ജൂലന്‍ ഗോസ്വാമിയുടെ പന്തില്‍ രാഹുലിന്റെ കവര്‍ഡ്രൈവ്, വൈറലായി വീഡിയോ


അപൂര്‍വ മുഹൂര്‍ത്തത്തിന് വേദിയായിരിക്കുകയാണ് ബെംഗളൂരുവിലെ ദേശീയ ക്രിക്കറ്റ് അക്കാദമി. 

ജൂലൻ ഗോസ്വാമി, കെ.എൽ.രാഹുൽ

ബെംഗളൂരു: കെ.എല്‍.രാഹുലും ജൂലന്‍ ഗോസ്വാമിയും ഇന്ത്യന്‍ ക്രിക്കറ്റ് ടീമിന്റെ അവിഭാജ്യഘടകങ്ങളാണ്. രാഹുല്‍ പുരുഷക്രിക്കറ്റില്‍ തകര്‍പ്പന്‍ ഫോമില്‍ കളിക്കുമ്പോള്‍ ജൂലന്‍ വനിതാക്രിക്കറ്റിലെ ഇന്ത്യയുടെ എക്കാലത്തെയും മികച്ച ബൗളറാണ്. ഇരുവരും ഒന്നിച്ച് ഒരു ഗ്രൗണ്ടിലിറങ്ങിയാലോ? അത്തരത്തിലൊരു അപൂര്‍വ മുഹൂര്‍ത്തത്തിന് വേദിയായിരിക്കുകയാണ് ബെംഗളൂരുവിലെ ദേശീയ ക്രിക്കറ്റ് അക്കാദമി.

ഇരുതാരങ്ങളും പരിശീലനത്തിനായും ഫിറ്റ്‌നസ് തെളിയിക്കുന്നതിനായും ക്രിക്കറ്റ് അക്കാദമിയില്‍ കുറച്ചുദിവസങ്ങളായി കഠിനപരിശീലനത്തിലാണ്. പരിശീലനത്തിനിടെ അപൂര്‍വമായ ഒരു കാഴ്ചയ്ക്ക് ക്രിക്കറ്റ് അക്കാദമിയിലെ നെറ്റ്‌സ് സാക്ഷ്യം വഹിച്ചു. ജൂലന്‍ ഗോസ്വാമിയുടെ അതിവേഗ പന്തുകളെ രാഹുല്‍ നേരിടുന്നു. ഈ രംഗം ഒരു ആരാധകന്‍ മൊബൈലില്‍ പകര്‍ത്തുകയും ചെയ്തു.

ജൂലന്റെ അതിവേഗ പന്തുകളെ രാഹുല്‍ നന്നായി തന്നെ നേരിട്ടു. ജൂലന്‍ രണ്ട് പന്തുകളെറിയുന്നതാണ് വീഡിയോയിലുള്ളത്. ആദ്യ പന്തില്‍ രാഹുല്‍ കവര്‍ ഡ്രൈവ് ഷോട്ട് കളിച്ചപ്പോള്‍ രണ്ടാം പന്തില്‍ താരം ബാക്ക് ഫൂട്ടില്‍ നിന്ന് കട്ട് ഷോട്ട് കളിച്ചു. ഈ വീഡിയോ ചുരുങ്ങിയ നിമിഷം കൊണ്ടുതന്നെ വൈറലായി.

ഐ.പി.എല്ലിന് ശേഷം ഹെര്‍ണിയ രോഗത്തിന്റെ പിടിയിലായ രാഹുല്‍ ജര്‍മനിയില്‍ ശസ്ത്രക്രിയ നടത്തിയശേഷം വീണ്ടും കളിക്കളത്തിലേക്ക് തിരിച്ചുവരികയാണ്. ഫിറ്റ്‌നെസ് വീണ്ടെടുത്ത് ഇന്ത്യന്‍ ടീമില്‍ ഇടം നേടാനായാണ് താരം പരിശീലനത്തില്‍ ഏര്‍പ്പെട്ടത്.

ജൂലന്‍ ഫിറ്റ്‌നെസ് തെളിയിക്കുന്നതിനായാണ് അക്കാദമിയിലെത്തിയത്. 2022 കോമണ്‍വെല്‍ത്ത് ഗെയിംസിനായുള്ള വനിതാ ക്രിക്കറ്റ് ടീമില്‍ ജൂലന്‍ ഇടം നേടിയിട്ടില്ല. കോമണ്‍വെല്‍ത്തില്‍ ട്വന്റി 20 മത്സരങ്ങളാണ് നടക്കുന്നത്. ട്വന്റി 20 ഫോര്‍മാറ്റില്‍ നിന്ന് ജൂലന്‍ നാലുവര്‍ഷം മുന്‍പ് വിരമിച്ചിരുന്നു.

Content Highlights: jhulan goswami, kl rahul, cricket news, viral video, julan goswami, rahul batting, indian team

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022


shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022

Most Commented