ഏഴു വര്‍ഷത്തെ കാത്തിരിപ്പ്; ലിയോണിനെ തകര്‍ത്ത് ബയേണ്‍ ചാമ്പ്യന്‍സ് ലീഗ് ഫൈനലില്‍


കഴിഞ്ഞ ഏഴു വര്‍ഷത്തിനിടെ ബയേണിന്റെ ആദ്യ ചാമ്പ്യന്‍സ് ലീഗ് ഫൈനലാണിത്. ഇത് 11-ാം തവണയാണ് ബയേണ്‍ ചാമ്പ്യന്‍സ് ലീഗിന്റെ ഫൈനലില്‍ കടക്കുന്നത്

Image Courtesy: Getty Images

ലിസ്ബണ്‍: പ്രതീക്ഷ തെറ്റിയില്ല, അട്ടിമറി ഉണ്ടായില്ല, ഫ്രഞ്ച് ക്ലബ്ബ് ഒളിമ്പിക് ലിയോണിനെ തകര്‍ത്ത് ജര്‍മന്‍ വമ്പന്‍മാരായ ബയേണ്‍ മ്യൂണിക്ക് യുവേഫ ചാമ്പ്യന്‍സ് ലീഗിന്റെ ഫൈനലില്‍ കടന്നു.

ഏകപക്ഷീയമായ മൂന്നു ഗോളുകള്‍ക്കായിരുന്നു ജര്‍മന്‍ ടീമിന്റെ ജയം. സെര്‍ജ് നാബ്രി ഇരട്ട ഗോളുകളുമായി തിളങ്ങിയപ്പോള്‍ റോബര്‍ട്ട് ലെവന്‍ഡോസ്‌കി ബയേണിന്റെ മൂന്നാം ഗോള്‍ നേടി. ഫ്രഞ്ച് ക്ലബ്ബായ പി.എസ്.ജിയാണ് ഫൈനലില്‍ ബയേണിന്റെ എതിരാളികള്‍. ഞായറാഴ്ചയാണ് ഫൈനല്‍.

കഴിഞ്ഞ ഏഴു വര്‍ഷത്തിനിടെ ബയേണിന്റെ ആദ്യ ചാമ്പ്യന്‍സ് ലീഗ് ഫൈനലാണിത്. ഇത് 11-ാം തവണയാണ് ബയേണ്‍ ചാമ്പ്യന്‍സ് ലീഗിന്റെ ഫൈനലില്‍ കടക്കുന്നത്.

ബാഴ്‌സലോണയെ 8-2 ന് തകര്‍ത്ത അതേ തരത്തില്‍ മികച്ച ആക്രമണമാണ് ബയേണ്‍ കാഴ്ചവെച്ചത്. എന്നാല്‍ ലിയോണിന്റെ പ്രതിരോധം മറികടക്കുക എന്നത് അത്ര എളുപ്പമായിരുന്നില്ല. മത്സരത്തിന്റെ തുടക്കത്തില്‍ മികച്ച മുന്നേറ്റങ്ങളുമായി ലിയോണ്‍ ബയേണ്‍ ഗോള്‍മുഖം വിറപ്പിക്കുകയും ചെയ്തു. എന്നാല്‍ 18-ാം മിനിറ്റില്‍ നാബ്രിയിലൂടെ ലീഡെടുത്തതോടെ മത്സരത്തില്‍ ബയേണ്‍ പിടിമുറുക്കി.

പിന്നീട് 33-ാം മിനിറ്റില്‍ ബോക്‌സിലെ കൂട്ടപ്പൊരിച്ചിലില്‍ നിന്നാണ് നാബ്രി ബയേണിന്റെ രണ്ടാം ഗോള്‍ കണ്ടെത്തിയത്. ഈ സീസണില്‍ താരത്തിന്റെ ഒമ്പതാം ഗോളായിരുന്നു ഇത്.

രണ്ടാം പകുതിയില്‍ ഗോള്‍ മടക്കാന്‍ ഉറച്ചാണ് ലിയോണ്‍ ഇറങ്ങിയത്. മികച്ച മുന്നേറ്റങ്ങള്‍ നടത്താനും അവര്‍ക്കായി. പക്ഷേ ഗോള്‍ മാത്രം അകന്നുനിന്നു. മത്സരം തീരാന്‍ രണ്ടു മിനിറ്റ് മാത്രം ബാക്കിനില്‍ക്കെ റോബര്‍ട്ട് ലെവന്‍ഡോസ്‌കി ബയേണിന്റെ ഗോള്‍ പട്ടിക തികയ്ക്കുകയും ചെയ്തു. കിമ്മിച്ചിന്റെ ക്രോസില്‍ നിന്ന് ഹെഡറിലൂടെയായിരുന്നു ലെവന്‍ഡോസ്‌കിയുടെ ഗോള്‍. ഈ സീസണില്‍ ചാമ്പ്യന്‍സ് ലീഗില്‍ താരത്തിന്റെ 15-ാം ഗോളായിരുന്നു ഇത്. ഈ സീസണിലെ ലെവന്‍ഡോസ്‌കിയുടെ ആകെ ഗോള്‍ നേട്ടം 55 ആകുകയും ചെയ്തു.

1998-നു ശേഷം ആദ്യമായാണ് ആഭ്യന്തര ലീഗുകളില്‍ ജേതാക്കളായ രണ്ടു ടീമുകള്‍ തമ്മില്‍ ചാമ്പ്യന്‍സ് ലീഗിന്റെ ഫൈനലില്‍ ഏറ്റുമുട്ടുന്നത്. അന്ന് സീരി എ ജേതാക്കളായ യുവെന്റസും ലാ ലിഗ ജേതാക്കളായ റയല്‍ മാഡ്രിഡും തമ്മിലായിരുന്നു ഫൈനല്‍.

Content Highlights: Bayern Munich beats Lyon to play PSG in UEFA Champions League final

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


spin trio shines India decimate West Indies to win series 4-1

1 min

10 വിക്കറ്റും വീഴ്ത്തി സ്പിന്നര്‍മാര്‍ തിളങ്ങി; അഞ്ചാം ട്വന്റി 20-യിലും വിന്‍ഡീസിനെ തകര്‍ത്ത് ഇന്ത്യ

Aug 8, 2022

Most Commented