Photo: twitter.com/premierleague
ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ കരുത്തരായ മാഞ്ചെസ്റ്റര്‍ യുണൈറ്റഡിന് തോല്‍വി. എതിരില്ലാത്ത ഒരുഗോളിന് ബ്രൈട്ടണാണ് യുണൈറ്റഡിനെ കീഴടക്കിയത്. ഈ തോല്‍വിയോടെ യുണൈറ്റഡ് പോയന്റ് പട്ടികയില്‍ നാലാം സ്ഥാനത്തേക്ക് വീണു.
മത്സരമവസാനിക്കാന്‍ സെക്കന്‍ഡുകള്‍ മാത്രം ബാക്കിനില്‍ക്കേ അര്‍ജന്റീനയുടെ മധ്യനിരതാരം അലെക്‌സിസ് മാക് അലിസ്റ്ററാണ് ബ്രൈട്ടണ് വേണ്ടി വിജയഗോള്‍ നേടിയത്. ഇന്‍ജുറി ടൈമില്‍ ലഭിച്ച പെനാല്‍റ്റി ലക്ഷ്യത്തിലെത്തിച്ച് മാക് അലിസ്റ്റര്‍ ടീമിന് വിജയം സമ്മാനിച്ചു.
ഇന്‍ജുറി ടൈമില്‍ ബോക്‌സിനുള്ളിലുണ്ടായ കൂട്ടപ്പൊരിച്ചിലിനിടെ യുണൈറ്റഡ് പ്രതിരോധതാരം ലൂക്ക് ഷോയുടെ കൈയ്യില്‍ പന്തുതട്ടിയതോടെ റഫറി വാറിന്റെ സഹായത്തോടെ പെനാല്‍റ്റി വിധിക്കുകയായിരുന്നു. ഗോള്‍കീപ്പര്‍ ഡേവിഡ് ഡി ഹിയയെ നിസ്സഹായനാക്കി മാക് അലിസ്റ്റര്‍ വലകുലുക്കി.
ഈ തോല്‍വിയോടെ യുണൈറ്റഡിന് മൂന്നാം സ്ഥാനം നഷ്ടമായി. ജയിച്ചിരുന്നെങ്കില്‍ ടീമിന് ന്യൂകാസില്‍ യുണൈറ്റഡിനെ മറികടന്ന് മൂന്നാം സ്ഥാനത്തെത്താമായിരുന്നു. നിലവില്‍ 33 മത്സരങ്ങളില്‍ നിന്ന് 63 പോയന്റാണ് യുണൈറ്റഡിനുള്ളത്. ന്യൂകാസിലിന് ഇത്രയും മത്സരങ്ങളില്‍ നിന്ന് 65 പോയന്റുണ്ട്.
വിജയത്തോടെ ബ്രൈട്ടണ് 32 മത്സരങ്ങളില്‍ നിന്ന് 55 പോയന്റുമായി ആറാം സ്ഥാനത്തേക്കുയര്‍ന്നു. 33 മത്സരങ്ങളില്‍ നിന്ന് 79 പോയന്റുള്ള മാഞ്ചെസ്റ്റര്‍ സിറ്റിയാണ് കിരീടപ്പോരാട്ടത്തില്‍ മുന്നില്‍. 34 മത്സരങ്ങളില്‍ നിന്ന് 78 പോയന്റുള്ള ആഴ്‌സനലാണ് രണ്ടാമത്.
Content Highlights: brighton beat manchester united in epl 2022-2023
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
IN CASE YOU MISSED IT
-min.jpg?$p=c235e83&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..