ആരാധകർ ചുവപ്പു കാർഡ് കാട്ടിയ നെയ്മര്‍ തിരിച്ചുപോവുകയാണോ? ബാഴ്‌സ അധികൃതര്‍ പാരിസില്‍


ബാഴ്‌സയുടെ ഒരു പ്രതിനിധിസംഘം നെയ്മറുടെ കാര്യം സംസാരിക്കാനായി പാരിസില്‍ എത്തിയിട്ടുണ്ട്.

പാരിസ്: നെയ്മര്‍ പി.എസ്.ജി വിട്ട് ബാഴ്‌സലോണയിലേയ്ക്ക് മടങ്ങുകയാണോ? സ്‌പെയിനില്‍ ശക്തമായിക്കൊണ്ടിരിക്കുന്ന അഭ്യൂഹങ്ങള്‍ വിശ്വസിക്കാമെങ്കില്‍ ഇത് വാസ്തവമാണ്. നെയ്മറെ കൈമാറുന്നത് സംബന്ധിച്ച് ബാഴ്‌സയും പി.എസ്.ജിയും തമ്മിലുള്ള ചര്‍ച്ചയ്ക്ക് ചൂടുപിടിച്ചു തുടങ്ങി.

കാറ്റലോണിയന്‍ റേഡിയോ ചാനലുകളും ഏതാനും വെബ്‌സൈറ്റുകളുമാണ് ഇതു സംബന്ധിച്ച വാര്‍ത്തകള്‍ പുറത്തുവിട്ടിരിക്കുന്നത്. ഇവരെ വിശ്വസിക്കാമെങ്കില്‍ ബാഴ്‌സയുടെ ഒരു പ്രതിനിധിസംഘം നെയ്മറുടെ കാര്യം സംസാരിക്കാനായി പാരിസില്‍ എത്തിയിട്ടുണ്ട്. സ്‌പോര്‍ട്ടിങ് ഡയറക്ടര്‍ എറിക് അബിദാല്‍, ബോര്‍ഡ് അംഗങ്ങളായ ഹാവിയര്‍ ബോര്‍ഡാസ്, ആന്ദ്രെ കറി എന്നിവര്‍ അടങ്ങുന്ന ഒരു സംഘമാണ് ചര്‍ച്ചകള്‍ നടത്തുന്നത്.

100 ദശലക്ഷം യൂറോയ്ക്ക് പുറമെ ബ്രസീലിയന്‍ താരം ഫിലിപ്പെ കുടിന്യോയെ കൂടി കൈമാറാം എന്നാണ് നെയ്മര്‍ക്കുവേണ്ടിയുള്ള ബാഴ്‌സയുടെ ഓഫര്‍ എന്നറിയുന്നു. അതേസമയം കുടിന്യോയ്ക്ക് പുറമെ പോര്‍ച്ചുഗീസ് റൈറ്റ് ബാക്ക് നെല്‍സണ്‍ സെമെഡോയെ കൂടി വേണം എന്ന നിലപാടിലാണ് പി.എസ്.ജി. എന്നും കേള്‍ക്കുന്നുണ്ട്. അതേസമയം നെയ്മറെ റയലിന് കൈമാറാനാണ് പി.എസ്.ജിക്ക് താത്പര്യമെന്നും റിപ്പോര്‍ട്ടുണ്ട്. ഇതിനിടയിലാണ് ബാഴ്‌സയുടെ പ്രതിനിധികള്‍ ചര്‍ച്ചകള്‍ക്കായി പാരിസിലെത്തിയത്.

2017ലാണ് നെയ്മര്‍ ബാഴ്‌സ വിട്ട് പി.എസ്.ജിയിലെത്തിയത്. 37 കളികളില്‍ നിന്ന് 34 ഗോളുകള്‍ നേടിയ നെയ്മര്‍ പക്ഷേ, കുറച്ചു കാലമായി അത്ര നല്ല ഫോമിലല്ല. പരിക്കായിരുന്നു പ്രധാന കാരണം. പല മത്സരങ്ങളിലും വിട്ടുനില്‍ക്കുക കൂടി ചെയ്തതോടെ ആരാധകരുടെ രോഷത്തിനും പാത്രമാകേണ്ടിവന്നു. തെറിവിളികളോടെയാണ് ആരാധീര്‍ പലപ്പോഴും നെയ്മറെ വരവേറ്റത്. ക്ലബില്‍ നിന്ന് പുറത്തുപോകൂ എന്നും അവര്‍ പരസ്യമായി ആവശ്യപ്പെട്ടുതുടങ്ങിയിരുന്നു.

Content Highlights: Barcelona send delegation to Paris for Coutinho bid for Neymar

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


sabu jacob and pv sreenijan

1 min

കുന്നംകുളത്തിന്റെ മാപ്പുണ്ടോ, ഒരാള്‍ക്ക് കൊടുക്കാനാണ്- സാബുവിനെ പരിഹസിച്ച് ശ്രീനിജിന്‍

May 16, 2022


Ukraine

1 min

യുക്രൈനില്‍നിന്നെത്തിയ മെഡിക്കല്‍ വിദ്യാര്‍ഥികള്‍ക്ക് രാജ്യത്ത് തുടര്‍പഠനം നടത്താനാകില്ല- കേന്ദ്രം

May 17, 2022

More from this section




Most Commented