കോവിഡ് പശ്ചാത്തലത്തില്‍ ടീമിന് പരിശീലനത്തിനും മത്സര പരിചയത്തിനും അധികം സമയവും അവസരവും ലഭിച്ചിരുന്നില്ല. എന്നിട്ടും കിരീടം ഉയര്‍ത്താനായി. എന്താണ് ഗോകുലത്തിന് കിരീടം കിട്ടിയതിന്റെ രഹസ്യം
കഠിനാധ്വാനവും കളിക്കാരുടെ ഒത്തൊരുമയുമാണ് വിജയം കൊണ്ടുവന്നത്. കോഴിക്കോട്ടെ ക്യാമ്പ് കളിക്കാരെ ഒരു കുടുംബംപോലെ ഒരുമിപ്പിച്ചിരുന്നു. ശരിയായ താരങ്ങള്‍, ശരിയായ കളി, ശരിയായ പരിശീലനം ഇവ ഒത്തുചേര്‍ന്നപ്പോള്‍ ഗോകുലം ആരെയും തോല്‍പ്പിക്കുന്ന ടീമായി. എല്ലാ പൊസിഷനിലും മികച്ച കളിക്കാരെ അണിനിരത്താനായി. എതിരാളികളുടെ കളിക്കനുസരിച്ച് തന്ത്രങ്ങള്‍ മെനഞ്ഞു. മൊത്തം 33 ഗോളുകള്‍ നേടാനായതുതന്നെ ടീമിന്റെ മികവ് കാണിക്കുന്നു
ഏഷ്യന്‍ ക്ലബ്ബ് ചാമ്പ്യന്‍ഷിപ്പിലേക്ക് ടീം യോഗ്യത നേടിക്കഴിഞ്ഞു. എങ്ങനെയായിരിക്കും തയ്യാറെടുപ്പ്
ഏഷ്യയില്‍ മികവ് തെളിയിക്കാനുള്ള അവസരമാണ് ടീമിന് ലഭിച്ചിരിക്കുന്നത്. അതിനായി നന്നായി തയ്യാറെടുപ്പ് നടത്തും. വിദേശത്ത് പരിശീലനം നടത്താന്‍ ആലോചനയുണ്ട്. വിദേശത്ത് ടൂര്‍ണമെന്റുകള്‍ കളിക്കാനും പദ്ധതിയുണ്ട്.
ഇന്ത്യയില്‍ ഐ ലീഗിനേക്കാള്‍ ഐ.എസ്.എലിനാണ് കൂടുതല്‍ പ്രാധാന്യം ലഭിക്കുന്നത്. ഒറ്റ ഐ ലീഗ് താരം പോലും ദേശീയ ടീമിലേക്ക് പരിഗണിക്കപ്പെട്ടില്ല. എങ്ങനെ കാണുന്നു
വലിയ അനീതിയാണ് ഐ ലീഗ് താരങ്ങളോട് കാണിക്കുന്നത്. ഇന്ത്യന്‍ ടീമില്‍ കളിക്കാന്‍ കഴിവുള്ള താരങ്ങള്‍ ഐ ലീഗിലുണ്ട്. ഗോകുലത്തിന്റെ എമില്‍ ബെന്നി ദേശീയ ടീമില്‍ കളിക്കേണ്ട താരമാണ്. ചര്‍ച്ചില്‍ ബ്രദേഴ്സിന്റെ ബ്രൈസി മിറാന്‍ഡ, ഐ ലീഗിലെ ടോപ് സ്‌കോറര്‍ ട്രാവു സ്ട്രൈക്കര്‍ ബിദ്യാസാഗര്‍ സിങ് തുടങ്ങിയവരും ഇന്ത്യന്‍ ടീമില്‍ കളിക്കാന്‍ യോഗ്യതയുള്ളവരാണ്.
യു.എ.ഇക്കെതിരായ സൗഹൃദ മത്സരത്തില്‍ എതിരില്ലാത്ത ആറ് ഗോളുകള്‍ക്കാണ് ഇന്ത്യ തോല്‍വി വഴങ്ങിയത്. ഫുട്ബോളില്‍ ഇന്ത്യയുടെ നിലവാരം താഴുകയാണോ
ഇന്ത്യയുടെ തോല്‍വിയില്‍ വലിയ വേദന തോന്നി. കോച്ച് ഇഗോര്‍ സ്റ്റിമാച്ചിന്റെ തെറ്റായ തന്ത്രങ്ങളാണ് വന്‍തോല്‍വിക്കിടയാക്കിയത്. സ്റ്റീഫന്‍ കോണ്‍സ്‌റ്റൈന്റെ കീഴില്‍ നല്ല പ്രകടനങ്ങള്‍ ഇന്ത്യ നടത്തിയിട്ടുണ്ട്.
Content Highlights: There are people in the I-League who are qualified to play in the national team Vincenzo Alberto Annese
Also Watch
RELATED STORIES
.jpg?$p=c686dae&f=1x1&w=100&q=0.8)
.jpg?$p=212e2d6&f=1x1&w=100&q=0.8)
.jpg?$p=a80322e&f=1x1&w=100&q=0.8)
IN CASE YOU MISSED IT
.jpg?$p=79c0b37&f=1x1&w=100&q=0.8)
.png?$p=8676a2f&q=0.8&f=16x11&w=104)
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..