ടൂര്‍ണമെന്റിന്റെ താരമായി തിരിച്ചെത്തി, ബാഗ് തുറന്നപ്പോള്‍ കണ്ടത് രണ്ടായി മുറിഞ്ഞ ട്രോഫി


അണ്ടര്‍ 19 ലോകകപ്പിന്റെ ചരിത്രത്തില്‍ ഒരു പതിപ്പില്‍ അഞ്ചോ അതിലധികമോ തവണ 50-ന് മുകളില്‍ സ്‌കോര്‍ ചെയ്യുന്ന മൂന്നാമത്തെ മാത്രം താരവും യശസ്വിയാണ്

Image Courtesy: Twitter

മുംബൈ: അണ്ടര്‍ 19 ലോകകപ്പ് ഫൈനലില്‍ ബംഗ്ലാദേശിനോട് അപ്രതീക്ഷിത തോല്‍വിയേറ്റുവാങ്ങേണ്ടി വന്നെങ്കിലും ടൂര്‍ണമെന്റിന്റെ താരമായി തിരഞ്ഞെടുക്കപ്പെട്ടത് ഇന്ത്യന്‍ താരം യശസ്വി ജയ്‌സ്വാളായിരുന്നു.

ലോകകപ്പില്‍ കളിച്ച ആറ് ഇന്നിങ്‌സുകളില്‍ നിന്ന് 133.33 ശരാശരിയില്‍ 400 റണ്‍സാണ് ജയ്‌സ്വാള്‍ അടിച്ചെടുത്തത്. നാല് അര്‍ധ സെഞ്ചുറിയും പാകിസ്താനെതിരായ സെമിയിലെ സെഞ്ചുറിയുമടക്കമായിരുന്നു ഈ നേട്ടം.

ഈ ലോകകപ്പിലെ ആറ് ഇന്നിങ്സുകളില്‍ അഞ്ചിലും യശസ്വി 50-ന് മുകളില്‍ സ്‌കോര്‍ ചെയ്തു. അണ്ടര്‍ 19 ലോകകപ്പിന്റെ ചരിത്രത്തില്‍ ഒരു പതിപ്പില്‍ അഞ്ചോ അതിലധികമോ തവണ 50-ന് മുകളില്‍ സ്‌കോര്‍ ചെയ്യുന്ന മൂന്നാമത്തെ താരവും യശസ്വിയാണ്.

ദക്ഷിണാഫ്രിക്കയില്‍ നടന്ന ടൂര്‍ണമെന്റ് കഴിഞ്ഞ നാട്ടിലെത്തി ലഗേജ് പരിശോധിച്ച ജയ്‌സ്വാള്‍ കണ്ടത് തനിക്ക് ലഭിച്ച മാന്‍ ഓഫ് ദ ടൂര്‍ണമെന്റ് ട്രോഫി രണ്ടായി മുറിഞ്ഞിരിക്കുന്നതാണ്. എക്കാലും നിധി പോലെ കാത്തുസൂക്ഷിക്കേണ്ട ട്രോഫി രണ്ടായി മുറിഞ്ഞത് പക്ഷേ ജയ്‌സ്വാളിനെ അസ്വസ്ഥനാക്കിയിട്ടൊന്നും ഇല്ലെന്ന് താരത്തിന്റെ കോച്ച് പറഞ്ഞു.

മുന്‍ ദക്ഷിണാഫ്രിക്കന്‍ പേസ് ബൗളര്‍ മഖായ എന്‍ടിനിയാണ് ജയ്‌സ്വാളിന് മാന്‍ ഓഫ് ദ ടൂര്‍ണമെന്റ് പുരസ്‌കാരം സമ്മാനിച്ചത്.

Content Highlights: U19 star Yashasvi Jaiswal’s man of the tournament trophy breaks into two pieces


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented