Photo By Luca Bruno| AP
ടൂറിന്‍: ചാമ്പ്യന്‍സ് ലീഗില്‍ ഇറ്റാലിയന്‍ ക്ലബ്ബ് യുവന്റസ് ക്വാര്‍ട്ടര്‍ കാണാതെ പുറത്ത്. എവേ ഗോളിന്റെ ബലത്തില്‍ പോര്‍ച്ചുഗീസ് ക്ലബ്ബ് എഫ്.സി പോര്‍ട്ടോയാണ് യുവന്റസിനെ മറികടന്ന് ക്വാര്‍ട്ടറിലേക്ക് മുന്നേറിയത്.
പോര്‍ട്ടോയുടെ മൈതാനത്ത് നടന്ന ആദ്യ പാദത്തില്‍ 1-2ന് യുവന്റ്‌സ് പരാജയപ്പെട്ടിരുന്നു. രണ്ടാം പാദത്തില്‍ 3-2ന്റെ ജയം നേടാനായെങ്കിലും ഗോള്‍നില 4-4 ആയതോടെ എവേ ഗോളിന്റെ ബലത്തില്‍ പോര്‍ട്ടോ ക്വാര്‍ട്ടറില്‍ കടക്കുകയായിരുന്നു.
സ്വന്തം മൈതാനത്ത് നടന്ന രണ്ടാം പാദത്തില്‍ 19-ാം മിനിറ്റില്‍ പിന്നില്‍ പോയ ശേഷമാണ് യുവെ മൂന്നു ഗോള്‍ തിരിച്ചടിച്ചത്. പെനാല്‍റ്റി ലക്ഷ്യത്തിലെത്തിച്ച് സെര്‍ജിയോ ഒളിവേരയാണ് പോര്‍ട്ടോയെ മുന്നിലെത്തിച്ചത്.
ആദ്യ പകുതിയില്‍ ഗോളടിക്കാന്‍ സാധിച്ചില്ലെങ്കിലും 49-ാം മിനിറ്റില്‍ ഫെഡറിക്കോ കിയേസയിലൂടെ യുവെ ആദ്യ ഗോള്‍ മടക്കി.
54-ാം മിനിറ്റില്‍ മെഹ്ദി തരാമി ചുവപ്പ് കാര്‍ഡ് കണ്ട് പുറത്തുപോയെങ്കിലും അത് മുതലാക്കാന്‍ യുവെയ്ക്ക് സാധിച്ചില്ല.
63-ാം മിനിറ്റില്‍ കിയേസ യുവെയുടെ രണ്ടാം ഗോളും നേടി. സ്‌കോര്‍ നില 3-3 ആയതോടെ മത്സരം അധിക സമയത്തേക്ക് നീണ്ടു.
115-ാം മിനിറ്റില്‍ ഒളിവേരയിലൂടെ പോര്‍ട്ടോ വീണ്ടും സ്‌കോര്‍ ചെയ്തതോടെ യുവന്റസിന്റെ പ്രതീക്ഷകള്‍ അസ്തമിച്ചു.
117-ാം മിനിറ്റില്‍ അഡ്രിയാന്‍ റാബിയോട്ട് യുവെയ്ക്കായി സ്‌കോര്‍ ചെയ്‌തെങ്കിലും എവേ ഗോളിന്റെ ആനുകൂല്യത്തില്‍ പോര്‍ട്ടോ ക്വാര്‍ട്ടറിലേക്ക് മുന്നേറി.
Content Highlights: Champions League Porto stun Juventus to storm into quarterfinal
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
.jpg?$p=7c255b7&f=1x1&w=100&q=0.8)
.jpg?$p=0f7a6d3&f=1x1&w=100&q=0.8)
.jpg?$p=c8a05f8&f=1x1&w=100&q=0.8)
IN CASE YOU MISSED IT
-min.jpg?$p=c235e83&f=1x1&w=100&q=0.8)
-min.jpg?$p=c235e83&q=0.8&f=16x11&w=104)
.jpg?$p=8896326&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..