മൈതാനത്ത് തകര്‍പ്പന്‍ പോരാട്ടം; പിന്നാലെ തമ്മിലടിച്ച് ചെല്‍സി-ടോട്ടനം പരിശീലകര്‍


Photo: AFP

ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ഞായറാഴ്ച നടന്ന ചെല്‍സി-ടോട്ടനം ഹോട്‌സ്പര്‍ മത്സരത്തിനു ശേഷം മൈതാനത്ത് ഏറ്റുമുട്ടി ഇരു ടീമുകളുടെയും പരിശീലകര്‍. ചെല്‍സി 2-1ന് മുന്നില്‍ നില്‍ക്കുന്ന സമയത്ത്, മത്സരം അവസാനിക്കാന്‍ നിമിഷങ്ങള്‍ മാത്രം ബാക്കിനില്‍ക്കെ ഹാരി കെയ്ന്‍ നേടിയ ഗോളില്‍ ടോട്ടനം സമനില (2-2) പിടിച്ചിരുന്നു. മത്സരം അവസാനിച്ചതിനു പിന്നാലെ പരസ്പരം കൈകൊടുക്കുന്നതിനിടെയാണ് ചെല്‍സി പരിശീലകര്‍ തോമസ് ടുകെലും ടോട്ടനം പരിശീലകന്‍ അന്റോണിയോ കോണ്ടെയും പരസ്പരം പോരടിച്ചത്. ഇരുവര്‍ക്കും നേരെ റഫറി ചുവപ്പു കാര്‍ഡുയര്‍ത്തുകയും ചെയ്തു.

മത്സരത്തിന്റെ 19-ാം മിനിറ്റില്‍ കാലിഡു കുലിബാലിയുടെ ഗോളില്‍ ചെല്‍സി മുന്നിലെത്തിയിരുന്നു. എന്നാല്‍ 68-ാം മിനിറ്റില്‍ എമില്‍ ഹോജ്‌ബെര്‍ഗിലൂടെ ടോട്ടനം സമനില പിടിച്ചതിനു പിന്നാലെയാണ് പ്രശ്‌നങ്ങള്‍ക്ക് തുടക്കം. ഗോള്‍ മടക്കിയതിനു പിന്നാലെ ടോട്ടനം പരിശീലകന്‍ കോണ്ടെ, ഡഗ്ഔട്ടില്‍ ടുകെലിനു മുന്നില്‍ ആഘോഷവുമായെത്തി. ഇത് ചെറിയ തോതില്‍ കയ്യാങ്കളിയിലേക്ക് നീണ്ടു. റഫറി ഇരുവര്‍ക്കും അപ്പോള്‍ മഞ്ഞക്കാര്‍ഡ് കാണിച്ചു. ഈ ഗോളിന് മുമ്പ് ചെല്‍സി താരം കായ് ഹാവെര്‍ട്‌സിനെ ടോട്ടനം താരം റോഡ്രിഗോ ഫൗള്‍ ചെയ്‌തെന്ന പരാതിയും ചെല്‍സി ടീം ഉയര്‍ത്തി. എന്നാല്‍ വാര്‍ പരിശോധിച്ചിട്ടും ഇക്കാര്യം കണക്കിലെടുക്കാതിരുന്നതോടെ ടോട്ടനത്തിന് ഗോള്‍ അനുവദിക്കപ്പെട്ടു.

എന്നാല്‍ 77-ാം മിനിറ്റില്‍ റീസ് ടോപ്‌ലിയുടെ ഗോളില്‍ ചെല്‍സി ലീഡെടുത്തതോടെ ടുകെല്‍ ഈ ഗോള്‍ വലിയ ആഘോഷമാക്കി. എന്നാല്‍ ചെല്‍സി വിജയം ഉറപ്പിച്ച ഘട്ടത്തിലാണ് മത്സരം അവസാനിക്കാന്‍ നിമിഷങ്ങള്‍ മാത്രം ബാക്കിനില്‍ക്കെ ഇവാന്‍ പെരിസിച്ചെടുത്ത കോര്‍ണര്‍ വലയിലെത്തിച്ച് കെയ്ന്‍ ടോട്ടനത്തിന് സമനില സമ്മാനിച്ചത്.

മത്സരം അവസാനിച്ചതിനു പിന്നാലെ പരസ്പരം കൈകൊടുക്കുന്നതിനിടെ തന്റെ മുഖത്ത് നോക്കാതെ കടന്നുപോയ കോണ്ടെയോട് മുഖത്ത് നോക്കണമെന്ന് പറഞ്ഞാണ് ടുകെല്‍ തട്ടിക്കയറിയത്. പിന്നാലെ ഇരുവരും വാക്കേറ്റമായി. ഒടുവില്‍ ഇരു ടീമിലെയും താരങ്ങളും സപ്പോര്‍ട്ട് സ്റ്റാഫുമെത്തിയാണ് ഇരുവരെയും പിടിച്ചുമാറ്റിയത്. പിന്നാലെ റഫറി ഇരുവര്‍ക്കും ചുവപ്പുകാര്‍ഡ് നല്‍കുകയും ചെയ്തു.

Content Highlights: Antonio Conte Thomas Tuchel Fiery Confrontation After Chelsea-Tottenham Hotspur match


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented