• News
  • Views
  • Videos
  • Movies
  • Sports
  • Money
  • Women
  • Crime
More
Hero Hero
  • News
  • Features
  • Interview
  • Cricket
  • Football
  • Sports Extras
  • SportsMasika
  • Badminton
  • Tennis
  • Athletics
  • Columns
  • ISL 2020-21
  • Gallery
  • Videos
  • Other Sports

ഇറ്റലിയിലെയും സ്‌പെയിനിലെയും വൈറസ് വ്യാപനത്തിന് കാരണം ആ ചാമ്പ്യന്‍സ് ലീഗ് മത്സരമോ?

Mar 27, 2020, 08:24 AM IST
A A A

ആ മത്സരം ഒരു 'ജൈവബോംബ്' ആയിരുന്നു എന്നാണ് ബെര്‍ഗാമോ പ്രവിശ്യയിലെ മേയര്‍ ജിയോര്‍ജിയോ ഗോറി കഴിഞ്ഞദിവസം പറഞ്ഞത്

Atalanta Valencia Champions League clash accelerated coronavirus spread report
X

Image Courtesy: Getty Images

കൊറോണവൈറസില്‍ ചൈന ഞെട്ടിത്തരിച്ചുനില്‍ക്കുന്ന സമയം. ലോകത്തിന്റെ മറ്റു ഭാഗങ്ങളിലേക്ക് വൈറസ് പടരുന്നു. ഇറ്റലിയിലും വൈറസ് എത്തി. ചൈനയുടെ പാഠം ഉള്‍ക്കൊണ്ട് കര്‍ശനമായ നടപടികള്‍ വേണമെന്ന് രാജ്യങ്ങള്‍ നിശ്ചയിക്കുന്നു. കായികമത്സരങ്ങള്‍ അടച്ചിട്ട സ്റ്റേഡിയങ്ങളില്‍ നടത്താന്‍ പലരും തീരുമാനിക്കുന്നു. എന്നാല്‍, അതിന് വിരുദ്ധമായ ഒന്ന് ഇറ്റലിയില്‍ സംഭവിച്ചു.

2020 ഫെബ്രുവരി 19, സാന്‍സിറോ സ്റ്റേഡിയം, ഇറ്റലി

*ഇറ്റാലിയന്‍ ക്ലബ്ബ് അറ്റ്ലാന്റയും സ്പാനിഷ് ക്ലബ്ബ് വലന്‍സിയയും യുവേഫ ചാമ്പ്യന്‍സ് ലീഗ് മത്സരത്തില്‍ ഏറ്റുമുട്ടുന്നു. സ്റ്റേഡിയത്തില്‍ കളി കാണാനെത്തിയത് 44000-ത്തോളം പേര്‍.

*അതുവരെ ഇറ്റലിയില്‍ കൊറോണ മരണം പൂജ്യം. മത്സരം കഴിഞ്ഞ് മൂന്നാഴ്ച പിന്നിടുമ്പോള്‍ മരണസംഖ്യ 3000 കടന്നു.

*വൈറസ് വ്യാപനത്തെ ത്തുടര്‍ന്ന് ഇറ്റലി ജനുവരി 31-നു ദേശീയ അടിയന്തരാവസ്ഥ പ്രഖ്യാപിച്ചിരുന്നു. ചൈനയിലേക്കുള്ള എല്ലാ വിമാനങ്ങളും റദ്ദാക്കിയിരുന്നു.

*അതുവരെ സ്‌പെയിനില്‍ മരണം ഒന്ന്. മൂന്നാഴ്ച പിന്നിടുമ്പോള്‍ സ്‌പെയിനിലെ മരണം ആയിരത്തോടടുത്തു.

*ഇതുവരെ ഇറ്റലിയില്‍ മരിച്ചത് 7503 പേര്‍. സ്‌പെയിനില്‍ മരിച്ചത് 3647 പേര്‍.

ഇറ്റലിയിലെയും സ്‌പെയിനിലെയും വൈറസ് വ്യാപനത്തില്‍ അറ്റ്ലാന്റ - വലന്‍സിയ മത്സരത്തിന്റെ പങ്കെന്താണ്. ആ മത്സരം ഒരു 'ജൈവബോംബ്' ആയിരുന്നു എന്നാണ് ബെര്‍ഗാമോ പ്രവിശ്യയിലെ മേയര്‍ ജിയോര്‍ജിയോ ഗോറി കഴിഞ്ഞദിവസം പറഞ്ഞത്.

