തിരിച്ചുവരവില്‍ മികച്ച താരത്തിനുള്ള പുരസ്‌കാരം, ഫുട്‌ബോള്‍ ലോകത്തെ ഞെട്ടിച്ച് റൊണാള്‍ഡോ


യുവന്റസില്‍ നിന്നും യുണൈറ്റഡിലേക്ക് തിരിച്ചെത്തിയ റൊണാള്‍ഡോ ചുവന്ന ചെകുത്താന്മാര്‍ക്ക് വേണ്ടി മൂന്നുതവണയാണ് ഇംഗ്ലീഷ് പ്രീമിയര്‍ ലീഗില്‍ വലകുലുക്കിയത്.

Photo: AFP

ലണ്ടന്‍: ഇംഗ്ലീഷ് പ്രീമിയര്‍ ലീഗിലെ സെപ്റ്റംബര്‍ മാസത്തിലെ ഏറ്റവും മികച്ച കളിക്കാരനുള്ള പുരസ്‌കാരം സ്വന്തമാക്കി മാഞ്ചെസ്റ്റര്‍ യുണൈറ്റഡിന്റെ ഇതിഹാസ താരം ക്രിസ്റ്റ്യാനോ റൊണാള്‍ഡോ.

13 വര്‍ഷത്തിനുശേഷം ഇംഗ്ലീഷ് പ്രീമിയര്‍ ലീഗിലേക്ക് തിരിച്ചെത്തിയ റൊണാള്‍ഡോ ആദ്യ മാസം തന്നെ മികച്ച താരത്തിനുള്ള പുരസ്‌കാരം സ്വന്തമാക്കി ചരിത്രം കുറിച്ചു. യുവന്റസില്‍ നിന്നും യുണൈറ്റഡിലേക്ക് തിരിച്ചെത്തിയ റൊണാള്‍ഡോ ചുവന്ന ചെകുത്താന്മാര്‍ക്ക് വേണ്ടി മൂന്നുതവണയാണ് ഇംഗ്ലീഷ് പ്രീമിയര്‍ ലീഗില്‍ വലകുലുക്കിയത്.

റൊണാള്‍ഡോയുടെ കരിയറിലെ അഞ്ചാമത്തെ പ്ലെയര്‍ ഓഫ് ദ മന്ത് പുരസ്‌കാരമാണിത്. 2008 മാര്‍ച്ചിലാണ് താരം അവസാനമായി ഈ പുരസ്‌കാരം സ്വന്തമാക്കിയത്. യുണൈറ്റഡിലേക്കുള്ള റൊണാള്‍ഡോയുടെ മടങ്ങിവരവ് ഫുട്‌ബോള്‍ ലോകത്തെ പിടിച്ചുകുലുക്കിയിരുന്നു.

രണ്ടാം വരവിലെ ആദ്യ മത്സരത്തില്‍ തന്നെ ന്യൂ കാസില്‍ യുണൈറ്റഡിനെതിരേ രണ്ട് ഗോളുകള്‍ നേടിക്കൊണ്ട് റൊണാള്‍ഡോ ആരാധകരുടെ മനം കവര്‍ന്നു. പിന്നാലെ വെസ്റ്റ്ഹാം യുണൈറ്റഡിനെതിരേയും സ്‌കോര്‍ ചെയ്തു.

ജൊവാവോ ക്യാന്‍സെലോ, ആന്റോണിയോ റൂഡിഗര്‍, അലന്‍ സെയ്ന്റ് മാക്‌സിമിന്‍, മുഹമ്മദ് സല, ഇസ്മാലിയ സാര്‍ എന്നീ താരങ്ങളാണ് പുരസ്‌കാരത്തിനുവേണ്ടി റൊണാള്‍ഡോയ്‌ക്കൊപ്പം അവസാന റൗണ്ടില്‍ മാറ്റുരച്ചത്. ഈ അഞ്ചുപേരെയും മറികടന്നാണ് റൊണാള്‍ഡോ പുരസ്‌കാരം സ്വന്തമാക്കിയത്.

Content Highlights: Cristiano Ronaldo named Premier League's player of the month for September 2021


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:03

'ഇയാള്‍ പുറത്തിറങ്ങി നടക്കുന്നത് കണ്ട് ആളുകള്‍ ഇനിയും കുട്ടികളെയൊക്കെ ആക്രമിക്കും'

Sep 21, 2022


popular front

1 min

'ഇന്ത്യയില്‍ ഇസ്‌ലാമിക ഭരണത്തിന് ഗൂഢാലോചന നടത്തി'; PFI നേതാക്കളുടെ റിമാന്‍ഡ് റിപ്പോര്‍ട്ടില്‍ NIA

Sep 23, 2022


amazon

3 min

74,999 രൂപയുടെ സാംസങ് ഗാലക്‌സി എസ്20 എഫ്ഇ 29,999 രൂപയ്ക്ക്; സ്മാര്‍ട്ട്‌ഫോണുകള്‍ക്ക് ഗംഭീര ഓഫറുകള്‍

Sep 24, 2022

Most Commented