പാകിസ്താന് ഇന്നിങ്‌സ് വിജയം; പരമ്പര സ്വന്തം


അവശേഷിച്ച ഒരു വിക്കറ്റ് വീഴ്ത്തി നാലാം ദിനം പാകിസ്താന്‍ വിജയമാഘോഷിക്കുകയായിരുന്നു

വിജയമാഘോഷിക്കുന്ന പാക് ക്രിക്കറ്റ് ടീം | Photo: Twitter|ZimCricketTV

ഹരാരെ: ഇന്നിങ്‌സിനും 147 റണ്‍സിനും സിംബാബ്‌വെയെ തോല്‍പ്പിച്ച് പാകിസ്താന്‍. ഫോളോ ഓണ്‍ ചെയ്ത സിംബാബ്‌വെയെ രണ്ടാം ഇന്നിങ്‌സില്‍ 231 റണ്‍സിന് പുറത്താക്കിയാണ് പാകിസ്താന്‍ വിജയമാഘോഷിച്ചത്. ഇതോടെ രണ്ടു ടെസ്റ്റുകളടങ്ങിയ പരമ്പര 2-0ത്തിന് പാകിസ്താന്‍ സ്വന്തമാക്കി.

അവശേഷിച്ച ഒരു വിക്കറ്റ് വീഴ്ത്തി നാലാം ദിനം പാകിസ്താന്‍ വിജയമാഘോഷിക്കുകയായിരുന്നു. 37 റണ്‍സ് നേടിയ ലൂക്ക് ജോംഗ്‌വെയെ പുറത്താക്കി അഫ്രീദി അഞ്ചു വിക്കറ്റ് നേട്ടം പൂര്‍ത്തിയാക്കി. 20 ഓവറില്‍ 52 റണ്‍സ് വിട്ടുകൊടുത്താണ് ഷഹീന്‍ അഞ്ചു വിക്കറ്റെടുത്തത്. 21 ഓവറില്‍ 86 റണ്‍സ് മാത്രം വഴങ്ങി അഞ്ച് വിക്കറ്റ് വീഴ്ത്തിയ നുഅ്മാന്‍ അലിയുടെ പ്രകടനവും സിംബാബ്‌വെയുടെ പതനത്തില്‍ നിര്‍ണായകമായി. ആബിദ് അലി മത്സരത്തിലെ താരമായും ഹസന്‍ അലി പരമ്പരയിലെ താരമായും തിരഞ്ഞെടുക്കപ്പെട്ടു.

ആദ്യ ഇന്നിങ്സ് എട്ടു വിക്കറ്റിന് 510 റണ്‍സ് എന്ന നിലയില്‍ ഡിക്ലയര്‍ ചെയ്ത പാകിസ്താന്‍ സിംബാബ്വെയെ 132 റണ്‍സിന് എറിഞ്ഞിട്ടു. തുടര്‍ന്ന് ഫോളോ ഓണ്‍ ചെയ്ത സിംബാബ്വെയ്ക്ക് രണ്ടാം ഇന്നിങ്സിലും പിടിച്ചുനില്‍ക്കാനായില്ല. 80 റണ്‍സെടുത്ത റെഗിസ് ചകാബ്വയും 49 റണ്‍സ് നേടിയ ബ്രണ്ടന്‍ ടെയ്ലറുമാണ് അല്‍പമെങ്കിലും പിടിച്ചുനിന്നത്.

നേരത്തെ ആദ്യ ഇന്നിങ്സില്‍ ഇരട്ട സെഞ്ചുറി നേടിയ ആബിദ് അലിയും 126 റണ്‍സെടുത്ത അസ്ഹര്‍ അലിയും ചേര്‍ന്ന് പാകിസ്താന് കൂറ്റന്‍ സ്‌കോര്‍ സമ്മാനിക്കുകയായിരുന്നു. നുഅ്മാന്‍ അലി 97 റണ്‍സെടുത്ത് ഇരുവര്‍ക്കും പിന്തുണ നല്‍കി. 104 പന്തില്‍ നിന്നായിരുന്നു നുഅ്മാന്‍ അലിയുടെ 97 റണ്‍സ്.

ഈ കൂറ്റന്‍ ലക്ഷ്യം പിന്തുടര്‍ന്ന സിംബാബ്വെ ഒന്നാമിന്നിങ്സില്‍ തകരുന്ന കാഴ്ച്ചയാണ് ഹരാരെയില്‍ കണ്ടത്. അഞ്ചു വിക്കറ്റെടുത്ത ഹസ്സന്‍ അലിയാണ് ആതിഥേയരുടെ കൂട്ടത്തകര്‍ച്ചയ്ക്ക് മരുന്നിട്ടത്. രണ്ട് വിക്കറ്റുമായി സാജിദ് ഖാനും ഓരോ വിക്കറ്റ് വീതം വീഴ്ത്തി ഷഹീന്‍ അഫ്രീദിയും തബീഷ് ഖാനും ഹസന്‍ അലിയോടൊപ്പം ചേര്‍ന്നു.

Content Highlights: Zimbabwe vs Pakistan Test Cricket


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

22:40

എന്റെ റൂംമേറ്റാണ് ഐഎഎസും ഐപിഎസും എന്താണെന്നെന്നെ പഠിപ്പിച്ചത് - കളക്ടർ കൃഷ്ണ തേജ | Interview Part 1

Sep 28, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented