വമ്പന്‍മാരെ വീഴ്ത്തി കരുത്ത് കാട്ടി പുതുച്ചേരി; പിന്നില്‍ മലയാളിക്കരുത്ത്


അഭിനാഥ് തിരുവലത്ത്‌

വി.എ ജഗദീഷ്, റെയ്ഫി വിൻസന്റ് ഗോമസ്, എന്നിവർ പുതുച്ചേരി ക്യാപ്റ്റൻ രോഹിത് ദാമോദരൻ, പരിശീലകൻ ദിശാന്ത് യാഗ്‌നിക്ക് എന്നിവർക്കൊപ്പം | Photo: special arrangement

ത്തവണ വിജയ് ഹസാരേ ട്രോഫിയില്‍ കേരള ക്രിക്കറ്റ് ടീമിന്റെ പ്രകടനത്തില്‍ ആവേശം കൊള്ളുകയാണ് നാട്ടിലുള്ള ക്രിക്കറ്റ് പ്രേമികള്‍. കരുത്തരായ മഹാരാഷ്ട്രയെ അടക്കം തകര്‍ത്ത് ഗ്രൂപ്പ് ഡിയില്‍ നിന്ന് നോക്കൗട്ട് ഉറപ്പിച്ചിരിക്കുകയാണ് ടീം.

എന്നാല്‍ കേരളത്തിന് അഭിമാനിക്കാവുന്ന പ്രകടനവുമായി ഗ്രൂപ്പ് ബിയില്‍ ഒരു കുഞ്ഞന്‍ ടീമുണ്ട്, പുതുച്ചേരി. ഗ്രൂപ്പ് ബിയില്‍ നിന്ന് നോക്കൗട്ടിലേക്ക് ടിക്കറ്റ് കിട്ടിയില്ലെങ്കിലും കരുത്തരായ തമിഴ്‌നാട്, മുംബൈ, ബംഗാള്‍ ടീമുകളെ അട്ടിമറിച്ച് തങ്ങളുടെ കരുത്ത് കാട്ടിയ പുതുച്ചേരി ടീമിന്റെ കുതിപ്പിനു പിന്നില്‍ ഒരുപറ്റം മലയാളികളാണ്.



മുന്‍ കേരള ക്രിക്കറ്റ് താരങ്ങളായ റെയ്ഫി വിന്‍സന്റ് ഗോമസ്, സോണി ചെറുവത്തൂര്‍, വി.എ ജഗദീഷ് എന്നിവരാണ് പുതുച്ചേരി ടീമിന്റെ സെലക്ഷന്‍ കമ്മിറ്റി അംഗങ്ങള്‍.

മൂന്നോ നാലോ വര്‍ഷമാകുന്നേയുള്ളൂ പുതുച്ചേരി ഇന്ത്യന്‍ ക്രിക്കറ്റിന്റെ റഡാറിലെത്തിയിട്ട്. ടീമിന്റെ മുന്നൊരുക്കങ്ങളിലും തിരഞ്ഞെടുപ്പിലുമെല്ലാം റെയ്ഫി ഉള്‍പ്പെട്ട സെലക്ഷന്‍ കമ്മിറ്റിക്ക് കാര്യമായ പങ്കുണ്ട്.

vijay hazare trophy puducherry shows strength by overthrowing giants malayalee power behind
പുതുച്ചേരി ക്രിക്കറ്റ് ടീം

ഈ മൂവര്‍ക്കുമൊപ്പം ഇഖ്‌ലാസ് നഹ, ഫാബിദ് അഹമ്മദ് തുടങ്ങിയ മലയാളി താരങ്ങളും പുതുച്ചേരി ടീമിന്റെ കരുത്താണ്. ടൂര്‍ണമെന്റില്‍ കരുത്തരായ തമിഴ്‌നാടിനെ പരാജയപ്പെടുത്തിയ മത്സരത്തില്‍ 87 റണ്‍സുമായി തിളങ്ങിയത് ഫാബിദായിരുന്നു. മുംബൈക്കെതിരായ മത്സരത്തില്‍ 10 ഓവറില്‍ 16 റണ്‍സ് മാത്രം വഴങ്ങി നാലു വിക്കറ്റുമായി തിളങ്ങിയതും ഫാബിദ് തന്നെ.

