ഇംഗ്ലണ്ടിനെതിരായ നാലാം ടെസ്റ്റിലൂടെ കോലി നോട്ടമിടുന്നത് നിരവധി റെക്കോഡുകള്‍


മത്സരത്തില്‍ 17 റണ്‍സെടുത്താല്‍ ക്യാപ്റ്റന്‍ എന്ന നിലയില്‍ ടെസ്റ്റ് ക്രിക്കറ്റില്‍ 12000 റണ്‍സ് തികയ്ക്കുന്ന ആദ്യ ഇന്ത്യന്‍ ബാറ്റ്‌സ്മാന്‍ എന്ന റെക്കോഡും കോലിയ്ക്ക് സ്വന്തമാകും.

Photo: www.twitter.com

അഹമ്മദാബാദ്: മാര്‍ച്ച് 4 ന് ആരംഭിക്കുന്ന ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റിലൂടെ നിരവധി റെക്കോഡുകള്‍ സ്വന്തമാക്കാനൊരുങ്ങി ഇന്ത്യന്‍ നായകന്‍ വിരാട് കോലി. ഈ മത്സരത്തില്‍ ഇന്ത്യയെ നയിച്ചാല്‍ ക്യാപ്റ്റന്‍ എന്ന നിലയില്‍ കോലി 60 മത്സരങ്ങള്‍ പിന്നിടും.

ഇതോടെ ഏറ്റവുമധികം മത്സരങ്ങളില്‍ ഇന്ത്യയെ നയിച്ച നായകന്‍ എന്ന ധോനിയുടെ റെക്കോഡിനൊപ്പം കോലിയ്ക്ക് എത്താം. അതോടൊപ്പം മത്സരത്തില്‍ 17 റണ്‍സെടുത്താല്‍ ക്യാപ്റ്റന്‍ എന്ന നിലയില്‍ ടെസ്റ്റ് ക്രിക്കറ്റില്‍ 12000 റണ്‍സ് തികയ്ക്കുന്ന ആദ്യ ഇന്ത്യന്‍ ബാറ്റ്‌സ്മാന്‍ എന്ന റെക്കോഡും കോലിയ്ക്ക് സ്വന്തമാകും.

ലോകത്ത് ഈ നേട്ടം കൈവരിച്ച രണ്ടേ രണ്ട് താരങ്ങളേയുള്ളൂ. മുന്‍ ഓസീസ് നായകന്‍ റിക്കി പോണ്ടിങ്ങും മുന്‍ സൗത്ത് ആഫ്രിക്കന്‍ നായകന്‍ ഗ്രേയം സ്മിത്തും. നായകനെന്ന നിലയില്‍ പോണ്ടിങ് 15440 റണ്‍സും സ്മിത്ത് 14878 റണ്‍സും നേടിയിട്ടുണ്ട്.

നാലാം ടെസ്റ്റില്‍ ഒരു സെഞ്ചുറി നേടാനായാല്‍ കോലിയ്ക്ക് റിക്കി പോണ്ടിങ്ങിനെ മറികടന്ന് നായകനായിരിക്കേ ഏറ്റവുമധികം സെഞ്ചുറികള്‍ നേടിയ താരം എന്ന റെക്കോഡ് സ്വന്തമാക്കാം. നിലവില്‍ കോലിയ്ക്കും പോണ്ടിങ്ങിനും 41 സെഞ്ചുറികള്‍ വീതമുണ്ട്. 2019-ലാണ് കോലി അവസാനമായി ടെസ്റ്റില്‍ ഒരു സെഞ്ചുറി നേടിയത്.

നാലാം ടെസ്റ്റില്‍ വിജയിക്കുകയോ സമനില നേടുകയോ ചെയ്താല്‍ ഇന്ത്യയ്ക്ക് ലോകടെസ്റ്റ് ചാമ്പ്യന്‍ഷിപ്പിന്റെ ഫൈനലില്‍ പ്രവേശിക്കാനാകും.

Content Highlights: Virat Kohli On The Verge Of Breaking Several Captaincy Records In 4th Test


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented