Photo: twitter.com|IamSanjuSamson
ന്യൂഡല്‍ഹി: സയ്യിദ് മുഷ്താഖ് അലി ട്വന്റി 20 ടൂര്‍ണമെന്റില്‍ കേരളത്തെ ഒമ്പത് വിക്കറ്റിന് തകര്‍ത്ത് ഗുജറാത്ത്. ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ കേരളം ഉയര്‍ത്തിയ 124 റണ്‍സ് വിജയലക്ഷ്യം 15.3 ഓവറില്‍ ഒരു വിക്കറ്റിന്റെ മാത്രം നഷ്ടത്തില്‍ ഗുജറാത്ത് മറികടന്നു.
ഓപ്പണര്‍മാരായ പ്രിയങ്ക് പഞ്ചല്‍, എസ്.ഡി ചൗഹാന്‍ എന്നിവരുടെ ഇന്നിങ്‌സുകളാണ് ഗുജറാത്തിന് ജയമൊരുക്കിയത്.
46 പന്തില്‍ നിന്ന് രണ്ടു സിക്‌സും എട്ടു ഫോറുമടക്കം 66 റണ്‍സെടുത്ത പ്രിയങ്ക് പഞ്ചലാണ് ഗുജറാത്തിന്റെ ടോപ് സ്‌കോറര്‍. ചൗഹാനൊപ്പം 113 റണ്‍സിന്റെ കൂട്ടുകെട്ടുണ്ടാക്കിയ ശേഷമാണ് പഞ്ചല്‍ മടങ്ങിയത്.
ചൗഹാന്‍ 40 പന്തില്‍ നിന്ന് മൂന്നു ഫോറും രണ്ടു സിക്‌സും സഹിതം 50 റണ്‍സുമായി പുറത്താകാതെ നിന്നു. ഉര്‍വില്‍ പട്ടേല്‍ ആറു റണ്‍സെടുത്തു.
നേരത്തെ ആദ്യം ബാറ്റിങ്ങിനിറങ്ങിയ കേരളത്തിന് നിശ്ചിത 20 ഓവറില്‍ അഞ്ചു വിക്കറ്റ് നഷ്ടത്തില്‍ 123 റണ്‍സെടുക്കാനേ സാധിച്ചുള്ളൂ.
43 പന്തുകള്‍ നേരിട്ട് രണ്ടു സിക്‌സും മൂന്നു ഫോറുമടക്കം 54 റണ്‍സുമായി പുറത്താകാതെ നിന്ന ക്യാപ്റ്റന്‍ സഞ്ജു സാംസണാണ് കേരളത്തിന്റെ ടോപ് സ്‌കോറര്‍.
റോബിന്‍ ഉത്തപ്പ (9), മുഹമ്മദ് അസ്ഹറുദ്ദീന്‍ (13), സച്ചിന്‍ ബേബി (19), ഷറഫുദ്ദീന്‍ (3), വിഷ്ണു വിനോദ് (12) എന്നിവര്‍ക്കൊന്നും തന്നെ സ്‌കോര്‍ബോര്‍ഡിലേക്ക് കാര്യമായി സംഭാവന ചെയ്യാനായില്ല.
ഗുജറാത്തിനായി റൂഷ് കലാരിയ നാല് ഓവറില്‍ 31 റണ്‍സ് വഴങ്ങി രണ്ടു വിക്കറ്റ് വീഴ്ത്തി.
Content Highlights: syed mushtaq ali trophy gujarat beat kerala
RELATED STORIES
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a3c1fa2&f=1x1&w=100&q=0.8)
.jpg?$p=71e446e&f=1x1&w=100&q=0.8)
.jpg?$p=8384990&q=0.8&f=16x11&w=104)
.jpg?$p=b4643a5&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..