ബി.സി.സി.ഐയുടെ അണ്ടര്‍-19 വനിതാ ക്രിക്കറ്റില്‍ കേരളത്തിനെതിരെ നാഗാലാന്‍ഡിന്റെ കളി കണ്ടാല്‍ ഗോഡ്ഫാദറില്‍ ജഗദീഷിനോട് ഇന്നസെന്റ് ചോദിക്കുന്നതു പോലെ നമ്മള്‍ ചോദിച്ചു പോകും...' നീയൊക്കെ എന്തിനാ ക്രിക്കറ്റ് കളിക്കുന്നത് ന്ന്? അത്രയും പരിതാപകരവും നാണക്കേടുണ്ടാക്കുന്നതുമായിരുന്നു നാഗാലാന്‍ഡിന്റെ ബാറ്റിങ്. പാടത്തും പറമ്പിലും കളിക്കുന്ന കുഞ്ഞു കുട്ടികള്‍ വരെ അതിനേക്കാള്‍ മികച്ച രീതിയില്‍ ബാറ്റുചെയ്യും.
ഇന്നിങ്‌സിലാകെ 102 പന്ത് നേരിട്ട നാഗാലാന്‍ഡിന് ഒരൊറ്റ പന്തില്‍ മാത്രമാണ് റണ്‍ കണ്ടെത്താന്‍ കഴിഞ്ഞത്. ബാക്കി 101 പന്തിലും ഒന്നും ചെയ്യാനാകാതെ നാഗാലാന്‍ഡ് താരങ്ങള്‍ മിഴിച്ചുനിന്നു. ഒരു സിംഗിളും ഒരു എക്‌സ്ട്രാ റണ്ണും കിട്ടിയിരുന്നില്ലെങ്കില്‍ നാഗാലാന്‍ഡിന്റെ സ്‌കോര്‍ ബോര്‍ഡ് വട്ടപ്പൂജ്യമാകുമായിരുന്നു.
ആ ഒരൊറ്റ റണ്‍ തന്നെ ഭാഗ്യം കൊണ്ടാണ് നാഗാലാന്‍ഡിന് കിട്ടിയത്. കേരളത്തിന്റെ ബൗളര്‍ അലീനയുടെ പന്ത് ഓഫ് സൈഡിലേക്ക് അടിച്ച് ഓപ്പണാറായ മേനക സിംഗിളെടുക്കുകയായിരുന്നു. പിന്നീട് അലീന ഒരു വൈഡെറിഞ്ഞ് എക്‌സ്ട്രാ റണ്‍ സംഭാവനെ ചെയ്തു. അതോടെ കൂടി ആറു ഓവറിനുള്ളില്‍ നാഗാലാന്‍ഡ് സ്‌കോര്‍ ബോര്‍ഡിന്റെ ചലനം നിലച്ചു.
ഈ ലോകറെക്കോഡ് തിരുത്തിയ വിജയത്തിന് പിന്നില്‍ ബൗളര്‍മാരാണെന്നാണ് കേരളത്തിന്റെ പരിശീലക സുമന്‍ ശര്‍മ്മ പറയുന്നത്. അച്ചടക്കത്തോടെയുള്ള ബൗളിങ്ങും ഫീല്‍ഡര്‍മാരുടെ മികവുമാണ് കേരളത്തിന്റെ അദ്ഭുത വിജയത്തിന് പിന്നിലെന്ന് സുമന്‍ ശര്‍മ്മ മാതൃഭൂമി ഡോട്ട് കോമിനോട് പറഞ്ഞു.
ഫസ്റ്റ് ക്ലാസ് ക്രിക്കറ്റിലെ ഏറ്റവും കുറഞ്ഞ ടീം സ്‌കോറാണ് നാഗാലാന്‍ഡ് നേടിയ രണ്ടു റണ്‍സ്. 1810ല്‍ ഇംഗ്ലണ്ടിലെ ഓള്‍ഡ് ലോര്‍ഡ്‌സില്‍ ദ ബിഎസ് ടീം ഓള്‍ ഇംഗ്ലണ്ട് ടീമിനെതിരെ നേടിയ ആറു റണ്‍സായിരുന്നു ഇതുവരെയുള്ള റെക്കോഡ്. നേരത്തെ അണ്ടര്‍-19 ലീഗില്‍ നാഗാലാന്‍ഡും മണിപ്പൂരും തമ്മിലുള്ള മത്സരത്തില്‍ 136 വൈഡുകള്‍ എറിഞ്ഞതും വാര്‍ത്തയായിരുന്നു.
RELATED STORIES
.jpg?$p=85b4690&f=1x1&w=100&q=0.8)
IN CASE YOU MISSED IT
.jpg?$p=a80322e&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=430c1f1&f=1x1&w=100&q=0.8)
.jpg?$p=1990e2a&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..