ലോകകപ്പ് യോഗ്യതാ മത്സരം: പോര്‍ച്ചുഗലിനും ഫ്രാന്‍സിനും നെതര്‍ലന്‍ഡ്‌സിനും തകര്‍പ്പന്‍ ജയം


ഇന്ന് കരുത്തരായ ഇംഗ്ലണ്ട്, ബെല്‍ജിയം, ജര്‍മനി, ഇറ്റലി, സ്‌പെയിന്‍, വെയല്‍സ് തുടങ്ങിയ ടീമുകള്‍ക്ക് മത്സരമുണ്ട്.

ഗോൾ നേടിയ ഗ്രീസ്മാനെ അഭിനന്ദിക്കുന്ന സഹതാരങ്ങൾ | Photo: AFP

പാരിസ്: 2022 ലോകകപ്പ് യോഗ്യതാ മത്സരത്തില്‍ കരുത്തരായ ഫ്രാന്‍സ്, പോര്‍ച്ചുഗല്‍, നെതര്‍ലന്‍ഡ്‌സ്, ക്രൊയേഷ്യ ടീമുകള്‍ക്ക് വിജയം.

നിലവിലെ ചാമ്പ്യന്മാരായ ഫ്രാന്‍സ് എതിരില്ലാത്ത രണ്ട് ഗോളുകള്‍ക്ക് ഫിന്‍ലന്‍ഡിനെ കീഴടക്കി. ഇരട്ട ഗോളുകള്‍ നേടിയ സൂപ്പര്‍ താരം ആന്റോയിന്‍ ഗ്രീസ്മാന്റെ മികവിലാണ് ഫ്രാന്‍സ് വിജയം സ്വന്തമാക്കിയത്. ഈ വിജയത്തോടെ ഗ്രൂപ്പ് ഡി യില്‍ ടീം ഒന്നാം സ്ഥാനം നിലനിര്‍ത്തി. ആറു മത്സരങ്ങളില്‍ നിന്നും 12 പോയന്റാണ് ഫ്രാന്‍സിനുള്ളത്.

പോര്‍ച്ചുഗല്‍ എതിരില്ലാത്ത മൂന്നുഗോളുകള്‍ക്ക് അസര്‍ബൈജാനെ കീഴടക്കി. സൂപ്പര്‍ താരം ക്രിസ്റ്റ്യാനോ റൊണാള്‍ഡോയ്ക്ക് വിശ്രമം അനുവദിച്ച മത്സരത്തില്‍ ബെര്‍ണാഡോ സില്‍വ, ആന്ദ്രെ സില്‍വ, ഡിയാഗോ ജോട്ട എന്നിവര്‍ പറങ്കികള്‍ക്കായി സ്‌കോര്‍ ചെയ്തു. ഈ വിജയത്തോടെ ഗ്രൂപ്പ് എ യില്‍ പോര്‍ച്ചുഗല്‍ ഒന്നാം സ്ഥാനത്ത് തുടരുന്നു.

സൂപ്പര്‍ താരം മെംഫിസ് ഡീപേയുടെ ഹാട്രിക്ക് മികവില്‍ നെതര്‍ലന്‍ഡ്‌സ് ഒന്നിനെതിരേ ആറുഗോളുകള്‍ക്ക് തുര്‍ക്കിയെ തകര്‍ത്തു. 16, 38, 64 മിനിട്ടുകളിലാണ് ഡീപേ നെതര്‍ലന്‍ഡ്‌സിനായി ലക്ഷ്യം കണ്ടത്. ഡാവി ക്ലാസ്സെന്‍, ഗൂസ് ടില്‍, ഡോണ്‍യെല്‍ മാലെന്‍ എന്നിവരും ഗോള്‍ നേടി. സെന്‍ഗിസ് അണ്ടര്‍ തുര്‍ക്കിയുടെ ആശ്വാസ ഗോള്‍ നേടി. ഈ വിജയത്തോടെ ഗ്രൂപ്പ് ജി യില്‍ നെതര്‍ലന്‍ഡ് ഒന്നാം സ്ഥാനത്ത് തുടരുന്നു. നോര്‍വേയാണ് രണ്ടാം സ്ഥാനത്ത്. ബൊറൂസ്സിയ ഡോര്‍ട്മുണ്ടിന്റെ ഗോളടിയന്ത്രം എര്‍ലിങ് ഹാളണ്ട് ഹാട്രിക്ക് നേടിയ മത്സരത്തില്‍ ഒന്നിനെതിരേ അഞ്ചു ഗോളുകള്‍ക്ക് നോര്‍വേ ജിബ്രാള്‍ട്ടറിനെ കീഴടക്കി.

ക്രൊയേഷ്യ എതിരില്ലാത്ത മൂന്നു ഗോളുകള്‍ക്ക് സ്ലൊവേനിയയെ തോല്‍പ്പിച്ചു. മാര്‍ക്കോ ലിവാജ, മരിയോ പസാലിച്ച്, നിക്കോള വ്‌ലാസിച്ച് എന്നിവര്‍ ടീമിന് വേണ്ടി സ്‌കോര്‍ ചെയ്തു. ഈ വിജയത്തോടെ ക്രൊയേഷ്യ ഗ്രൂപ്പ് എച്ചില്‍ ഒന്നാം സ്ഥാനത്ത് തുടരുന്നു.

ഇന്ന് കരുത്തരായ ഇംഗ്ലണ്ട്, ബെല്‍ജിയം, ജര്‍മനി, ഇറ്റലി, സ്‌പെയിന്‍, വെയല്‍സ് തുടങ്ങിയ ടീമുകള്‍ക്ക് മത്സരമുണ്ട്.

Content Highlights: 2022 football world cup European qualifiers

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022

Most Commented