ലോകചെസ് ചാമ്പ്യന്‍ഷിപ്പ്; മാഗ്‌നസ് കാള്‍സണ്‍ - യാന്‍ നേപ്പോംനിഷി മത്സര വിശകലനം


ദുബായിൽ നിന്ന് ചെസ് ഒളിമ്പ്യന്‍ എന്‍.ആര്‍. അനില്‍കുമാര്‍

Photo: AFP

പ്രവചനങ്ങളും കണക്കുകൂട്ടലുകളുമെല്ലാം കടന്ന് സത്യത്തിന്റെ മുഹൂര്‍ത്തം വന്നെത്തി. ദുബായ് എക്‌സ്‌പോ 2020 എക്‌സിബിഷന്‍ ഹാളില്‍ നവംബര്‍ 26 ഇന്ത്യന്‍ സമയം വൈകീട്ട് 6 മണിക്ക് ലോകകിരീടപോരാട്ടങ്ങള്‍ക്കായുള്ള കരുനീക്കങ്ങള്‍ ആരംഭിച്ചു.

ഒന്നാം ഗെയിമില്‍ വെളുത്ത കരുക്കള്‍ എടുത്തുകൊണ്ട് ചലഞ്ചര്‍ യാന്‍ നേപ്പോംനിഷി നിലവിലെ ലോകചാമ്പ്യന്‍ മാഗ്‌നസ് കാള്‍സണെതിരെ ആദ്യ കരുനീക്കം നടത്തിക്കൊണ്ട് നിര്‍ണ്ണായകപോരാട്ടത്തിന് തുടക്കം കുറിച്ചു.



വൈറ്റ് : യാന്‍ നേപ്പോംനിഷി (റഷ്യ)
ബ്ലാക്ക് : മാഗ്‌നസ് കാള്‍സണ്‍ (നോര്‍വേ)

  • e4 e5 2. ♘f3 ♘c6 3. ♗b5
പതിനാറാം നൂറ്റാണ്ടില്‍ സ്പാനിഷ് പുരോഹിതന്‍ റൂയ് ലോപ്പസ് സെഗുറ തുടങ്ങി വെച്ച് പില്‍ക്കാലത്ത് വളരെ സ്വീകാര്യമായിത്തീര്‍ന്ന റൂയ് ലോപ്പസ് പ്രാരംഭമുറ.

  • a6
മഹാനായ പോള്‍ മോര്‍ഫി പത്തൊമ്പതാം നൂറ്റാണ്ടില്‍ കണ്ടെത്തിയ മികച്ച നീക്കം. ഈ നീക്കം നടത്തുക വഴി ഇക്കാലത്ത് ഏറ്റവും പ്രചാരത്തിലുള്ള ബെര്‍ലിന്‍ പ്രതിരോധം തന്‍ ഉപയോഗിക്കുവാന്‍ ഉദ്ദേശിക്കുന്നില്ല എന്ന് ചാമ്പ്യന്‍ വ്യക്തമാക്കുന്നു.

  • ♗a4 ♘f6 5. O-O ♗e7 6. ♖e1 b5 7. ♗b3 O-O 8. h3
പകരം 8. c3 കളിച്ചാല്‍ വേണമെങ്കില്‍ 8 ... d5 കളിച്ചുകൊണ്ട് ആക്രമണസ്വഭാവമുള്ള മാര്‍ഷല്‍ ഗാംബിറ്റ് കളിക്കുവാനുള്ള അവസരം കാള്‍സണ് ലഭിക്കുമായിരുന്നു . 8. h3 ഈ സാധ്യതയെ തടയുന്നു.

8. …♘a5!?

ഇതൊരു പോണ്‍ ബലിയാണ്. താന്‍ എതിരാളിക്ക് ദാനം നല്‍കുന്ന കാലാളിനു പകരമായി ബ്ലാക്കിന് ലഭിക്കുന്നത് 2 ഗുണങ്ങളാണ് - 1. ബിഷപ്പ് ദ്വയം 2. കൂടുതല്‍ സജീവമായ കരുവിന്യാസം. ഒരു പോണ്‍ മികവാണോ പ്രധാനം അതോ ഇരട്ടബിഷപ്പുകളും മെച്ചപ്പെട്ട കരുവിന്യാസവും ആണോ പ്രധാനം എന്ന ചോദ്യത്തിനുള്ള ഉത്തരം തേടലാണ് കളിയുടെ ഇനിയുള്ള നീക്കങ്ങളില്‍ അടങ്ങിയിരിക്കുന്നത്.

9. ♘xe5

പെട്ടെന്നാണ് നേപ്പോംനിഷി ഈ കാലാളിനെ വെട്ടിയെടുത്തത് എന്നത് രണ്ട് കളിക്കാരും ഈ ഓപ്പണിങ് മുറ ആഴത്തില്‍ പഠിച്ചാണ് ഗോദയിലിറങ്ങിയിരിക്കുന്നത് എന്ന വസ്തുത വ്യക്തമാക്കുന്നു.

9. …♘xb3 10. axb3 ♗b7 11. d3 d5 12. exd5 ♕xd5 13. ♕f3 ♗d6 14.

♔f1! മികച്ച നീക്കം. നെപ്പോ വരാനിരിക്കുന്ന എന്‍ഡ് ഗെയിമിനെ മുന്‍കൂട്ടി കണ്ട് രാജാവിനെ കളമധ്യത്തിലേക്ക് കൊണ്ടുവരുന്നു. അതോടൊപ്പം ബ്ലാക്ക് e5 ലെ കുതിരയെ വെട്ടുകയാണെങ്കില്‍ പകരം b7 ലെ ബിഷപ്പിനെ തിരിച്ചുവെട്ടിയെടുക്കുവാനുള്ള തയ്യാറെടുപ്പും നടത്തുന്നു.

14. … ♖fb8!

നെപ്പോയുടെ മികച്ച നീക്കത്തെ സ്വയം ഒരു മികച്ച നീക്കം നടത്തിക്കൊണ്ട് കാള്‍സണ്‍ നേരിടുന്നു. ബ്ലാക്ക് തന്റെ ക്വീനിനെ മാറ്റി എതിരാളിയുടെ ക്വീനിനെ തന്റെ ബിഷപ്പ് കൊണ്ട് ആക്രമിക്കും എന്നതാണ് ഭീഷണി. ഇതോടെ കളി ഏന്‍ഡ് ഗെയിമിലേക്ക് നീങ്ങാന്‍ നിര്‍ബന്ധിതമാകുന്നു.

15. ♕xd5 ♘xd5

ഈ പൊസിഷന്‍ ഇതിനുമുന്‍പ് 8 കറസ്‌പോണ്ടന്‍സ് ഗെയിമുകളില്‍ പ്രത്യക്ഷപ്പെട്ടിട്ടുണ്ട് എന്നതാണ് കൗതുകകരം. അവയില്‍ പൊതുവെ വൈറ്റിനായിരുന്നു മേല്‍ക്കൈ.

16. ♗d2

ഈ നീക്കം 16. … Nb4 നെ തടയുന്നു.

16. … d2 c5 17. ♘f3 ♖d8 18. ♘c3 ♘b4 19. ♖ec1 ♖ac8 20. ♘e2 ♘c6

21. ♗e3

ഈ നീക്കത്തിനുപകരം അമേരിക്കൻ ഗ്രാൻഡ്‌മാസ്റ്റർ ഷാങ്ക്ലാൻഡ് കുറേകൂടി മെച്ചപ്പെട്ട തുടർനീക്കങ്ങൾ ഇപ്രകാരം നിർദ്ദേശിക്കുന്നു- (21. Bf4 Bf8 22. Ne1) വൈറ്റിന് ഒന്നുകൂടി സുഖകരമായ അവസ്ഥ ലഭിക്കും).

21. … ♘e7

f5, g6 എന്നീ കളങ്ങളിലേക്ക് സഞ്ചരിക്കുക എന്ന ലക്ഷ്യത്തോടെയുള്ള നല്ലൊരു നീക്കം.

