നടരാജന്‍ അവസാനം നന്നായി പന്തെറിഞ്ഞു; അഭിനന്ദനവുമായി സാം കറന്‍


മോയിന്‍ അലി, ആദില്‍ റഷീദ്, മാര്‍ക്ക് വുഡ് എന്നിവര്‍ക്കൊപ്പം യഥാക്രമം 32, 57, 60 റണ്‍സിന്റെ കൂട്ടുകെട്ടുകള്‍ സൃഷ്ടിച്ച കറന്‍ അവസാനം വരെ ഇന്ത്യയെ സമ്മര്‍ദത്തിലാക്കുകയായിരുന്നു

Photo: twitter.com|ICC, Kunal Patil| PTI

പുണെ: ഇന്ത്യ - ഇംഗ്ലണ്ട് മൂന്നാം ഏകദിനത്തിലെ താരം സാം കറനായിരുന്നു. ഇംഗ്ലണ്ട് മത്സരം കൈവിട്ടെന്ന ഘട്ടത്തില്‍ ഒറ്റയ്ക്ക് സാം നടത്തിയ പോരാട്ടമാണ് ഇംഗ്ലണ്ടിനെ വിജയത്തിന് അടുത്തുവരെയെത്തിച്ചത്. ഒടുവില്‍ അവസാന ഓവറില്‍ ജയിക്കാന്‍ 14 റണ്‍സ് വേണമെന്നിരിക്കെ നന്നായി പന്തെറിഞ്ഞ ടി. നടരാജന്‍ ഇന്ത്യയ്ക്ക് ഏഴു റണ്‍സിന്റെ ജയം സമ്മാനിക്കുകയായിരുന്നു. പരമ്പര 2-1ന് സ്വന്തമാക്കാനും ഇന്ത്യയ്ക്ക് സാധിച്ചു.

മത്സരം അവസാനിച്ചതിനു പിന്നാലെ അവസാന ഓവര്‍ എറിഞ്ഞ നടരാജനെ അഭിനന്ദിച്ച് സാം കറന്‍ തന്നെ രംഗത്തെത്തി.

''ഞങ്ങള്‍ കളി ജയിച്ചില്ല, പക്ഷേ കളിച്ച രീതിയില്‍ സന്തോഷമുണ്ട്. വിജയം തന്നെയാണ് എനിക്കിഷ്ടം. പക്ഷേ ഇതൊരു മികച്ച അനുഭവമാണ്. ഭൂരിഭാഗം പന്തുകളും കളിച്ച് മത്സരം അവസാനം വരെയെത്തിക്കുക എന്നതായിരുന്നു എന്റെ ലക്ഷ്യം. നടരാജന്‍ അവസാനം നന്നായി പന്തെറിഞ്ഞു, എന്തുകൊണ്ടാണ് അദ്ദേഹം ഒരു നല്ല ബൗളറാകുന്നതെന്ന് കണ്ടു. ഭുവിയും (ഭുവനേശ്വര്‍ കുമാര്‍) മികച്ച ബൗളറാണ്. അതാണ് അദ്ദേഹത്തെ ഞാന്‍ കളിക്കാതെ വിട്ടത്.'' - മത്സര ശേഷം സാം കറന്‍ പറഞ്ഞു.

83 പന്തില്‍ നിന്ന് 95 റണ്‍സുമായി സാം പുറത്താകാതെ നിന്നു. മോയിന്‍ അലി, ആദില്‍ റഷീദ്, മാര്‍ക്ക് വുഡ് എന്നിവര്‍ക്കൊപ്പം യഥാക്രമം 32, 57, 60 റണ്‍സിന്റെ കൂട്ടുകെട്ടുകള്‍ സൃഷ്ടിച്ച കറന്‍ അവസാനം വരെ ഇന്ത്യയെ സമ്മര്‍ദത്തിലാക്കുകയായിരുന്നു.

Content Highlights: T Natarajan bowled really well in the end says Sam Curran


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented