സ്‌റ്റേഡിയത്തിന്റെ മേല്‍ക്കൂര കുലുക്കി കടന്നുപോയ ആ ഷോട്ട്; കേരളത്തിന്റെ ടൈറ്റാനിയം കരുത്ത്


സതീഷ് മല്ലപ്പള്ളി

ചെന്നൈ എഗ്മോറിലെ മദ്രാസ് യൂണിവേഴ്‌സിറ്റി യൂണിയന്‍ ഇന്‍ഡോര്‍ സ്റ്റേഡിയത്തിന്റെ മേല്‍ക്കൂര കുലുക്കി കടന്നുപോയ ഡാനിക്കുട്ടി ഡേവിഡിന്റെ ഷോട്ട് സെബാസ്റ്റ്യന്‍ ജോര്‍ജിന്റെ ഓര്‍മയില്‍ ഇന്നുമുണ്ട്

സുവർണ നിമിഷം നാഷണൽ ഗെയിംസ് വോളി ചാമ്പ്യന്മാരായ 1985-ലെ കേരള ടീം. നിൽക്കുന്നവരിൽ ഇടത്തുനിന്ന് അഞ്ചാമത് ഡാനിക്കുട്ടി ഡേവിഡ്

പത്തനംതിട്ട: ചെന്നൈ എഗ്മോറിലെ മദ്രാസ് യൂണിവേഴ്‌സിറ്റി യൂണിയന്‍ ഇന്‍ഡോര്‍ സ്റ്റേഡിയത്തിന്റെ മേല്‍ക്കൂര കുലുക്കി കടന്നുപോയ ഡാനിക്കുട്ടി ഡേവിഡിന്റെ ഷോട്ട് സെബാസ്റ്റ്യന്‍ ജോര്‍ജിന്റെ ഓര്‍മയില്‍ ഇന്നുമുണ്ട്. 1982-ല്‍ ആതിഥേയരായ തമിഴ്‌നാടിനെതിരേ കേരളത്തിനായി കളത്തിലിറങ്ങിയതായിരുന്നു ഡാനി. വാംഅപ്പിന്റെ ഭാഗമായി അടിച്ച പന്ത് കുതിച്ചുയര്‍ന്ന് അവിടുത്തെ ട്യൂബ്ലൈറ്റ് തകര്‍ത്തു.

പ്രഹരശേഷി വെളിപ്പെടുത്തിയ ആ നിമിഷം മനസ്സില്‍നിന്ന് മായില്ലെന്ന് അന്ന് കോര്‍ട്ടില്‍ കൂടെയുണ്ടായിരുന്ന മുന്‍ താരം സെബാസ്റ്റ്യന്‍ ജോര്‍ജ് പറയുന്നു. അന്നത്തെ ആറടി മൂന്നിഞ്ചുകാരനാണ് ചൊവ്വാഴ്ച വിടപറഞ്ഞത്.

1979-ല്‍ തൃക്കാക്കര ഭാരത് മാതാ കോളേജ് മൈതാനത്ത് കേരള സര്‍വകലാശാല ടീം തിരഞ്ഞെടുപ്പിന് എത്തിയപ്പോഴാണ് സെബാസ്റ്റ്യന്‍ ഡാനിയെ ആദ്യമായി കാണുന്നത്. 1981-ല്‍ വാറങ്കലില്‍ ക്യാപ്റ്റന്‍ ഡാനിയുടെ മിന്നുന്ന പ്രകടനം കേരളത്തെ ഇന്റര്‍ യൂണിവേഴ്‌സിറ്റി വോളി ചാമ്പ്യന്മാരാക്കി. ഡല്‍ഹി ഏഷ്യാഡ് ട്രയല്‍ ഗെയിംസില്‍ സൗത്ത് ഇന്ത്യയെ പ്രതിനിധാനം ചെയ്തു.

സിറില്‍ സി. വള്ളൂരും ഉദയകുമാറും അബ്ദുള്‍ റസാക്കും ടൈറ്റാനിയം വിട്ട് റയില്‍വേയിലേക്ക് ചേക്കേറിയപ്പോള്‍ ഡാനിക്ക് അവിടെ ഇടം കിട്ടി. 1983-ലാണത്. പിന്നെ തിരിഞ്ഞുനോക്കിയില്ല. സ്ഥാപനത്തിനും സംസ്ഥാനത്തിനുമായി ദേശീയതലത്തിടക്കം നൂറ്റിയന്‍പതോളം മത്സരങ്ങളില്‍ കളിച്ചു. 1985-ല്‍ കേരളം ആദ്യമായി ദേശീയ ഗെയിംസ് വോളി ചാമ്പ്യന്മാരായപ്പോള്‍ ഡാനിക്കുട്ടിയായിരുന്നു കുന്തമുന. സിറിലും ഉദയനും റസാക്കും സെബാസ്റ്റ്യന്‍ ജോര്‍ജും ജോണ്‍സണ്‍ ജേക്കബും ടീമിലുണ്ട്. പോയന്റുകള്‍ ഉറപ്പിച്ച ഡാനിയുടെ സ്മാഷുകളാണ് കേരളത്തെ മുന്നിലെത്തിച്ചതെന്ന് സെബാസ്റ്റ്യന്‍ ഓര്‍ക്കുന്നു.

1981-1993 കാലത്ത് 11 ദേശീയ ചാമ്പ്യന്‍ഷിപ്പുകളില്‍ ഡാനി കേരളത്തിനായി കളിച്ചു. 1985-ല്‍ ക്യാപ്റ്റനായി ഡല്‍ഹിയില്‍ വെങ്കലവും ഫരീദാബാദിലും ഗുണ്ടൂരിലും (1983) മുംബൈയിലും (1992) വെള്ളിയും നേടി. 1993-ല്‍ ടൈറ്റാനിയം ഫെഡറേഷന്‍ കപ്പ് നേടിയപ്പോള്‍ മികച്ച കളിക്കാരനായി. 2020 മേയ് 30-ന് ടൈറ്റാനിയത്തില്‍ നിന്ന് ഡാനി വിരമിക്കുമ്പോഴും ഈ സൗഹൃദം തുടര്‍ന്നു. വര്‍ഷങ്ങളോളം ഒരുമിച്ച് കഴിഞ്ഞ തിരുവനന്തപുരത്തെ വാടകവീട്ടില്‍ വീണ്ടും കൂടാമെന്ന ആഗ്രഹം പൂര്‍ത്തിയാക്കാതെയാണ് ഡാനി മടങ്ങിയത് - സെബാസ്റ്റ്യന്‍ പറഞ്ഞു.

Content Highlights: sebastian george on Former Kerala volleyball captain Danikutty David who passed away on Tuesday


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022

Most Commented