പുറത്താക്കപ്പെട്ടതിന്റെ 156-ാം ദിവസം ടുച്ചലിന്റെ മധുരപ്രതികാരം


കഴിഞ്ഞ സീസണിലെ ചാമ്പ്യന്‍സ് ലീഗ് പരാജയവും ഫ്രഞ്ച് ലീഗിലെ ഇത്തവണത്തെ മോശം തുടക്കവുമാണ് പി.എസ്.ജി.യില്‍നിന്ന് ടുച്ചലിന്റെ പുറത്താകലിന് വഴിവെച്ചത്. നേടിക്കൊടുത്ത ആറ് കിരീടങ്ങള്‍ ടുച്ചലിന്റെ രക്ഷയ്‌ക്കെത്തിയില്ല

തോമസ് ടുച്ചൽ ചാമ്പ്യൻസ് ലീഗ് കിരീടവുമായി | Photo By SUSANA VERA| AFP

പമാനിച്ച് പുറത്താക്കപ്പെട്ടതിന്റെ 156-ാം ദിവസം അയാളുടെ കൈയിലേക്ക് ആ കപ്പ് വന്നുചേര്‍ന്നു. ഒരിക്കല്‍ നേരിയ വ്യത്യാസത്തിന് വഴുതിപ്പോയ ചാമ്പ്യന്‍സ് ലീഗ് കിരീടം. പോര്‍ട്ടോയിലെ എസ്റ്റുഡിയ ഡ്രാഗാവോയില്‍ കപ്പ് ഉയര്‍ത്തുമ്പോള്‍ രണ്ട് ക്ലബ്ബുകളില്‍നിന്ന് പുറത്താക്കപ്പെട്ടതിന്റെ നിരാശ മാഞ്ഞുപോയിരുന്നു. യൂറോപ്യന്‍ ചാമ്പ്യന്മാരുടെ പരിശീലകനായി ചെല്‍സിയുടെ തോമസ് ടുച്ചലിനെ ചരിത്രം രേഖപ്പെടുത്തിക്കഴിഞ്ഞു.

കഴിഞ്ഞ സീസണിലെ ചാമ്പ്യന്‍സ് ലീഗ് പരാജയവും ഫ്രഞ്ച് ലീഗിലെ ഇത്തവണത്തെ മോശം തുടക്കവുമാണ് പി.എസ്.ജി.യില്‍നിന്ന് ടുച്ചലിന്റെ പുറത്താകലിന് വഴിവെച്ചത്. നേടിക്കൊടുത്ത ആറ് കിരീടങ്ങള്‍ ടുച്ചലിന്റെ രക്ഷയ്‌ക്കെത്തിയില്ല. പ്രമുഖ താരങ്ങളുടെ പരിക്കും മാനേജ്മെന്റിന് പ്രശ്‌നമായില്ല.

അതിനുമുമ്പ് ജര്‍മന്‍ ക്ലബ്ബ് ബൊറൂസ്സിയ ഡോര്‍ട്മുണ്‍ഡില്‍നിന്നും ടുച്ചല്‍ പുറത്താക്കപ്പെടുകയായിരുന്നു. ഏതാണ്ട് 2000 കോടിയോളം രൂപ മുടക്കി കെയ് ഹാവെട്സ്, തിമോ വെര്‍ണര്‍, ബെന്‍ ചില്‍വില്‍, ഹക്കീം സിയെച്ച് എന്നിവരെ കൊണ്ടുവരുകയും തിയാഗോ സില്‍വ, എഡ്വാര്‍ഡോ മെന്‍ഡി എന്നിവരെ സ്വന്തമാക്കുകയും ചെയ്ത ചെല്‍സി ലീഗില്‍ ഫ്രാങ്ക് ലാംപാര്‍ഡിന് കീഴില്‍ തപ്പിത്തടയുമ്പോഴാണ് ടുച്ചല്‍ മാനേജ്മെന്റിന്റെ ശ്രദ്ധയില്‍ വന്നത്. ലാംപാര്‍ഡിനെ പുറത്താക്കി ജര്‍മന്‍ പരിശീലകനെ കൊണ്ടുവരാനുള്ള നീക്കം ടീമിനെ ചാമ്പ്യന്‍സ് ലീഗ് വിജയത്തിലെത്തിച്ചു.

മികച്ച താരങ്ങളുണ്ടായിട്ടും ഗെയിംപ്ലാനില്ലാതെ ഉഴറിയ ചെല്‍സിക്ക് ചട്ടക്കൂടുണ്ടാക്കല്‍ ടുച്ചലെന്ന പരിചയസമ്പന്നന് എളുപ്പമായിരുന്നു. ലാംപാര്‍ഡിന് കീഴില്‍ ഫോം നഷ്ടപ്പെട്ട അന്റോണിയോ റുഡിഗറും എന്‍ഗോളെ കാന്റെയുമെല്ലാം സ്വാഭാവികതയോടെ കളിക്കാന്‍ തുടങ്ങിയതോടെ ചെല്‍സി കരുത്തരായി.

ഫൈനലില്‍ മാഞ്ചെസ്റ്റര്‍ സിറ്റിക്കെതിരേ 3-5-2 എന്ന സ്ഥിരം ശൈലിയില്‍ കളിച്ച ടീം പ്രതിരോധത്തില്‍ കൂടുതല്‍ ശ്രദ്ധവെച്ചു. അതേസമയം മാസണ്‍ മൗണ്ട് - ഹാവെര്‍ട്സ് - തിമോ വെര്‍ണര്‍ എന്നിവരിലൂടെ അതിവേഗ പ്രത്യാക്രമണവും നടത്തി. കളം നിറഞ്ഞു കളിച്ച എന്‍ഗോളെ കാന്റെയായിരുന്നു വിജയത്തിലെ പ്രധാനി.

ആക്രമണത്തിലും പ്രതിരോധത്തിലും ഫ്രഞ്ച് താരം നിര്‍ണായകമായി. സെമിയിലേയും ഫൈനലിലേയും മികച്ച താരമായി.

സിറ്റി പരിശീലകന്‍ പെപ്പ് ഗാര്‍ഡിയോളയുടെ പിഴച്ചുപോയ തന്ത്രങ്ങളും ടുച്ചലിന് ഗുണകരമായി. ഡിഫന്‍സീവ് മിഡ്ഫീല്‍ഡറില്ലാതെ ആറു പേരെ ഒരേസമയം ആക്രമണത്തിന് ഉപകാരപ്പെടും വിധം ടീമിനെ ഒരുക്കിയ പെപ്പിന് ചെല്‍സിയുടെ അതിവേഗ ആക്രമണത്തിന് മറുപടിയുണ്ടായില്ല. ക്ലിനിക്കല്‍ സ്ട്രൈക്കര്‍ക്ക് അവസരം നല്‍കാതെ റഹീം സ്റ്റര്‍ലിങ്ങിനെ സെന്‍ട്രല്‍ സ്ട്രൈക്കറാക്കിയ നീക്കവും പാളി.

ജര്‍മന്‍ പരിശീലകനായി ടുച്ചലിന്റെ കീഴില്‍ ജര്‍മന്‍ താരങ്ങളായ റുഡിഗറും ഹാവെര്‍ട്സും ഫൈനലില്‍ തകര്‍ത്തുകളിച്ചു.

Content Highlights: Thomas Tuchel wins tactical battle for Chelsea Champions League title

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented