=8896326&q=0.8&f=16x11&w=104)
.jpg?$p=c686dae&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..