വിജയത്തിന് പിന്നിലെ വിനയ സാന്നിധ്യം!


രാജേഷ് കെ. കൃഷ്ണന്‍

ചാമ്പ്യന്‍സ് ലീഗ് കിരീടത്തില്‍ ചെല്‍സി രണ്ടാംതവണയും മുത്തമിടുമ്പോള്‍ എറണാകുളം ചെറായ് സ്വദേശിയായ വിനയ് പി. മേനോനും അതില്‍ പങ്കുണ്ട്

വിനയ് പി. മേനോൻ ചാമ്പ്യൻസ് ലീഗ് ട്രോഫിയുമായി | Photo: facebook.com|flomny.menon

തിരുവനന്തപുരം: ചാമ്പ്യന്‍സ് ലീഗ് ഫുട്‌ബോള്‍ കിരീടവുമായി ചെല്‍സി ഫുട്ബോള്‍ ടീം പോര്‍ട്ടോയില്‍നിന്നും ലണ്ടനിലേക്ക് വിമാനം കയറുന്നതിന് തൊട്ടുമുന്‍പായിരുന്നു മലയാളിയായ വിനയ് പി. മേനോനെ വാട്സാപ്പ് കോളില്‍ കിട്ടിയത്.

ചെല്‍സി താരങ്ങളുടെ കിരീടാഘോഷം അവസാനിച്ചിരുന്നില്ല. ''ലണ്ടനിലേക്കുള്ള വിജയ യാത്ര ആരംഭിക്കുകയാണ്. ജീവിതത്തിലെ ഏറ്റവും സുന്ദരമായ നിമിഷങ്ങള്‍. എന്തുപറയണം എന്നറിയില്ല. കപ്പ് അടിച്ചതുമുതല്‍ ആഘോഷമായിരുന്നു. അതിന്റെ ഹാങ് ഓവര്‍ മാറിയിട്ടില്ല. ലണ്ടനില്‍ സ്റ്റാംഫഡ് ബ്രിജില്‍ ചെന്നിട്ട് ബാക്കി ആഷോഷങ്ങള്‍.'' -കഴിഞ്ഞ 12 സീസണുകളിലായി ചെല്‍സി ഫുട്ബോള്‍ ടീമിന്റെ വെല്‍നസ് കണ്‍സള്‍ട്ടന്റും മൈന്‍ഡ് സ്ട്രാറ്റജിസ്റ്റുമായ മലയാളി വിനയ് പി. മേനോന്‍ 'മാതൃഭൂമി'യോട് പറഞ്ഞു. ചാമ്പ്യന്‍സ് ലീഗ് കിരീടത്തില്‍ ചെല്‍സി രണ്ടാംതവണയും മുത്തമിടുമ്പോള്‍ എറണാകുളം ചെറായ് സ്വദേശിയായ വിനയ് പി. മേനോനും അതില്‍ പങ്കുണ്ട്.

2009 മേയിലാണ് വിനയ് വെല്‍നസ് കണ്‍സള്‍ട്ടന്റായി ചെല്‍സിയില്‍ ചേര്‍ന്നത്. പ്രമുഖ യോഗാചാര്യനായ ചെറായി നീലിവീട്ടില്‍ ശ്രീധരമേനോന്റെ പേരക്കുട്ടിയായ വിനയ് ഇരിങ്ങാലക്കുട ക്രൈസ്റ്റ് കോളജിലെ ഫിസിക്കല്‍ എഡ്യുക്കേഷന്‍ വിഭാഗം പൂര്‍വവിദ്യാര്‍ഥിയാണ്. പോണ്ടിച്ചേരി സര്‍വകലാശാലയിലെ യോഗാപഠന കേന്ദ്രത്തില്‍ ചേര്‍ന്നു. ഋഷികേശിലെ പ്രശസ്ത പഞ്ചനക്ഷത്ര റിസോര്‍ട്ടായ ആനന്ദാസില്‍ യോഗാപരിശീലകനായത് വഴിത്തിരിവായി.

അവിടെനിന്ന് ദുബായിലെത്തി. റഷ്യന്‍ എണ്ണക്കമ്പനി മുതലാളിയും ചെല്‍സി ഉടമ റോമന്‍ അബ്രമോവിച്ചിനെ പരിചയപ്പെട്ടു. അബ്രമോവിച്ചിന്റെ മകളെയും മരുമകനെയും യോഗപഠിപ്പിച്ചതോടെ ചെല്‍സി ടീമിന്റെ ഫസ്റ്റ് ഇലവന്‍ വെല്‍നസ് കണ്‍സള്‍ട്ടന്റായി 47-കാരന്‍ മാറി. ഭാര്യ ഫ്‌ളോമ്നിയോടും മകന്‍ അഭയ് മേനോനുമൊപ്പം ലണ്ടനില്‍ താമസം. '' കേരളത്തില്‍ ഒരുപാട് ആരാധകരുണ്ട്. അവരോടെല്ലാം നന്ദി. സുരക്ഷിതമായിരിക്കുക. ഇനിയും പിന്തുണയ്ക്കുക.'' - വിനയ് പറഞ്ഞു.

Content Highlights: Vinay P Menon the keralite wellness trainer working with Chelsea FC

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022


04:08

എന്താണ് ലോൺ ബോൾസ്? കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണമണിഞ്ഞ ലോണ്‍ ബോള്‍സിനെ കുറിച്ച് അറിയാം..

Aug 6, 2022

Most Commented