ഐപിഎല്ലില്‍ രാജസ്ഥാന്‍ ടീമിന്റെ ഫീല്‍ഡിങ് പരിശീലകനായ ദിശാന്ത് യാഗ്നിക്കാണ് പുതുച്ചേരി ടീമിന്റെ മുഖ്യ പരിശീലകന്‍.

vijay hazare trophy puducherry shows strength by overthrowing giants malayalee power behind
ഫാബിദ് അഹമ്മദ്

''പുതുച്ചേരിയിലെ ഡൊമസ്റ്റിക് ടൂര്‍ണമെന്റുകളില്‍ നിന്നും പുതുച്ചേരി പ്രീമിയര്‍ ലീഗില്‍ നിന്നുമൊക്കെയാണ് ഞങ്ങള്‍ താരങ്ങളെ തിരഞ്ഞെടുത്തത്. ഇത്തരം ടൂര്‍ണമെന്റുകളില്‍ മികച്ച പ്രകടനം നടത്തിയവരെ തിരഞ്ഞെടുത്ത് ഒരു സ്‌ക്വാഡ് ഉണ്ടാക്കുകയായിരുന്നു. മഴ കാരണം ഇത്തവണ പുതുച്ചേരിയില്‍ ക്യാമ്പ് സംഘടിപ്പിക്കാന്‍ സാധിച്ചില്ല. ഇതോടെ കേരള ക്രിക്കറ്റ് അസോസിയേഷനുമായി ബന്ധപ്പെട്ട് വയനാട് കൃഷ്ണഗിരിയില്‍ ക്യാമ്പിനുള്ള സൗകര്യമൊരുക്കുകയായിരുന്നു. കെസിഎയുടെ ഭാഗത്തു നിന്നും ടീമിന് മികച്ച പിന്തുണയാണ് ലഭിച്ചത്. കേരള ടീമുമായി പരിശീലന മത്സരങ്ങള്‍ കളിക്കാന്‍ സാധിച്ചതും നേട്ടമായി. ഇതിന്റെയെല്ലാം ഫലമാണ് ഈ ടൂര്‍ണമെന്റിലെ ടീമിന്റെ പ്രകടനം.'' - റെയ്ഫി വിന്‍സന്റ് ഗോമസ് മാതൃഭൂമി ഡോട്ട്‌കോമിനോട് പറഞ്ഞു.

ചാമ്പ്യന്‍ഷിപ്പുകള്‍ കളിക്കുക എന്നതാണ് ടീമിന്റെ പ്രധാന ലക്ഷ്യമെന്നും നോക്കൗട്ട് റൗണ്ടിലേക്ക് മുന്നേറുക എന്നതിലേക്കാണ് ഈ ലക്ഷ്യത്തിന്റെ അടുത്ത പടിയെന്നും റെയ്ഫി വ്യക്തമാക്കി.

ടീമിനെ ഒത്തൊരുമിച്ച് കൊണ്ടു പോകുന്നതില്‍ ക്യാപ്റ്റന്‍ രോഹിത് ദാമോദരന്റെ പങ്ക് ഏറെ വലുതാണെന്നും അദ്ദേഹം പറഞ്ഞു. തമിഴ്‌നാട് പ്രീമിയര്‍ ലീഗില്‍ മധുരൈ പാന്തേഴ്‌സിനെ കിരീടത്തിലെത്തിച്ച നായകനാണ് രോഹിത്.

ക്രിക്കറ്റ് അസോസിയേഷന്‍ ഓഫ് പുതുച്ചേരി ടീമിന് ടീമിന് മികച്ച അടിസ്ഥാന സൗകര്യങ്ങളാണ് ഒരുക്കിയിരിക്കുന്നത്. എട്ട് മൈതാനങ്ങളടങ്ങിയ ഒരു കോമ്പൗണ്ട് തന്നെ ടീമിന് പരിശീലിക്കാനും മറ്റുമായുണ്ട്.

Content Highlights: vijay hazare trophy puducherry shows strength by overthrowing giants malayalee power behind


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022

Most Commented