Photo: AFP
ലണ്ടന്‍: സൂപ്പര്‍താരം ക്രിസ്റ്റ്യാനോ റൊണാള്‍ഡോയുടെ പെനാല്‍റ്റിയില്‍ മാഞ്ചസ്റ്റര്‍ യുണൈറ്റഡ് ഇംഗ്ലീഷ് പ്രീമിയര്‍ലീഗില്‍ നേരിയ ജയം സ്വന്തമാക്കി. പോയിന്റ് പട്ടികയില്‍ വാലറ്റക്കാരായ നോര്‍വിച്ചിനെ ഏകപക്ഷീയമായ ഒരു ഗോളിനാണ് യുണൈറ്റഡ് ജയിച്ചത്. ഈ ജയത്തോടെ പതിനാറ് കളികളില്‍ നിന്ന് ഇരുപത്തിയേഴ് പോയിന്റുമായി യുണൈറ്റഡ് അഞ്ചാം സ്ഥാനത്തെത്തി.
എഴുപത്തിയഞ്ചാം മിനിറ്റില്‍ മാക്‌സ് ആരണ്‍സ് വീഴ്ത്തിയതിന് കിട്ടിയ കിക്കാണ് ക്രിസ്റ്റ്യാനോ ലക്ഷ്യത്തിലെത്തിച്ചത്. രണ്ട് മിന്നുന്ന സേവുകള്‍ നടത്തിയ ഗോള്‍കീപ്പര്‍ ഡേവിഡ് ഗിയയും യുണൈറ്റഡിന്റെ മാനംകാത്തതില്‍ നിര്‍ണായക പങ്ക് വഹിച്ചു. പതിനാറ് കളികളില്‍ നിന്ന് പത്ത് പോയിന്റ് മാത്രമാണ് നോര്‍വിച്ചിനുള്ളത്.
വോള്‍വ്‌സിനെ ഏകപക്ഷീയമായ ഒരു ഗോളിന് തോല്‍പിച്ച സിറ്റി പതിനാറ് കളികളില്‍ നിന്ന് 38 പോയിന്റുമായി ഒന്നാം സ്ഥാനത്ത് തുടരുകയാണ്. ആസ്റ്റണ്‍വില്ലയെ ഏകപക്ഷീയമായ ഒരു ഗോളിന് തോല്‍പിച്ച ലിവര്‍പൂള്‍ 37 പോയിന്റുമായി രണ്ടാം സ്ഥാനത്ത് തുടരുകയാണ്. 36 പോയിന്റുമായി മൂന്നാം സ്ഥാനത്തുള്ള ചെല്‍സി ലീഡ്‌സിനെ രണ്ടിനെതിരേ മൂന്ന് ഗോളുകള്‍ക്ക് തോല്‍പിച്ചു.
Also Watch
RELATED STORIES
.jpg?$p=69d463a&f=1x1&w=100&q=0.8)
.jpg?$p=e46f401&f=1x1&w=100&q=0.8)
.jpg?$p=e4e93ab&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=e1fda36&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..