Photo: AFP
റിയാദ്: സൂപ്പര്‍ താരം ക്രിസ്റ്റ്യാനോ റൊണാള്‍ഡോയുടെ അല്‍ നസ്ര്‍ ക്ലബ്ബിന് സൗദി പ്രോ ലീഗില്‍ തോല്‍വി. ചിരവൈരികളായ അല്‍ ഇത്തിഹാദാണ് ടീമിനെ പരാജയപ്പെടുത്തിയത്. എതിരില്ലാത്ത ഒരു ഗോളിനാണ് ടീമിന്റെ വിജയം.
80-ാം മിനിറ്റില്‍ റൊമാറിന്യോയാണ് അല്‍ ഇത്തിഹാദിനായി വലകുലുക്കിയത്. ഈ തോല്‍വിയോടെ അല്‍ നസ്‌റിന് പോയന്റ് പട്ടികയിലെ ഒന്നാം സ്ഥാനം നഷ്ടമായി. അല്‍ നസ്‌റിനെ മറികടന്ന് അല്‍ ഇത്തിഹാദ് ഒന്നാം സ്ഥാനം സ്വന്തമാക്കി. 20 മത്സരങ്ങളില്‍ നിന്ന് 47 പോയന്റാണ് ടീമിനുള്ളത്. രണ്ടാമതുള്ള അല്‍ നസ്‌റിന് 20 മത്സരങ്ങളില്‍ നിന്ന് 46 പോയന്റാണുള്ളത്.
തോല്‍വിയ്ക്ക് പിന്നാലെ അരിശംപൂണ്ട് പുറത്തുപോകുന്ന റൊണാള്‍ഡോയുടെ വീഡിയോയാണ് ഇപ്പോള്‍ വൈറല്‍. മത്സരത്തില്‍ തോല്‍വി വഴങ്ങിയതോടെ രോഷാകുലനായ റൊണാള്‍ഡോ ഗ്രൗണ്ട് വിടുംമുന്‍പ് ആരാധകര്‍ 'മെസ്സി...മെസ്സി' എന്നുറക്കെ വിളിച്ച് താരത്തെ ചൊടിപ്പിച്ചു.
ഇതുകേട്ട റൊണാള്‍ഡോ ഗ്രൗണ്ടിലുണ്ടായിരുന്ന കുപ്പി ദേഷ്യത്താല്‍ തട്ടിത്തെറിപ്പിച്ചുകൊണ്ട് നടന്നുപോയി. ഈ രംഗമാണ് സമൂഹമാധ്യമങ്ങളില്‍ വൈറലാകുന്നത്. മത്സരത്തില്‍ റൊണാള്‍ഡോയ്ക്ക് തിളങ്ങാനായിരുന്നില്ല. അടുത്ത മത്സരത്തില്‍ അഭയാണ് അല്‍ നസ്‌റിന്റെ എതിരാളികള്‍. മാര്‍ച്ച് 18-നാണ് മത്സരം.
Content Highlights: cristiano ronaldo gets angry after defeat in saudi pro league
Also Watch
RELATED STORIES
.png?$p=c3eee67&f=1x1&w=100&q=0.8)
.jpg?$p=e1fda36&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..