യൂറോപ്പ കളിക്കാന്‍ വയ്യാ, ക്രിസ്റ്റ്യാനോയ്ക്ക് യുണൈറ്റഡ് വിടണം, Cristiano Ronaldo requests Manchester United transfer

04 July 2022, 08:17 AM IST

Photo: AP

ലണ്ടന്‍: മാഞ്ചെസ്റ്റര്‍ യുണൈറ്റഡ് സൂപ്പര്‍താരം ക്രിസ്റ്റ്യാനോ റൊണാള്‍ഡോ ധര്‍മസങ്കടത്തിലാണ്. യുണൈറ്റഡില്‍ തുടരുകയാണെങ്കില്‍ ചാമ്പ്യന്‍സ് ലീഗ് കളിക്കാനാവില്ല. അതുംപോട്ടെ, യൂറോപ്പ ലീഗ് കളിക്കുകയും വേണം. അത്രയും ഗ്രേഡ് കുറഞ്ഞ ലീഗ് പോര്‍ച്ചുഗല്‍ താരം കളിച്ചിട്ടുമില്ല. അതുകൊണ്ട്, എങ്ങനെയെങ്കിലും ക്ലബ്ബ് വിടാന്‍ അനുവദിക്കണമെന്ന് ക്രിസ്റ്റ്യാനോ യുണൈറ്റഡിനോട് അഭ്യര്‍ഥിച്ചതായാണ് റിപ്പോര്‍ട്ടുകള്‍.

ഇംഗ്ലീഷ് പ്രീമിയര്‍ ലീഗിലെ കഴിഞ്ഞ സീസണ്‍ യുണൈറ്റഡിന് സുഖകരമായിരുന്നില്ല. ആറാംസ്ഥാനത്ത് ഫിനിഷ് ചെയ്തതോടെ ചാമ്പ്യന്‍സ് ലീഗ് നഷ്ടമായി. യോഗ്യത കിട്ടിയത് യൂറോപ്പ ലീഗിനുമാത്രം. കഴിഞ്ഞ സീസണില്‍ യുണൈറ്റഡിനുവേണ്ടി കൂടുതല്‍ ഗോളടിച്ചത് ക്രിസ്റ്റ്യാനോയാണ്, പ്രീമിയര്‍ ലീഗിലെ മൂന്നാമത്തെ ഗോള്‍വേട്ടക്കാരനും അദ്ദേഹം തന്നെ.

യുണൈറ്റഡില്‍ ഒരുവര്‍ഷം കൂടി ക്രിസ്റ്റ്യാനോയ്ക്ക് കരാറുണ്ട്. താരത്തെ വില്‍ക്കാന്‍ ക്ലബ്ബിന് സമ്മതമല്ലെന്നാണ് സൂചന. ക്ലബ്ബിന്റെ ചരിത്രത്തിലെത്തന്നെ ഏറ്റവും വലിയ കളിക്കാരിലൊരാളാണ് അദ്ദേഹം. പുതിയ കോച്ച് എറിക് ടെന്‍ ഹാഗിന് കീഴില്‍ തിരിച്ചുവരവിനുള്ള ശ്രമത്തിലാണ് യുണൈറ്റഡ്.

പ്രീ-സീസണ്‍ പരിശീലനത്തിനായി ടീം ഈയാഴ്ച ഒരുമിക്കുന്നുണ്ട്. അതില്‍ ക്രിസ്റ്റ്യാനോ പങ്കെടുക്കുമെന്നാണ് പ്രതീക്ഷ. പ്രീ-സീസണ്‍ പരിശീലനത്തിനായി ടീം തായ്ലാന്‍ഡിലേക്കും ഓസ്ട്രേലിയയിലേക്കും പോകും.

Content Highlights: Cristiano Ronaldo requests Manchester United transfer

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)