'ഗ്രൗണ്ടില്‍ എവിടെ നോക്കിയാലും കാണാം, കാന്റേയ്ക്ക് തുല്ല്യം കാന്റെ മാത്രം'


ചാമ്പ്യന്‍സ് ലീഗ് സെമി ഫൈനലിലെ രണ്ടു പാദങ്ങളിലും ഫൈനലിലും കളിയിലെ താരമായത് ഈ ഫ്രഞ്ച് താരമാണ്. 

ചാമ്പ്യൻസ് ലീഗ് കിരീടവുമായി കാന്റെ | Photo:Reuters

ഫ്രഞ്ച് മധ്യനിരയുടെ ജീവനാഡിയാണ് എംഗോളോ കാന്റെ. റഷ്യയിൽ നടന്ന കഴിഞ്ഞ ലോകകപ്പ് ഫുട്ബോളിൽ നമ്മൾ അതു കണ്ടതാണ്. ഇപ്പോഴിതാ വർഷങ്ങൾക്ക് ശേഷം ചെൽസി ചാമ്പ്യൻസ് ലീഗിൽ മുത്തമിട്ടപ്പോൾ അവിടേയും കാന്റെ തന്നെയാണ് താരം. ചാമ്പ്യൻസ് ലീഗ് സെമി ഫൈനലിലെ രണ്ടു പാദങ്ങളിലും ഫൈനലിലും കളിയിലെ താരമായത് ഈ ഫ്രഞ്ച് താരമാണ്.

മാഞ്ചസ്റ്റർ സിറ്റിയുടെ സൂപ്പർ താരങ്ങൾ നിറഞ്ഞ ആക്രമണ നിരയെ ഒറ്റയ്ക്കു വരിഞ്ഞുകെട്ടിയ കാന്റേയുടെ പ്രകടനമായിരുന്നു പോർട്ടോയിൽ കണ്ടത്. കൗണ്ടറുകളോ ത്രൂ പാസുകളോ നടത്താനാകാതെ സിറ്റി താരങ്ങൾ കുഴങ്ങി. റഹീം സ്റ്റെർലിങ്ങും ഫിൽ ഫോഡനും ബെർണാടോ സിൽവയും കെവിൻ ഡി ബ്രുയിനുമെല്ലാം ഗോളിനായി ദാഹിച്ചു.

കാന്റെയുടെ ഈ പ്രകടനം കണ്ട് ചെൽസിയുടെ മുൻതാരം റാമിറസ് പറഞ്ഞത് സമാനതകളില്ലാത്ത താരം എന്നായിരുന്നു. 'ബഹളങ്ങളില്ലാത്ത, നാണംകുണുങ്ങിയായ താരമാണ് കാന്റെ.പക്ഷേ ഗ്രൗണ്ടിന്റെ എല്ലാ മൂലയിലും അവനുണ്ടാകും. പ്രതിരോധത്തിലായാലും മധ്യനിരയിലായാലും മുന്നേറ്റത്തിലായാലും അവനെ കാണാം. അവൻ ലോകത്തെ മികച്ച താരമാണ്.' റാമിറസ് പറയുന്നു.

2014-ൽ ഫ്രഞ്ച് ലീഗിൽ ശ്രദ്ധ നേടിയ കാന്റെ 2015-ലാണ് ലെസ്റ്റർ സിറ്റിയിലൂടെ ഇംഗ്ലണ്ടിലെത്തുന്നത്. തൊട്ടടുത്ത വർഷം ലെസ്റ്ററിനൊപ്പം പ്രീമിയർ ലീഗ് കിരീടം നേടി. 2017-ൽ ചെൽസിക്കൊപ്പവും പ്രീമിയർ ലീഗ് കിരീടനേട്ടം. 2018-ൽ ഫ്രാൻസിനൊപ്പം ലോകകിരീടം, 2019-ൽ ചെൽസിക്കൊപ്പം യൂറോപ്പ ലീഗ് നേടിയ കാന്റെ ഇപ്പോഴിതാ ചാമ്പ്യൻസ് ലീഗ് കിരീടത്തിലും മുത്തമിട്ടിരിക്കുന്നു. കാന്റെയുടെ കരിയറിലെ ആദ്യ ചാമ്പ്യൻസ് ലീഗ് കിരീടമാണിത്.

ഇനി ഫ്രാൻസിനൊപ്പം യൂറോ കപ്പ് നേടാനുള്ള യാത്രയിലാണ് കാന്റെ. അവിടേയും വിജയക്കൊടി പാറിച്ചാൽ ലോകത്തെ മികച്ച ഫുട്ബോൾ താരത്തിനുള്ള ബാലൻദ്യോർ ഫ്രഞ്ച് താരത്തിന്റെ കൈയിലുണ്ടാകും.

Content Highlights: Champions League NGolo Kante an extraordinary player

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022


iphone

2 min

പത്ത് മാസം മുമ്പ് പുഴയില്‍ വീണ ഐഫോണ്‍ തിരിച്ചുകിട്ടി; വര്‍ക്കിങ് കണ്ടീഷനില്‍

Jun 25, 2022

Most Commented