ക്വലാലംപുർ: കോവിഡ്-19 രോഗവ്യാപനം കാരണം ഈ വർഷത്തെ എ.എഫ്.സി കപ്പ് റദ്ദാക്കിയതായി ഏഷ്യൻ ഫുട്ബോൾ കോൺഫെഡറേഷൻ.
ഏഷ്യയിലെ രണ്ടാം നിര ക്ലബ്ബ് പോരാട്ടമാണ് എ.എഫ്.സി കപ്പ്. ഈ വർഷത്തെ ടൂർണമെന്റ് റദ്ദാക്കിയതായി ഏഷ്യൻ ഫുട്ബോൾ കോൺഫെഡറേഷൻ വ്യാഴാഴ്ച പുറത്തിറക്കിയ പ്രസ്താവനയിൽ വ്യക്തമാക്കി.
കോവിഡ്-19 രോഗവ്യാപനം കാരണം മാർച്ചിൽ നടക്കേണ്ടിയിരുന്ന ടൂർണമെന്റ് മാറ്റിവെയ്ക്കുകയായിരുന്നു. സെപ്റ്റംബറിലേക്ക് മാറ്റിവെച്ച ടൂർണമെന്റ് രോഗവ്യാപനം കാരണം ഇപ്പോൾ റദ്ദാക്കുകയായിരുന്നു.
അതേസമയം മാർച്ചിൽ നടക്കേണ്ടിയിരുന്ന ഏഷ്യയിലെ പ്രധാന ഫുട്ബോൾ പോരാട്ടമായ എ.എഫ്.സി ചാമ്പ്യൻസ് ലീഗും മാറ്റിവെച്ചിരുന്നു. ഈ ടൂർണമെന്റ് സെപ്റ്റംബർ 14-ന് ഖത്തറിൽ നടക്കും.
Content Highlights: covid 19 Asian Football Confederation cancels AFC Cup
