Image Courtesy: ISL
മുംബൈ : ഇന്ത്യയില്‍ ഫുട്ബോളിന്റെ വളര്‍ച്ച ലക്ഷ്യമിട്ട് ഇന്ത്യന്‍ സൂപ്പര്‍ ലീഗും ഇംഗ്ലണ്ടിലെ പ്രീമിയര്‍ ലീഗും തമ്മില്‍ പുതിയ കരാറില്‍ ഒപ്പിട്ടു.
ശനിയാഴ്ച മുംബൈയില്‍നടന്ന ചടങ്ങില്‍ റിലയന്‍സ് ഫൗണ്ടേഷന്റെയും ഫുട്ബോള്‍ സ്‌പോര്‍ട്‌സ് ഡെവലപ്മെന്റ് ലിമിറ്റഡിന്റെയും ചെയര്‍പേഴ്സണ്‍ നിതാ അംബാനിയും പ്രീമിയര്‍ ലീഗ് ചീഫ് എക്‌സിക്യുട്ടീവ് റിച്ചാര്‍ഡ് മാസ്റ്റേഴ്സും ചേര്‍ന്നാണ് കരാര്‍ പ്രഖ്യാപിച്ചത്.
കളിയെ വളര്‍ത്തുന്നതിനുപുറമേ അതിന്റെ സാമ്പത്തികവളര്‍ച്ച, റഫറിയിങ്, ഭരണം തുടങ്ങി എല്ലാ മേഖലയിലും സഹകരണമുണ്ടാവുമെന്ന് ഇവര്‍ അറിയിച്ചു.
ഒരാഴ്ചയായി മുംബൈയില്‍നടന്ന നെക്സ്റ്റ് ജനറേഷന്‍ മുംബൈ കപ്പില്‍ ചെല്‍സി, സതാംപ്ടണ്‍, മാഞ്ചെസ്റ്റര്‍ യുണൈറ്റഡ് ടീമുകളുടെ കുട്ടിത്താരങ്ങള്‍ പങ്കെടുത്തത് പുതിയ കരാറിന്റെ ഭാഗമാണ്.
ആറുവര്‍ഷമായി ഐ.എസ്.എല്‍. പ്രീമിയര്‍ ലീഗുമായി സഹകരിക്കുന്നുണ്ട്. പുതിയ കരാറിലൂടെ യൂത്ത് ഡെവലപ്മെന്റ്, പരിശീലനം, റഫറിയിങ് തുടങ്ങിയ മേഖലകളിലും സഹകരണമുണ്ടാകുമെന്ന് നിതാ അംബാനി ചൂണ്ടിക്കാട്ടി.
''ഐ.എസ്.എല്ലിനെ സംബന്ധിച്ച് ഇത് പ്രധാന വര്‍ഷമാണ്. കൊല്‍ക്കത്തയില്‍നിന്ന് മോഹന്‍ ബാഗാന്‍ ഐ.എസ്.എല്ലിലേക്ക് വരുന്നു. മുംബൈ സിറ്റി എഫ്.സി. മാഞ്ചെസ്റ്റര്‍ സിറ്റിയുമായി സഹകരിക്കുന്നു, ഗോവ എഫ്.സി. എ.എഫ്.സി. കളിക്കാന്‍ പോകുന്നു, ഇപ്പോള്‍ പ്രീമിയര്‍ ലീഗുമായി കുടുതല്‍ സഹകരണമുണ്ടായി. ഐ.എസ്.എല്‍. ടെലിവിഷന്‍ കാണികളില്‍ ഇക്കുറി 40 ശതമാനം വളര്‍ച്ചയുണ്ടായി. ഡിജിറ്റലില്‍ ഇത് 80 ശതമാനമാണ്'' - നിതാ അംബാനി പറഞ്ഞു.
Content Highlights: Development of Indian football Premier League, ISL Mutual Cooperation Agreement
Also Watch
RELATED STORIES
.jpg?$p=8a7b7b1&f=1x1&w=100&q=0.8)
.jpg?$p=8384990&f=1x1&w=100&q=0.8)
.jpg?$p=430c1f1&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=e1fda36&q=0.8&f=16x11&w=104)
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..