'കോലി-രോഹിത് കൂട്ടുകെട്ട് പൊളിക്കാന്‍ ആരോണ്‍ ഫിഞ്ച് എന്നെ സമീപിച്ചു'; അമ്പയറുടെ വെളിപ്പെടുത്തല്‍


വിസ്ഡന്‍ ക്രിക്കറ്റിന് നല്‍കിയ അഭിമുഖത്തിലാണ് ഇംഗ്ലീഷ് അമ്പയര്‍ മൈക്കല്‍ ഗൗഫ് ഇക്കാര്യം തുറന്നുപറഞ്ഞത്

-

ലണ്ടൻ: ഇന്ത്യയും ഓസ്ട്രേലിയയും തമ്മിലുള്ള ഏകദിനത്തിനിടെ രോഹിത് ശർമയും വിരാട് കോലിയും ചേർന്ന കൂട്ടുകെട്ട് പൊളിക്കാൻ ഓസീസ് ക്യാപ്റ്റൻ ആരോൺ ഫിഞ്ച് തന്നെ സമീപിച്ചിരുന്നതായി അമ്പയർ മൈക്കൽ ഗൗഫിന്റെ വെളിപ്പെടുത്തൽ. വിസ്ഡൻ ക്രിക്കറ്റിന് നൽകിയ അഭിമുഖത്തിലാണ് ഇംഗ്ലീഷ് അമ്പയർ ഇക്കാര്യം തുറന്നുപറഞ്ഞത്.

'ഇന്ത്യയും ഓസ്ട്രേലിയയും തമ്മിൽ നടന്ന ഒരു മത്സരം എനിക്കോർമയുണ്ട്. അന്ന് കോലിയും രോഹിതും വലിയ കൂട്ടുകെട്ടിലേക്ക് നീങ്ങുകയാണ്. സ്ക്വയർ ലെഗ്ഗിൽ നിൽക്കുകയായിരുന്ന എന്റെ തൊട്ടടുത്താണ് ഫിഞ്ച് ഫീൽഡ് ചെയ്തിരുന്നത്. ഈ രണ്ട് ഇതിഹാസതാരങ്ങളുടെ ബാറ്റിങ് അവിശ്വസനീയതയോട് കൂടി മാത്രമേ വീക്ഷിക്കാനാകൂ എന്ന് ഫിഞ്ച് എന്നോട് പറഞ്ഞു. അടുത്തതായി ഇവർക്കെതിരേ എങ്ങനെ പന്ത് എറിയണം എന്നായി ഫിഞ്ചിന്റെ ചോദ്യം. ഞാൻ അദ്ദേഹത്തെ നോക്കിയിട്ട് പറഞ്ഞു എനിക്ക് ഇവിടെ ആവശ്യത്തിലധികം ജോലിയുണ്ട്. താങ്കളുടെ ജോലി താങ്ങൾ തന്നെ നോക്കിയാൽ മതി.' മൈക്കൽ ഗൗഫ് വിശദീകരിക്കുന്നു.

ആ മത്സരം ഏതാണെന്ന് ഗൗഫ് വ്യക്തമാക്കിയില്ല. ഈ വർഷം ജനുവരിയിൽ ബെംഗളൂരുവിൽ നടന്ന മൂന്നാം ഏകദിനം ആകാനാണ് സാധ്യത. അന്ന് 286 റൺസ് വിജയലക്ഷ്യം പിന്തുടർന്ന ഇന്ത്യക്കായി രണ്ടാം വിക്കറ്റിൽ രോഹിതും കോലിയും 137 റൺസ് കൂട്ടുകെട്ടുണ്ടാക്കിയിരുന്നു. കോലി 89 റൺസും രോഹിത് 119 റൺസും മത്സരത്തിൽ കണ്ടെത്തി. ഇന്ത്യ ഏഴു വിക്കറ്റിന് വിജയിക്കുകയും പരമ്പര 2-1ന് സ്വന്തമാക്കുകയും ചെയ്തു.

2019,2020 വർഷങ്ങളിലെ ഇന്ത്യ-ഓസ്ട്രേലിയ പരമ്പരകൾ ഉൾപ്പെടെ 62 രാജ്യാന്തര മത്സരങ്ങൾ നിയന്ത്രിച്ചിട്ടുള്ള ഐ.സി.സി അമ്പയറാണ് മൈക്കൽ ഗൗഫ്.

Content Highlights: When Aaron Finch sought advice from umpire Michael Gough to break Kohli Rohit partnership


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented