അത്‌ലറ്റിക്കോ മഡ്രിഡും കൈയൊഴിഞ്ഞു, റൊണാള്‍ഡോയ്ക്ക് വീണ്ടും തിരിച്ചടി


റൊണാള്‍ഡോ ഇല്ലാതെ കളിച്ച യുണൈറ്റഡ് തുടര്‍ച്ചയായി മൂന്ന് പ്രീ സീസണ്‍ മത്സരങ്ങളിലും വിജയിച്ച് കരുത്ത് തെളിയിച്ചു.

Photo: AFP

മഡ്രിഡ്: മാഞ്ചെസ്റ്റര്‍ യുണൈറ്റഡിന്റെ സൂപ്പര്‍താരം ക്രിസ്റ്റ്യാനോ റൊണാള്‍ഡോയ്ക്ക് വീണ്ടും തിരിച്ചടി. പുതിയ സീസണില്‍ യുണൈറ്റഡ് വിടാനൊരുങ്ങുന്ന റൊണാള്‍ഡോയെ സ്വന്തമാക്കാന്‍ നിലവില്‍ ഒരു ക്ലബ്ബും രംഗത്തില്ല. സ്പാനിഷ് ക്ലബ്ബായ അത്‌ലറ്റിക്കോ മഡ്രിഡ് താത്പര്യം പ്രകടിപ്പിച്ചെങ്കിലും പിന്നീട് അവര്‍ പിന്മാറിയെന്ന റിപ്പോര്‍ട്ട് പുറത്തുവന്നു.

ഇതോടെ റൊണാള്‍ഡോയുടെ കൂടുമാറ്റം ദുഷ്‌കരമായി. പുതിയ സീസണില്‍ ടീം വിട്ട ലൂയി സുവാരസിന് പകരമായാണ് സിമിയോണിയും സംഘവും റൊണാള്‍ഡോയെ പരിഗണിച്ചത്. എന്നാല്‍ ഉയര്‍ന്ന ട്രാന്‍സ്ഫര്‍ തുകയും ശമ്പളവുമെല്ലാം താങ്ങാന്‍ അത്‌ലറ്റിക്കോയ്ക്ക് ആവില്ലെന്ന തരത്തിലുള്ള റിപ്പോര്‍ട്ടുകള്‍ പുറത്തുവന്നു.

ബയേണ്‍ മ്യൂണിക്ക്, പി.എസ്.ജി, റയല്‍ മഡ്രിഡ് തുടങ്ങിയ വമ്പന്‍ ക്ലബ്ബുകളിലേക്ക് ചേക്കേറാന്‍ റൊണാള്‍ഡോ ശ്രമിച്ചെങ്കിലും അതൊന്നും ഫലവത്തായില്ല. താരത്തിനെ സ്വന്തമാക്കാന്‍ ചെല്‍സി രംഗത്തുണ്ടെന്ന് പറയുന്നുണ്ടെങ്കിലും അതേക്കുറിച്ച് വ്യക്തമായ വിവരങ്ങളൊന്നും തന്നെ പുറത്തുവന്നിട്ടില്ല. റൊണാള്‍ഡോയുടെ ഏജന്റ് ഓര്‍ഗെ മെന്‍ഡസ് നിരവധി ക്ലബ്ബുകളുമായി ചര്‍ച്ച നടത്തിയെങ്കിലും ഒന്നും ഫലം കണ്ടില്ല.

എന്നാല്‍ റൊണാള്‍ഡോ ടീമിന്റെ അവിഭാജ്യ ഘടകമാണെന്നും താരത്തെ വില്‍ക്കാന്‍ താത്പര്യമില്ലെന്നും മാഞ്ചെസ്റ്റര്‍ യുണൈറ്റഡിന്റെ പുതിയ പരിശീലകന്‍ എറിക് ടെന്‍ ഹാഗ് നേരത്തേ വ്യക്തമാക്കിയിരുന്നു. ചാമ്പ്യന്‍സ് ലീഗ് യോഗ്യത നേടാത്തതിനാലാണ് റൊണാള്‍ഡോ യുണൈറ്റഡ് വിടുന്നത്. ഇതിന്റെ ഭാഗമായി പ്രീ സീസണ്‍ മത്സരങ്ങളില്‍ നിന്ന് താരം വിട്ടുനിന്നു.

റൊണാള്‍ഡോ ഇല്ലാതെ കളിച്ച യുണൈറ്റഡ് തുടര്‍ച്ചയായി മൂന്ന് പ്രീ സീസണ്‍ മത്സരങ്ങളിലും വിജയിച്ച് കരുത്ത് തെളിയിച്ചു. അതില്‍ കരുത്തരായ ലിവര്‍പൂളിനെയും ടീം എതിരില്ലാത്ത നാലുഗോളുകള്‍ക്ക് തകര്‍ത്തു. ട്രാന്‍സ്ഫര്‍ വിന്‍ഡോ അവസാനിക്കാനിരിക്കേ റൊണാള്‍ഡോ ഏത് ക്ലബ്ബിലേക്ക് ചേക്കേറുമെന്ന് അറിയാനായി കാത്തിരിക്കുകയാണ് ആരാധകര്‍.

Content Highlights: cristiano ronaldo, ronaldo new club, ronaldo transfer, manchester united, athletico madrid, sports

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022

Most Commented