ഡി ലിറ്റ്, ഡിബാല | Photo: twitter.com/FabrizioRomano
ടൂറിന്‍: യുവന്റസിന്റെ പ്രതിരോധതാരം മാത്തിസ് ഡി ലിറ്റിനെ സ്വന്തമാക്കി ബയേണ്‍ മ്യൂണിക്ക്. 80 മില്യണ്‍ യൂറോയ്ക്കാണ് (ഏകദേശം 650 കോടി രൂപ) താരത്തെ ബയേണ്‍ സ്വന്തമാക്കിയത്.
അഞ്ചുവര്‍ഷത്തെ കരാറിലാണ് ഡി ലിറ്റ് ബയേണിലെത്തുന്നത്. വൈദ്യപരിശോധനും കരാറില്‍ ഒപ്പിടലും മാത്രമാണ് ഇനി ബാക്കിയുള്ളത്. ഡി ലിറ്റിനായി ചെല്‍സിയടക്കമുള്ള നിരവധി ക്ലബ്ബുകള്‍ രംഗത്തുണ്ടായിരുന്നു. എന്നാല്‍ ബയേണിലേക്ക് ചേക്കേറാനാണ് താരം ശ്രമിച്ചത്. നെതര്‍ലന്‍ഡ്‌സ് ദേശീയ ടീമിലംഗമായ ഡി ലിറ്റ് അയാക്‌സില്‍ നിന്നാണ് യുവന്റസിലെത്തിയത്.
യുവന്റസിന്റെ മറ്റൊരു താരമായ പൗലോ ഡിബാലയും ടീം വിട്ടു. ഡിബാലയെ ഇറ്റാലിയന്‍ ക്ലബ്ബായ എ.എസ് റോമ സ്വന്തമാക്കി. മൂന്നുവര്‍ഷത്തെ കരാറിലാണ് താരം റോമയിലെത്തുന്നത്. റോമയുടെ പരിശീലകന്‍ ഹോസെ മൗറീന്യോയുടെ ആവശ്യപ്രകാരമാണ് ഡിബാലയെ ക്ലബ്ബ് സ്വന്തമാക്കിയത്.
അര്‍ജന്റീനയുടെ മുന്നേറ്റതാരമായ ഡിബാലയെ എത്ര തുകയ്ക്കാണ് റോമ സ്വന്തമാക്കിയിരിക്കുന്നത് എന്ന കാര്യത്തില്‍ വ്യക്തത വന്നിട്ടില്ല. സ്‌പോര്‍ട്‌സ് ജേണലിസ്റ്റായ ഫാബ്രിസിയോ റൊമാനോയാണ് ഈ രണ്ട് ട്രാന്‍സ്ഫറുകളെയും കുറിച്ചുള്ള വാര്‍ത്ത പുറത്തുവിട്ടത്.
Content Highlights: paulo dybala, de ligt, delight transfer, bayern munich, as roma, sports news, football transfers
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
.jpg?$p=e4e93ab&f=1x1&w=100&q=0.8)
IN CASE YOU MISSED IT
.jpg?$p=e4e93ab&f=1x1&w=100&q=0.8)
.jpg?$p=c8a05f8&f=1x1&w=100&q=0.8)
.jpg?$p=8896326&q=0.8&f=16x11&w=104)
.jpg?$p=e1fda36&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..