അക്കാര്യത്തില്‍ ദാദയും ധോനിയും ഒരേപോലെ; സാമ്യതകള്‍ ചൂണ്ടിക്കാണിച്ച് സഹീര്‍


ടീമിലെത്തുന്ന യുവതാരങ്ങള്‍ക്ക് പിന്തുണ നല്‍കുന്ന കാര്യത്തില്‍ ഇരുവരുടെയും സമീപനം ഒന്നുതന്നെയായിരുന്നുവെന്ന് സഹീര്‍ ചൂണ്ടിക്കാട്ടി

Image Courtesy:

മുംബൈ: ഇന്ത്യന്‍ ക്യാപ്റ്റന്‍മാരായ സൗരവ് ഗാംഗുലിയുടെയും എം.എസ് ധോനിയുടെയും കീഴില്‍ ഇന്ത്യന്‍ ടീമില്‍ കളിച്ച താരമാണ് സഹീര്‍ ഖാന്‍.

ഇപ്പോഴിതാ ഇരുവരുടെയും ക്യാപ്റ്റന്‍സിയിലെ സാമ്യതകള്‍ ചൂണ്ടിക്കാണിച്ച് രംഗത്തെത്തിയിരിക്കുകയാണ് താരം. ടീമിലെത്തുന്ന യുവതാരങ്ങള്‍ക്ക് പിന്തുണ നല്‍കുന്ന കാര്യത്തില്‍ ഇരുവരുടെയും സമീപനം ഒന്നുതന്നെയായിരുന്നുവെന്ന് സഹീര്‍ ചൂണ്ടിക്കാട്ടി. ഒരു യൂട്യൂബ് ചാറ്റ് ഷോയില്‍ സംസാരിക്കവെയാണ് സഹീര്‍ ഇക്കാര്യം പറഞ്ഞത്.



''അതാണ് (ഗാംഗുലിയില്‍ നിന്നുള്ള പിന്തുണ) കരിയറിന്റെ തുടക്കത്തില്‍ നിങ്ങള്‍ക്ക് വേണ്ടത്. അന്താരാഷ്ട്ര തലത്തില്‍ കളിയാരംഭിക്കുമ്പോള്‍ നിങ്ങള്‍ക്ക് എല്ലാ പിന്തുണയും ആവശ്യമാണ്. നിങ്ങളുടെ കരിയര്‍ എങ്ങനെ രൂപപ്പെടുന്നു എന്നത് ആ പിന്തുണയെ ആശ്രയിച്ചിരിക്കും. പ്രാരംഭ ഘട്ടത്തിലെ ആ പിന്തുണ അങ്ങേയറ്റം പ്രാധാന്യമുള്ളതാണ്'', സഹീര്‍ ചൂണ്ടിക്കാട്ടി.

ഇത്തരത്തില്‍ ഗാംഗുലി പ്രവര്‍ത്തിച്ചതു പോലെ തന്നെയായിരുന്നു ധോനിയും യുവ കളിക്കാരുടെ കാര്യത്തില്‍ പ്രവര്‍ത്തിച്ചതെന്നും സഹീര്‍ പറഞ്ഞു.

''എം.എസ് നേതൃത്വത്തിലേക്ക് വരുമ്പോള്‍ ടീമില്‍ പരിചയസമ്പന്നരായ ധാരാളം കളിക്കാര്‍ ഉണ്ടായിരുന്നു. എന്നാല്‍ അവരെല്ലാം വിരമിക്കാന്‍ തുടങ്ങിയതോടെ പുതിയ താരങ്ങളെ വളര്‍ത്തിക്കൊണ്ടുവരാന്‍ ധോനി തയ്യാറായി. ഇക്കാര്യത്തില്‍ ദാദയുടെ അതേ റോള്‍ തന്നെയായിരുന്നു എം.എസിനും. ടീമിനെ മുന്നോട്ടുനയിക്കാന്‍ ഒരു നായകനുവേണ്ട ഗുണമാണത്'', സഹീര്‍ ചൂണ്ടിക്കാട്ടി.

ഇന്ത്യന്‍ ക്രിക്കറ്റില്‍ ഓരോ ദശകത്തിലും ക്യാപ്റ്റന്‍മാര്‍ അടുത്തയാള്‍ക്ക് ബാറ്റണ്‍ കൈമാറുകയും ബാറ്റണ്‍ ലഭിച്ചയാള്‍ ടീമിനെ മറ്റൊതു തലത്തിലേക്ക് ഉയര്‍ത്തുന്നതുമാണ് കാണാന്‍ സാധിക്കുന്നതെന്നും അദ്ദേഹം അഭിപ്രായപ്പെട്ടു.

Content Highlights: Zaheer Khan explains similarities between Sourav Ganguly and MS Dhoni


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022


Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022


സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022

Most Commented