.png?$p=c3eee67&f=16x10&w=852&q=0.8)
photo: twitter/ Cristiano Ronaldo
റിയാദ്: യൂറോപ്പിലെന്ന പോലെ ഏഷ്യയിലും ഗോളടിച്ചുകൊണ്ടേയിരിക്കുകയാണ് സൂപ്പര്‍താരം ക്രിസ്റ്റ്യാനോ റൊണാള്‍ഡോ. സൗദി പ്രോ ലീഗില്‍ ഫെബ്രുവരിയിലെ മികച്ച താരമായും പോര്‍ച്ചുഗീസ് നായകന്‍ മാറി. മാഞ്ചെസ്റ്റര്‍ യുണൈറ്റഡ് വിട്ട് സൗദി ക്ലബ്ബ് അല്‍നസ്‌റിലേക്ക് കഴിഞ്ഞ വര്‍ഷം ഡിസംബറിലാണ് റൊണാള്‍ഡോ കൂടുമാറിയത്. തുടക്കം മികച്ചതായിരുന്നില്ലെങ്കിലും പതിയെ അല്‍നസ്‌റിലും തരംഗം സൃഷ്ടിക്കുകയാണ് റോണോ.
സൂപ്പര്‍താരത്തോടൊപ്പം കുടുംബവും ഇപ്പോള്‍ സൗദിയിലാണുള്ളത്. ഇപ്പോഴിതാ റൊണാള്‍ഡോയുടെ മക്കള്‍ അറബി പഠിക്കാനുള്ള ശ്രമത്തിലാണുള്ളത്. റൊണാള്‍ഡോയുടെ മകള്‍ അറബി സംസാരിക്കുന്ന വീഡിയോ പങ്കാളി ജോര്‍ജിനയാണ് പങ്കുവെച്ചത്. ഇന്‍സ്റ്റഗ്രാം സ്റ്റോറിയിലൂടെയാണ് ജോര്‍ജിന ഈ വീഡിയോ പുറത്തുവിട്ടത്.
'ഞങ്ങളുടെ മകള്‍ ഇപ്പോഴേ അറബി സംസാരിക്കുകയാണ്' എന്ന വാചകത്തോടെയാണ് മകളുടെ വീഡിയോ ജോര്‍ജിന പങ്കുവെച്ചത്. ക്രിസ്റ്റ്യാനോയെ ഇതില്‍ മെന്‍ഷന്‍ ചെയ്തിട്ടുമുണ്ട്. ജോര്‍ജിനയെ നോക്കിക്കൊണ്ട് ആവേശത്തോടെ മകള്‍ അലാന അറബി സംസാരിക്കുന്നതാണ് വീഡിയോയില്‍. അവസാനം ജോര്‍ജിന ചിരിക്കുന്നതും കേള്‍ക്കാം. ചുരുങ്ങിയ നിമിഷം കൊണ്ടുതന്നെ ഈ വീഡിയോ സമൂഹമാധ്യമങ്ങളില്‍ വൈറലായി.
സൗദി പ്രോ ലീഗില്‍ ഇത്തിഫാഖിനെതിരേയാണ് അല്‍നസ്‌റിനായുള്ള അരങ്ങേറ്റം. മൂന്നാം മത്സരത്തില്‍ അല്‍ ഫത്തേഹിനെതിരേ പെനാല്‍റ്റി ലക്ഷ്യത്തിലെത്തിച്ചാണ് റൊണാള്‍ഡോ സൗദിയിലെ ഗോള്‍വേട്ടയ്ക്ക് തുടക്കമിട്ടത്. പിന്നാലെ അല്‍ വെഹ്ദയ്‌ക്കെതിരേ നാല് ഗോളുകളടിച്ച് റോണോ സൗദിയിലും തന്റെ വരവറിയിച്ചു. ലീഗില്‍ ദമാകിനെതിരേയും ഹാട്രിക്ക് നേടി. കരിയറിലെ 62-ാം ഹാട്രിക്കാണ് താരം നേടിയത്. പിന്നാലെയാണ് റൊണാള്‍ഡോയെ ഫെബ്രുവരിയിലെ മികച്ച താരമായി തിരഞ്ഞെടുത്തത്.
Content Highlights: Cristiano Ronaldo’s daughter learns how to speak Arabic with family in Saudi Arabia
Also Watch
RELATED STORIES
.jpg?$p=e1fda36&f=1x1&w=100&q=0.8)
IN CASE YOU MISSED IT
.jpg?$p=a08433b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..