അതോടെയാണ് രണ്ട് രാജ്യങ്ങളിലും വലിയതോതില്‍ രോഗം വ്യാപിച്ചത്, ഇന്ന് പിടിച്ചാല്‍കിട്ടാത്ത അവസ്ഥയില്‍ എത്തിയത്. ഒരു പക്ഷേ, ആ മത്സരം നടന്നില്ലായിരുന്നെങ്കിലും വൈറസ് ഇത്രയും വ്യാപിക്കുമായിരുന്നു. എങ്കിലും, ലോകം പകച്ചുനില്‍ക്കുന്ന ഒരു സന്ദര്‍ഭത്തില്‍ ആ സാഹസത്തിന് മുതിരണമായിരുന്നോ എന്നാണ് ചോദ്യം.

ബെര്‍ഗാമോ

വടക്കന്‍ ഇറ്റലിയില്‍ മിലാനില്‍നിന്ന് 40 കിലോമീറ്റര്‍ അകലെയാണ് ബെര്‍ഗാമോ. ഇവിടമാണ് അറ്റ്ലാന്റയുടെ ആസ്ഥാനം. ജനസംഖ്യ ഒന്നേകാല്‍ ലക്ഷത്തോളം. ഇവിടെനിന്നാണ് അറ്റ്ലാന്റ ആരാധകര്‍ സാന്‍സിറോയിലേക്കും തിരിച്ചും ആഘോഷപൂര്‍വം യാത്രചെയ്തത്.

ആവേശകരമായ മത്സരത്തിലായിരുന്നു അറ്റ്ലാന്റയുടെ വിജയം. അതുകൊണ്ട് ആഘോഷം അതിരുവിട്ടു. അറ്റ്ലാന്റ- സാന്‍സിറോ ദൂരം 59 കിലോമീറ്റര്‍. ഇന്ന് ഇറ്റലിയില്‍ വൈറസ് ഏറ്റവും നാശം വിതച്ചത് ബെര്‍ഗാമോയിലാണ്. അവിടെ കാര്യങ്ങള്‍ കൈവിട്ടുപോയിരിക്കുന്നു.

ഇത്രയും വിചാരിച്ചില്ല

മത്സരം നടക്കുമ്പോള്‍ സ്ഥിതി ഇത്രയും ഗുരുതരമല്ലായിരുന്നു എന്ന വാദമാണ് ചിലര്‍ മുന്നോട്ടുവെക്കുന്നത്. അതുവരെ ഇറ്റലിയില്‍ വൈറസ് മരണങ്ങള്‍ ഒന്നുമില്ലായിരുന്നു. എന്നാല്‍, ഈ വാദം ശരിയെന്ന് പറയാനാവില്ല. മത്സരത്തിന് 20 ദിവസം മുമ്പേ രാജ്യത്ത് അടിയന്തരാവസ്ഥ പ്രഖ്യാപിച്ചിരുന്നു. രാജ്യം അപകടത്തിലായതു കൊണ്ടാണല്ലോ അങ്ങനെ വേണ്ടിവന്നത്. അടച്ചിട്ട സ്റ്റേഡിയത്തില്‍ മത്സരം നടത്തിയിരുന്നെങ്കില്‍ സ്ഥിതി ഇത്ര ഗുരുതരമാകുമായിരുന്നില്ല.

ബലിയാടായി ഫുട്ബോള്‍

ലോകത്തെ ഏറ്റവും വലിയ കായികവിനോദമാണ് ഫുട്ബോള്‍. കണക്കില്ലാത്ത പണമാണ് അവിടെ മാറിമറിയുന്നത്. ഒരു വന്‍ മത്സരം മാറ്റിവെച്ചാല്‍ നഷ്ടമാകുന്നത് കോടികള്‍. അതുകൊണ്ട് മത്സരം സംരക്ഷിക്കാന്‍ സംഘാടകരില്‍നിന്ന് പരമാവധി ശ്രമമുണ്ടാവും.

വൈറസ് കാലത്ത് അത് സംഭവിച്ചു. ഫുട്ബോള്‍ താരങ്ങളെ ഗിനിപ്പന്നികളെപ്പോലെയാണ് കാണുന്നതെന്ന് ഇംഗ്ലണ്ട് മുന്‍ ക്യാപ്റ്റന്‍ വെയ്ന്‍ റൂണി ആഞ്ഞടിക്കുകയും ചെയ്തു. ഒരു നിവൃത്തിയും ഇല്ലെന്ന് വന്നതോടെയാണ് മത്സരങ്ങള്‍ മാറ്റിവെക്കപ്പെട്ടത്. പക്ഷേ, അതിനിടെ, സംഭവിക്കേണ്ടത് സംഭവിച്ചിരുന്നു.

ഇറ്റലി

യഥാര്‍ഥത്തില്‍ ആ മത്സരം നടക്കേണ്ടിയിരുന്നത് ബെര്‍ഗാമോയില്‍ അറ്റ്ലാന്റയുടെ സ്റ്റേഡിയത്തിലാണ്. അവിടെ പുനരുദ്ധാരണ പ്രവര്‍ത്തനങ്ങള്‍ നടക്കുന്നതിനാലാണ് മിലാനിലെ സാന്‍സിറോയിലേക്ക് മത്സരം മാറ്റിയത്. സാന്‍സിറോ മിലാന്‍ ടീമുകളുടെ ആസ്ഥാനമാണ്. ബെര്‍ഗാമോ പ്രദേശത്ത് അപ്പോള്‍ വൈറസ് മാരകമായി പടര്‍ന്നിരുന്നു. അറ്റ്ലാന്റയുടെ നാല്‍പ്പതിനായിരത്തോളം ആരാധകര്‍ മിലാനിലേക്കും തിരിച്ചും യാത്ര ചെയ്തു. അവര്‍ സ്റ്റേഡിയത്തിലും പുറത്തും അത്രയും ഇടപഴകി. അവരില്‍ ഏതാണ്ടെല്ലാവരും രോഗബാധിതരായി. അറ്റ്ലാന്റ താരങ്ങള്‍ക്കും രോഗം കിട്ടി.

സ്‌പെയിന്‍

വലന്‍സിയ ടീം സ്‌പെയിനില്‍ മടങ്ങിയെത്തി. ചാമ്പ്യന്‍സ് ലീഗ് മത്സരം അവര്‍ പരാജയപ്പെട്ടിരുന്നു. പക്ഷേ, യഥാര്‍ഥത്തില്‍ തോല്‍പ്പിച്ചത് വൈറസാണ്. താരങ്ങള്‍ക്ക് ഒന്നൊന്നായി രോഗം പിടിപെട്ടു. കളിക്കാരും പരിശീലകരും ഉള്‍പ്പെടെ, സംഘത്തിലെ 35 ശതമാനം പേര്‍ക്കും രോഗബാധ. ഒരു വന്‍ടീം ഒന്നടങ്കം ഐസൊലേഷനിലേക്ക്. അവരുടെ അവസ്ഥ എന്തെന്ന് ആര്‍ക്കറിയാം.

Content Highlights: Atalanta Valencia Champions League clash accelerated coronavirus spread report

PRINT
EMAIL
COMMENT
Next Story

മാഞ്ചെസ്റ്റർ സിറ്റിയുടെ കെവിൻ ഡിബ്രുയ്ന് പരിക്ക്, ആറാഴ്ച വിശ്രമം

ലണ്ടന്‍: ഇംഗ്ലീഷ് ക്ലബ്ബ് മാഞ്ചെസ്റ്റര്‍ സിറ്റിയുടെ പ്ലേമേക്കര്‍ കെവിന്‍ .. 

Read More
 

Related Articles

ഏദന്‍ ഹസാര്‍ഡും കാസെമിറോയും കോവിഡ് പോസിറ്റീവ്; റയല്‍ മാഡ്രിഡിന് കനത്ത തിരിച്ചടി
Sports |
Sports |
കോവിഡ് ചട്ടങ്ങളെല്ലാം പാലിച്ചാണ് വന്നത്; ഇറ്റാലിയന്‍ കായിക മന്ത്രിക്ക് മറുപടിയുമായി റൊണാള്‍ഡോ
Sports |
ഇന്റര്‍ മിലാനിലെ മൂന്ന് താരങ്ങള്‍ക്കു കൂടി കോവിഡ്; ഈ ആഴ്ച രോഗം സ്ഥിരീകരിച്ചത് അഞ്ചു പേര്‍ക്ക്
Sports |
എസി മിലാന്‍ സ്ട്രൈക്കര്‍ സ്ലാട്ടന്‍ ഇബ്രാഹിമോവിച്ചിന് കോവിഡ്
 
  • Tags :
    • COVID 19
    • CORONA VIRUS
    • UEFA Champions League 2019-2020
    • Valencia, Spain
    • Italy
    • SPAIN
More from this section
kevin
മാഞ്ചെസ്റ്റർ സിറ്റിയുടെ കെവിൻ ഡിബ്രുയ്ന് പരിക്ക്, ആറാഴ്ച വിശ്രമം
ronaldo
യൂറോപ്പില്‍ ഗോള്‍ഡന്‍ ബൂട്ടിനായുള്ള മത്സരം മുറുകുന്നു
CITY
ദുര്‍ബലരായ ഷെല്‍ടെന്‍ഹാമിനോട് അവസാന നിമിഷം രക്ഷപ്പെട്ട് സിറ്റി, ആഴ്‌സനല്‍ പുറത്ത്
aguero
മാഞ്ചെസ്റ്റര്‍ സിറ്റി സൂപ്പര്‍ താരം സെര്‍ജിയോ അഗ്യൂറോയ്ക്ക് കോവിഡ് സ്ഥിരീകരിച്ചു
liverpool
ബേൺലിയോട് ഞെട്ടിക്കുന്ന തോൽവി വഴങ്ങി ലിവർപൂൾ, നഷ്ടമായത് വലിയൊരു റെക്കോഡ്
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Audio Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.