Image Courtesy: Twitter
റോം: ഇറ്റാലിയന്‍ ക്ലബ്ബ് യുവന്റസ് താരങ്ങളും പരിശീലകന്‍ മൗറീസിയോ സാറിയും ശമ്പളം കുറയ്ക്കുന്നതിന് സമ്മതിച്ചു.
കോവിഡ്-19 മൂലം മത്സരങ്ങള്‍ മുടങ്ങിയതോടെ ക്ലബ്ബിനുണ്ടായ സാമ്പത്തിക പ്രതിസന്ധി മറികടക്കുന്നതിനാണ് താരങ്ങള്‍ അനുകൂല നിലപാട് സ്വീകരിച്ചത്. മൂന്നിലൊന്ന് എന്ന തരത്തില്‍ നാലു മാസത്തേക്കാണ് ശമ്പളം കുറയ്ക്കുന്നത്.
ഇതോടെ 2019-20 സാമ്പത്തികവര്‍ഷം ക്ലബ്ബിന് 752 കോടിയോളം രൂപയുടെ (90 ദശലക്ഷം യൂറോ) വ്യത്യാസം മൊത്തം ശമ്പളത്തിലുണ്ടാകും. മാര്‍ച്ച് ഒമ്പതു മുതല്‍ സീരി എ മത്സരങ്ങള്‍ നിര്‍ത്തിവെച്ചിരിക്കുകയാണ്.
ഇറ്റാലിയന്‍ ലീഗില്‍ ഏറ്റവും കൂടുതല്‍ ശമ്പളം നല്‍കുന്ന ക്ലബ്ബാണ് യുവന്റസ്. സൂപ്പര്‍ താരം ക്രിസ്റ്റ്യാനോ റൊണാള്‍ഡോക്കുതന്നെ 300 കോടിയിലേറെ (31 ദശലക്ഷം യൂറോ) വാര്‍ഷികശമ്പളം നല്‍കണം. വെട്ടിക്കുറയ്ക്കുന്നതോടെ റോണോയുടെ ശമ്പളത്തില്‍ 30 കോടിയോളം രൂപയുടെ കുറവ് വരും.
കോവിഡ്-19 പശ്ചാത്തലത്തില്‍ ലോകത്താകമാനമുള്ള ഫുട്ബോള് ലീഗുകളെല്ലാം നിര്‍ത്തിവെച്ചിരിക്കുകയാണ്. ചാമ്പ്യന്‍സ് ലീഗും യൂറോപ്പ ലീഗും അടക്കമുള്ള യൂറോപ്യന്‍ പോരാട്ടങ്ങളും നിര്‍ത്തി. ഇതോടെ ക്ലബ്ബുകളുടെ വരുമാനത്തില്‍ ഗണ്യമായ കുറവാണ് വന്നിരിക്കുന്നത്.
കോവിഡ്-19 രോഗബാധ ഏറ്റവും കൂടുതല്‍ ബാധിച്ച രാജ്യമാണ് ഇറ്റലി.
അതേസമയം ജൂണ്‍ അവസാനത്തോടെയെങ്കിലും മത്സരങ്ങള്‍ പുനഃരാരംഭിക്കാനായില്ലെങ്കില്‍ ഈ ഫുട്ബോള് സീസണ്‍ മുഴുവന്‍ നഷ്ടമാകുമെന്ന് യൂറോപ്യന്‍ ഫുട്ബോള് ഭരണസമിതി (യുവേഫ) തലവന്‍ അലക്സാണ്ടര്‍ സെഫെറിന്‍ കഴിഞ്ഞ ദിവസം പറഞ്ഞിരുന്നു.
Content Highlights: Cristiano Ronaldo and Juventus players agree temporary pay cut due to Covid-19 pandemic
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
.jpg?$p=70abe97&f=1x1&w=100&q=0.8)
IN CASE YOU MISSED IT
.jpg?$p=0dfb04f&f=1x1&w=100&q=0.8)
.jpg?$p=e4e93ab&f=1x1&w=100&q=0.8)
.jpg?$p=0dfb04f&q=0.8&f=16x11&w=104)
-min.jpg?$p=c235e83&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..