സൂപ്പര്‍നോവാസിന്റെ ഹാട്രിക് സ്വപ്‌നം തകര്‍ത്തു; കന്നിക്കിരീടത്തില്‍ മുത്തമിട്ട് ട്രെയില്‍ബ്ലെയ്‌സേഴ്


ഹാട്രിക്ക് കിരീടം ലക്ഷ്യമിട്ടെത്തിയ സൂപ്പര്‍നോവാസിനെ 16 റണ്‍സിന് തകര്‍ത്താണ് ട്രെയില്‍ബ്ലെയ്‌സേഴ്‌സ് കന്നിക്കിരീടം സ്വന്തമാക്കിയത്

വനിതാ ട്വന്റി20 ചലഞ്ച് കിരീടം നേടിയ ട്രെയിൽബ്ലെയ്‌സേഴ്‌സ് ടീം | Photo: iplt20.com

ഷാര്‍ജ: വനിതാ ട്വന്റി20 ചലഞ്ച് ഫൈനലില്‍ സൂപ്പര്‍നോവാസിനെ അട്ടിമറിച്ച് ട്രെയില്‍ബ്ലെയ്‌സേഴ്‌സിന് കിരീടം. ഹാട്രിക്ക് കിരീടം ലക്ഷ്യമിട്ടെത്തിയ സൂപ്പര്‍നോവാസിനെ 16 റണ്‍സിന് തകര്‍ത്താണ് ട്രെയില്‍ബ്ലെയ്‌സേഴ്‌സ് കന്നിക്കിരീടം സ്വന്തമാക്കിയത്.

ട്രെയില്‍ബ്ലെയ്‌സേഴ്‌സ് ഉയര്‍ത്തിയ 119 റണ്‍സ് വിജയലക്ഷ്യം പിന്തുടര്‍ന്ന സൂപ്പര്‍നോവാസിന് 20 ഓവറില്‍ ഏഴു വിക്കറ്റ് നഷ്ടത്തില്‍ 102 റണ്‍സെടുക്കാനേ സാധിച്ചുള്ളൂ.

36 പന്തില്‍ നിന്ന് രണ്ടു ഫോറുകളടക്കം 30 റണ്‍സെടുത്ത ക്യാപ്റ്റന്‍ ഹര്‍മന്‍പ്രീത് കൗറാണ് സൂപ്പര്‍നോവാസിന്റെ ടോപ് സ്‌കോറര്‍. ചമരി അട്ടപ്പട്ടു (6), ജെമിമ റോഡ്രിഗസ് (13), തനിയ ഭാട്ടിയ (14) എന്നിവര്‍ക്കൊന്നും തന്നെ വിജയത്തിലേക്ക് പൊരുതിനോക്കാനായില്ല.

സല്‍മ ഖാട്ടുന്‍ ട്രെയില്‍ബ്ലെയ്‌സേഴ്‌സിനായി മൂന്നു വിക്കറ്റ് വീഴ്ത്തി. ദീപ്തി ശര്‍മ രണ്ടു വിക്കറ്റെടുത്തു.

നേരത്തെ ടോസ് നഷ്ടപ്പെട്ട് ആദ്യം ബാറ്റ് ചെയ്ത ട്രെയില്‍ബ്ലെയ്‌സേഴ്‌സ് 20 ഓവറില്‍ എട്ടു വിക്കറ്റ് നഷ്ടത്തിലാണ് 118 റണ്‍സെടുത്തത്.

ഓപ്പണിങ് വിക്കറ്റില്‍ 67 പന്തില്‍ 71 റണ്‍സടിച്ച ശേഷം ട്രെയില്‍ബ്ലെയ്‌സേഴ്‌സ് തകരുകയായിരുന്നു. 49 പന്തില്‍ നിന്ന് മൂന്നു സിക്‌സും അഞ്ചു ഫോറുമടക്കം 68 റണ്‍സെടുത്ത ക്യാപ്റ്റന്‍ സ്മൃതി മന്ദാനയാണ് ട്രെയില്‍ബ്ലെയ്‌സേഴ്‌സിന്റെ ടോപ് സ്‌കോറര്‍. ദിയാന്ദ്ര ഡോട്ടിന്‍ 20 രണ്‍സെടുത്തു.

പിന്നീട് വന്നവര്‍ക്ക് ആര്‍ക്കും തന്നെ ട്രെയില്‍ബ്ലെയ്‌സേഴ്‌സ് സ്‌കോറിലേക്ക് കാര്യമായി സംഭാവനചെയ്യാനായില്ല.

നാല് ഓവറില്‍ വെറും 16 റണ്‍സ് മാത്രം വഴങ്ങി അഞ്ചു വിക്കറ്റെടുത്ത രാധ യാദവാണ് ട്രെയില്‍ബ്ലെയ്‌സേഴ്‌സിനെ തകര്‍ത്തത്.

Content Highlights: Trailblazers beat Supernovas Women s T20 Challenge Final

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022


SDPI

1 min

പോപ്പുലര്‍ ഫ്രണ്ട്‌ മാര്‍ച്ചില്‍ കുട്ടിയുടെ പ്രകോപനപരമായ മുദ്രാവാക്യം; പോലീസ് അന്വേഷണം തുടങ്ങി

May 23, 2022

More from this section




Most Commented