കട്ടക്കില്‍ തിളങ്ങില്ലെന്ന കേടുതീര്‍ത്തു; റണ്‍വേട്ടയില്‍ കാലിസിനെയും മറികടന്ന് കോലി


പരമ്പരയില്‍ ആദ്യമായി ഫോമിലേക്കുയര്‍ന്ന കോലിയുടെ മികവിലാണ് മൂന്നാം ഏകദിനത്തില്‍ വിന്‍ഡീസിനെ നാലു വിക്കറ്റിനു തോല്‍പ്പിച്ച് ഇന്ത്യ ജയവും പരമ്പരയും സ്വന്തമാക്കിയത്

കട്ടക്ക്: കട്ടക്കില്‍ ഇതിനുമുമ്പ് കളിച്ച നാല് ഏകദിന മത്സരങ്ങളില്‍ നിന്ന് ഇന്ത്യന്‍ ക്യാപ്റ്റന്‍ വിരാട് നേടിയത് വെറും 34 റണ്‍സ് മാത്രമാണ്. ആ പേരുദോഷമെല്ലാം ഞായറാഴ്ചത്തെ ഒരൊറ്റ മത്സരം കൊണ്ട് കോലി തീര്‍ത്തു.

31, 22, 1, 8 എന്നിങ്ങനെയായിരുന്നു ഞായറാഴ്ചത്തെ ഇന്നിങ്‌സിനു മുമ്പ് കട്ടക്കിലെ അവസാന നാല് ഏകദിനങ്ങളിലെ കോലിയുടെ സ്‌കോറുകള്‍. ഇതുവരെ നേരിട്ടിരുന്നത് വെറും 33 പന്തുകള്‍ മാത്രവും. ഇതെല്ലാം ഒറൊറ്റ ഇന്നിങ്‌സോടെ കോലി മായ്ച്ചുകളഞ്ഞു.

പരമ്പരയില്‍ ആദ്യമായി ഫോമിലേക്കുയര്‍ന്ന കോലിയുടെ മികവിലാണ് മൂന്നാം ഏകദിനത്തില്‍ വിന്‍ഡീസിനെ നാലു വിക്കറ്റിനു തോല്‍പ്പിച്ച് ഇന്ത്യ ജയവും പരമ്പരയും സ്വന്തമാക്കിയത്. 81 പന്തില്‍ നിന്ന് ഒമ്പത് ബൗണ്ടറികളോടെ കോലി 85 റണ്‍സെടുത്തു.

കട്ടക്കിലെ ഇന്നിങ്‌സോടെ ഏകദിന റണ്‍നേട്ടത്തില്‍ മുന്‍ ദക്ഷിണാഫ്രിക്കന്‍ ഓള്‍റൗണ്ടര്‍ ജാക്ക് കാലിസിനെ മറികടന്ന് റണ്‍വേട്ടക്കാരുടെ പട്ടികയില്‍ ഏഴാം സ്ഥാനത്തെത്താനും കോലിക്കായി. ഞായറാഴ്ചത്തെ ഇന്നിങ്‌സോടെ ഏകദിനത്തില്‍ കോലിയുടെ അക്കൗണ്ടില്‍ 11,609 റണ്‍സായി. 11,579 റണ്‍സോടെ കാലിസായിരുന്നു നിലവില്‍ ഏഴാം സ്ഥാനത്ത്. ലിസ്റ്റ് എയില്‍ 13000 റണ്‍സെന്ന നേട്ടവും കോലിക്ക് കൈവന്നു.

ഇന്‍സമാം ഉള്‍ ഹഖ് (11739), മഹേള ജയവര്‍ധനെ (12650), സനത് ജയസൂര്യ (13430), റിക്കി പോണ്ടിങ് (13704), കുമാര്‍ സംഗക്കാര (14234), സച്ചിന്‍ തെണ്ടുല്‍ക്കര്‍ (18326) എന്നിവരാണ് ഇപ്പോള്‍ കോലിക്ക് മുന്നിലുള്ളത്.

അതേസമയം കട്ടക്കിലെ മികച്ച പ്രകടനത്തോടെ ഈ കലണ്ടര്‍ വര്‍ഷം രാജ്യാന്തര ക്രിക്കറ്റില്‍ ഏറ്റവും കൂടുതല്‍ റണ്‍സ് നേടിയ താരമെന്ന നേട്ടവും കോലി സ്വന്തമാക്കി. തുടര്‍ച്ചയായ നാലാം വര്‍ഷമാണ് കോലി ഈ നേട്ടം സ്വന്തമാക്കുന്നത്. റണ്‍വേട്ടയില്‍ വൈസ് ക്യാപ്റ്റന്‍ രോഹിത് ശര്‍മയെ പിന്നിലാക്കിയാണ് കോലി ഇത്തവണ ഈ നേട്ടം സ്വന്തമാക്കിയത്.

Content Highlights: Virat Kohli pass Jacques Kallis to become 7th highest run getter in ODI history


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022

Most Commented