യുണൈറ്റഡും ആഴ്‌സനലും മിലാനും യൂറോപ്പ ലീഗിന്റെ പ്രീക്വാര്‍ട്ടറില്‍, ലെസ്റ്റര്‍ പുറത്ത്


ലെസ്റ്റര്‍ സിറ്റി ദുര്‍ബലരായ സ്ലാവിയ പ്രാഹയോട് രണ്ടാം പാദ മത്സരത്തില്‍ എതിരില്ലാത്ത രണ്ടുഗോളുകള്‍ക്ക് തോറ്റാണ് പുറത്തായത്.

Photo: twitter.com|ManUtd

ലണ്ടന്‍: കരുത്തരായ മാഞ്ചെസ്റ്റര്‍ യുണൈറ്റഡ്, ആഴ്‌സനല്‍, എ.സി.മിലാന്‍ എന്നീ ടീമുകള്‍ യൂറോപ്പ ലീഗിന്റെ പ്രീ ക്വാര്‍ട്ടറില്‍ പ്രവേശിച്ചു. രണ്ടു പാദങ്ങളിലായി നടന്ന മത്സരത്തില്‍ യുണൈറ്റഡ് റയല്‍ സോസിഡാഡിനെയും ആഴ്‌സനല്‍ ബെന്‍ഫിക്കയെയും എ.സി.മിലാന്‍ ക്രിവേന സ്വേസ്ഡയെയും മറികടന്നു. എന്നാല്‍ ഇംഗ്ലീഷ് വമ്പന്മാരായ ലെസ്റ്റര്‍ സിറ്റി ഞെട്ടിക്കുന്ന തോല്‍വി വഴങ്ങി ടൂര്‍ണമെന്റില്‍ നിന്നും പുറത്തായി.

യുണൈറ്റഡിന്റെ തട്ടകമായ ഓള്‍ഡ് ട്രാഫോര്‍ഡില്‍ വെച്ചുനടന്ന രണ്ടാം പാദ മത്സരത്തില്‍ ഇരുടീമുകളും ഗോള്‍രഹിത സമനില പാലിച്ചു. ആദ്യ പാദത്തില്‍ സോസിഡാഡിനെ യുണൈറ്റഡ് എതിരില്ലാത്ത നാലുഗോളുകള്‍ക്ക് കീഴടക്കിയിരുന്നു.

ആഴ്‌സനല്‍ രണ്ടാം പാദ മത്സരത്തില്‍ ബെന്‍ഫിക്കയെ രണ്ടിനെതിരേ മൂന്നു ഗോളുകള്‍ക്ക് തോല്‍പ്പിച്ചു. ആഴ്‌സനലിനായി സൂപ്പര്‍താരം ഔബമയാങ് രണ്ട് ഗോളുകള്‍ നേടിയപ്പോള്‍ ടിയേര്‍നെ മൂന്നാം ഗോള്‍ നേടി. ബെന്‍ഫിക്കയ്ക്കായി ഡിയോഗോ ഗോണ്‍സാല്‍വസ്, റാഫ സില്‍വ എന്നിവര്‍ സ്‌കോര്‍ ചെയ്തു. ആദ്യ പാദത്തില്‍ ഇരുടീമുകളും ഓരോ ഗോളുകള്‍ വീതം നേടി സമനില നേടിയിരുന്നു.

ദുര്‍ബലരായ ക്രിവേനയോട് മിലാന്‍ കഷ്ടിച്ച് രക്ഷപ്പെടുകയായിരുന്നു. രണ്ടാം പാദത്തില്‍ ഇരുടീമുകളും ഓരോ ഗോളുകള്‍ വീതം നേടി. മിലാനുവേണ്ടി ഫ്രാങ്ക് കെസ്സിയും ക്രിവേനയ്ക്കായി മുഹമ്മദ് ബെന്നും ഗോള്‍ നേടി. ആദ്യ പാദത്തിലും ഇരുടീമുകളും സമനിലയാണ് നേടിയത്. അന്ന് 2-2 എന്ന സ്‌കോറിനാണ് സമനിലയില്‍ പിരിഞ്ഞത്. എവേ ഗോളിന്റെ ആനുകൂല്യത്തിലാണ് മിലാന്‍ പ്രീക്വാര്‍ട്ടറില്‍ പ്രവേശിച്ചത്.

ലെസ്റ്റര്‍ സിറ്റി ദുര്‍ബലരായ സ്ലാവിയ പ്രാഹയോട് രണ്ടാം പാദ മത്സരത്തില്‍ എതിരില്ലാത്ത രണ്ടുഗോളുകള്‍ക്ക് തോറ്റാണ് പുറത്തായത്. ടീമിനായി ലൂക്കാസ് പ്രോവോഡും അബ്ദല്ല സിമയും സ്‌കോര്‍ ചെയ്തു. ആദ്യപാദ മത്സരത്തില്‍ ഇരുടീമുകളും ഗോള്‍രഹിത സമനിലയില്‍ പിരിഞ്ഞിരുന്നു.

പ്രീക്വാര്‍ട്ടര്‍ മത്സരങ്ങളുടെ ലൈനപ്പ് ഉടന്‍ പുറത്തുവരും. അയാക്‌സ്, ടോട്ടനം, ഗ്രനാഡ, റോമ, വിയ്യാറയല്‍ തുടങ്ങിയ ടീമുകള്‍ നേരത്തേ പ്രീക്വാര്‍ട്ടറില്‍ പ്രവേശിച്ചിരുന്നു.

Content Highlights: Arsenal, Manchester United, Rangers enter into last 16, Leicester City exit


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022

Most Commented