22. ♗f4 ♗xf3 23. gxf3 ♗xf4 24. ♘xf4 ♖c6

ഈ നീക്കങ്ങളോടെ കളി തികഞ്ഞ തുല്യാവസ്ഥയിലേക്ക് എത്തിയിരിക്കുന്നു. നെപ്പോവിന് ഒരു പോൺ മികവ് ഉണ്ടെങ്കിലും അദ്ദേഹത്തിന്റെ പോൺ ഘടന ദുർബലമാണ്.

25. ♖e1 ♘f5 26. c3 ♘h4 27. ♖e3 ♔f8 28. ♘g2 ♘f5 29. ♖e5 g6

30. ♘e1 ♘g7!

മറ്റൊരു മികച്ച കുതിരച്ചാട്ടം. നല്ല കളം ആയ d6 ലേക്കാണ് നൈറ്റിന്റെ വരവ്.

31. ♖e4 f5 32. ♖e3 ♘e6 33. ♘g2 b4!

വൈറ്റിൻറെ പോൺഘടനക്കുമേൽ സമ്മർദ്ദം ചെലുത്തുന്ന ഒന്നാംതരം നീക്കം.

34. ♔e2!

മികച്ച മറുപടി. തനിക്ക് ലഭിച്ച പോൺ തിരികെ നൽകിക്കൊണ്ട് തന്റെ രാജാവിനെ ഏറ്റവും പ്രധാനപ്പെട്ട മദ്ധ്യഭാഗത്തേക്ക് കൊണ്ടുവന്ന് നെപ്പോ സമനില ഉറപ്പിക്കുന്നു.

34. … ♖b8 35. ♔d2! bxc3+ 36. bxc3 ♖xb3 37. ♔c2 ♖b7 38. h4 ♔f7 39. ♖ee1 ♔f6 40. ♘e3 ♖d7 41. ♘c4 ♖e7 42. ♘e5 ♖d6 43. ♘c4 ♖c6 44. ♘e5 ♖d6 45. ♘c4 ഡ്രോ

നീക്കങ്ങളും പൊസിഷനും ആവര്‍ത്തിക്കുക മാത്രമേ ഇരുവര്‍ക്കും ചെയ്യാനുള്ളൂ. അതിനാല്‍ അവര്‍ ഡ്രോ സമ്മതിച്ചു.


ചെസ്സിന്റെ ഏറ്റവും ഉയര്‍ന്ന തലം പലഘടകങ്ങളുടെയും മിശ്രണമാണ്. കുറ്റമറ്റ മത്സരപൂര്‍വ്വ തയ്യാറെടുപ്പ്, ഉയര്‍ന്ന കായികക്ഷമത, അസാമാന്യമായ മനക്കരുത്തും പോരാട്ടവീര്യവും , ചെസ്സ് ബോര്‍ഡിന് മേലെയുള്ള പൂര്‍ണ്ണത നിറഞ്ഞ കണക്കുകൂട്ടല്‍ പാടവം, കൃത്യസമയത്ത് ഉചിതമായ തീരുമാനങ്ങള്‍ എടുക്കുവാനുള്ള അനുഭവസമ്പത്തും ഉള്‍പ്രേരണയും, അതിശയകരമായ ഓര്‍മ്മശക്തി, ഏറ്റവും ഉയര്‍ന്ന തലത്തിലുള്ള ഏകാഗ്രത - ഇവയെല്ലാം മനോഹരമായി ലയിച്ചുചേരുന്നമുഹൂര്‍ത്തങ്ങളിലാണ് ലോകചാമ്പ്യന്മാര്‍ പിറവിയെടുക്കുന്നത്.

അത്തരം ഒരു ചാമ്പ്യന്‍ ആരെന്ന് അറിയുവാനായി 14 ഗെയിമുകളുടെ ഈ മത്സര പരമ്പരയിലെ ഇനിയുള്ള കരുനീക്കങ്ങള്‍ക്കായി നമുക്ക് കാത്തിരിക്കാം.

Content Highlights: world chess championship magnus carlsen v ian nepomniachtchi game analysis


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


അര്‍ജന്റീനന്‍ ടീം| photo: Getty Images

1 min

സൗദിയെ വീഴ്ത്തി പോളണ്ട്; ഇനി അര്‍ജന്റീനയുടെ ഭാവി എന്ത്?

Nov 26, 2022

Most Commented