.jpg?$p=22d1829&f=16x10&w=856&q=0.8)
Photo: Getty Images
റിയാദ്: ലോകമെമ്പാടുമുള്ള ഫുട്‌ബോള്‍ ആരാധകര്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോ വീണ്ടും ബൂട്ടുകെട്ടുന്നതിനായി കാത്തിരിക്കുകയാണ്. റെക്കോഡ് തുകയ്ക്ക് സൗദി അറേബ്യന്‍ ക്ലബ്ബായ അല്‍ നസ്‌റിലെത്തിയ റൊണാള്‍ഡോ ഇതുവരെ ടീമിനായി അരങ്ങേറ്റം നടത്തിയിട്ടില്ല.
എന്നാല്‍ ക്ലബ്ബിലെത്തിയപ്പോള്‍ത്തൊട്ട് താരത്തിന്റെ ഓരോ നീക്കവും ആരാധകര്‍ ആഘോഷമാക്കുകയാണ്. ഇപ്പോഴിതാ അല്‍ നസ്‌റിന്റെ ഗോള്‍ ആഘോഷത്തില്‍ പങ്കെടുത്ത് ആരാധകരുടെ മനം കവര്‍ന്നിരിക്കുകയാണ് റൊണാള്‍ഡോ. സൗദി പ്രോ ലീഗില്‍ അല്‍ ത ഈയ്‌ക്കെതിരായ മത്സരത്തിനിടെ അല്‍ നസ്ര്‍ ക്ലബ്ബ് വലകുലുക്കിയപ്പോള്‍ ട്രെയിനിങ് റൂമിലിരുന്ന് റൊണാള്‍ഡോയും ആഘോഷിച്ചു.
ട്രെയിനിങ്ങിനിടെ കൈയ്യടിച്ചാണ് താരം വാര്‍ത്തകളിലിടം നേടിയത്. ക്ലബ്ബ് തന്നെയാണ് റൊണാള്‍ഡോയുടെ ആഘോഷവീഡിയോ പുറത്തുവിട്ടത്. മത്സരത്തില്‍ 2-0 ന് ജയിച്ച ടീം ലീഗില്‍ ഒന്നാം സ്ഥാനത്ത് തുടരുകയാണ്. 12 മത്സരങ്ങളില്‍ നിന്ന് 29 പോയന്റാണ് ടീമിനുള്ളത്.
അല്‍ നസ്‌റില്‍ റൊണാള്‍ഡോയുടെ അരങ്ങേറ്റം വൈകുകയാണ്. സൗദി പ്രോ ലീഗില്‍ ഒരു ക്ലബ്ബിന് പരമാവധി എട്ട് വിദേശകളിക്കാരെ മാത്രമേ ടീമിലുള്‍പ്പെടുത്താനാകൂ. എന്നാല്‍ അല്‍ നസ്ര്‍ കൊണ്ടുവരുന്ന ഒന്‍പതാം വിദേശതാരമാണ് റൊണാള്‍ഡോ. അടുത്ത മത്സരത്തില്‍ റൊണാള്‍ഡോ അരങ്ങേറ്റം കുറിയ്ക്കുമെന്ന പ്രതീക്ഷയിലാണ് ആരാധകര്‍.
Content Highlights: crstiano ronaldo, ronaldo, ronaldo new club, al nassr, al nassr football club, sports news, football
Also Watch
RELATED STORIES
.jpg?$p=c8a05f8&f=1x1&w=100&q=0.8)
.jpg?$p=c8a05f8&f=1x1&w=100&q=0.8)
.jpg?$p=8896326&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=ada105f&q=0.8&f=16x11&w=104)
.jpg?$p=ec7da32&q=0.8&f=16x11&w=104)
.jpg?$p=8b03612&q=0.8&f=16x11&w=104)
.jpg?$p=9745ddf&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..