റെക്കോഡ് തുകയ്ക്ക് ലിസ്റ്റണ്‍ കൊളാസോയെ റാഞ്ചി എ.ടി.കെ


ഒരു ഇന്ത്യന്‍ താരത്തിന് ലഭിക്കുന്ന റെക്കോഡ് തുകയ്ക്കാണ് എ.ടി.കെ കൊളാസോയെ ടീമിലെത്തിച്ചിരിക്കുന്നത്

Photo: twitter.com|atkmohunbaganfc

കൊല്‍ക്കത്ത: കഴിഞ്ഞ സീസണില്‍ ഹൈദരാബാദ് എഫ്.സിക്ക് വേണ്ടി തിളങ്ങിയ യുവതാരം ലിസ്റ്റണ്‍ കൊളാസോയെ എ.ടി.കെ മോഹന്‍ ബഗാന്‍ റാഞ്ചി.

ഒരു ഇന്ത്യന്‍ താരത്തിന് ലഭിക്കുന്ന റെക്കോഡ് തുകയ്ക്കാണ് എ.ടി.കെ കൊളാസോയെ ടീമിലെത്തിച്ചിരിക്കുന്നത്. 90 ലക്ഷത്തിനും ഒരു കോടിക്കും ഇടയിലാണ് തുകയെന്നാണ് റിപ്പോര്‍ട്ടുകള്‍.



ഹൈദരാബാദുമായി ഒരു വര്‍ഷത്തെ കരാര്‍ ബാക്കിനില്‍ക്കെയാണ് താരം ടീം വിടുന്നത്.

ഇതിനിടെ യുവപ്രതിരോധനിരതാരം ഹോര്‍മിപാം റുവയെ കേരള ബ്ലാസ്റ്റേഴ്സ് സ്വന്തമാക്കി. മണിപ്പൂര്‍ സ്വദേശിയായ ഇരുപതുകാരന്‍ പഞ്ചാബ് എഫ്.സി.യില്‍നിന്നാണ് കേരള ടീമിലെത്തുന്നത്. സെന്‍ട്രല്‍ബാക്ക് പൊസിഷനില്‍ കളിക്കുന്ന ഹോര്‍മിപാം കഴിഞ്ഞ സീസണില്‍ ഇന്ത്യന്‍ ആരോസിനുവേണ്ടി കളിച്ചു. 2019-ല്‍ സാഫ് കിരീടം നേടിയ ഇന്ത്യന്‍ അണ്ടര്‍-18 ടീമില്‍ അംഗമായിരുന്നു. ബെംഗളൂരു സ്വദേശിയും ലെഫ്റ്റ് ബാക്കുമായി സഞ്ജീവ് സ്റ്റാലിനും നേരത്തേ ടീമിലെത്തിയിരുന്നു.

നിലവിലെ ചാമ്പ്യന്മാരായ മുംബൈ സിറ്റി പ്രതിരോധനിര താരം രാഹുല്‍ ഭെക്കെയെ ബെംഗളൂരു എഫ്.സിയില്‍ നിന്ന് ടീമിലെത്തിച്ചു. എഫ്.സി. ഗോവയില്‍നിന്ന് ഗോള്‍കീപ്പര്‍ മുഹമ്മദ് നവാസിനേയും സ്വന്തമാക്കി. ഇക്കാര്യത്തില്‍ ഔദ്യോഗിക സ്ഥിരീകരണമായിട്ടില്ല.

ഈസ്റ്റ് ബംഗാളില്‍ നിന്ന് സെന്‍ട്രല്‍ ബാക്ക് സാര്‍ഥക് ഗോലുയ്, മോഹന്‍ ബഗാനില്‍നിന്ന് മധ്യനിരതാരം ജയേഷ് റാണ എന്നിവരെ ടീമിലെത്തിക്കാന്‍ ബെംഗളൂരു എഫ്.സി. ശ്രമം തുടങ്ങി. കഴിഞ്ഞ സീസണിലെ മോശം പ്രകടനത്തില്‍നിന്ന് കരകയറാനാണ് പരിചയസമ്പത്തുള്ള ഇന്ത്യന്‍ താരങ്ങളെ ടീമിലെത്തിക്കുന്നത്.

എഫ്.സി ഗോവ മധ്യനിരതാരങ്ങളായ ബ്രണ്ടന്‍ ഫെര്‍ണാണ്ടസിനും ഗ്ലെന്‍ മാര്‍ട്ടിന്‍സിനും പുതിയ കരാര്‍ നല്‍കി. മൂന്നുവര്‍ഷത്തേക്കാണ് ഇരുവരുമായി കരാറിലെത്തിയത്. കഴിഞ്ഞ ജനുവരി വിന്‍ഡോയിലാണ് മാര്‍ട്ടിന്‍സ് ടീമിലെത്തിയത്.

Content Highlights: ATK Mohun Bagan pay record transfer fee to sign Liston Colaco


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented