അടിച്ചുതകര്‍ത്ത് സഞ്ജുവും ഉത്തപ്പയും; ബിഹാറിനെതിരേ കേരളത്തിന് വിജയം


132 റണ്‍സ് വിജയലക്ഷ്യത്തിലേക്ക് ബാറ്റേന്തിയ കേരളം 14.1 ഓവറില്‍ മൂന്നു വിക്കറ്റ് നഷ്ടത്തില്‍ ലക്ഷ്യത്തിലെത്തി

റോബിൻ ഉത്തപ്പ | Photo: twitter| KCA

ന്യൂഡല്‍ഹി: സയ്യിദ് മുഷ്താഖ് അലി ട്രോഫിയില്‍ കേരളത്തിന് വിജയ ദിവസം. കഴിഞ്ഞ ദിവസം ഗുജറാത്തിനോട് തോറ്റിരുന്ന കേരളം വെള്ളിയാഴ്ച്ച നടന്ന മത്സരത്തില്‍ ബീഹാറിനെ തകര്‍ത്തു. അതിഥി താരം റോബിന്‍ ഉത്തപ്പയുടേയും ക്യാപ്റ്റന്‍ സഞ്ജു സാംസണ്‍ന്റേയും മികവില്‍ ഏഴു വിക്കറ്റിനായിരുന്നു കേരളത്തിന്റെ വിജയം.

132 റണ്‍സ് വിജയലക്ഷ്യത്തിലേക്ക് ബാറ്റേന്തിയ കേരളം 14.1 ഓവറില്‍ മൂന്നു വിക്കറ്റ് നഷ്ടത്തില്‍ ലക്ഷ്യത്തിലെത്തി. റോബിന്‍ ഉത്തപ്പ അഞ്ചു ഫോറും നാല് സിക്‌സും സഹിതം 34 പന്തില്‍ 57 റണ്‍സ് നേടി. 20 പന്തില്‍ മൂന്നു ഫോറും നാല് സിക്‌സും സഹിതം 45 റണ്‍സായിരുന്നു സഞ്ജു സാംസണ്‍ന്റെ സമ്പാദ്യം.



ടോസ് നേടി ആദ്യം ബാറ്റു ചെയ്ത ബിഹാര്‍ സകിബൂല്‍ ഗനിയുടെ മികവിലാണ് 131 റണ്‍സ് അടിച്ചത്. ഗനി 41 പന്തില്‍ അഞ്ചു ഫോറും രണ്ട് സിക്‌സും സഹിതം 53 റണ്‍സുമായി പുറത്താകാതെ നിന്നു. ഓപ്പണര്‍ മംഗല്‍ മഹ്‌റോര്‍ 30 റണ്‍സും ബിപിന്‍ സൗരഭ് 19 റണ്‍സും നേടി.

ആറു റണ്‍സെടുത്ത ബബുല്‍ കുമാറും എട്ടു റണ്‍സടിച്ച യശ്വസി റിസവും ആറു റണ്‍സെടുത്ത പ്രത്യുഷ് സിങ്ങും നിരാശപ്പെടുത്തി. അഞ്ചു റണ്‍സുമായി സച്ചിന്‍ കുമാര്‍ സിങ് പുറത്താകാതെ നിന്നു. കേരളത്തിനായി ബേസില്‍ തമ്പി നാല് ഓവറില്‍ 19 റണ്‍സ് മാത്രം വഴങ്ങി മൂന്നു വിക്കറ്റെടുത്തു. ആസിഫ് കെഎം ഒരു വിക്കറ്റ് നേടി.

മറുപടി ബാറ്റിങ്ങില്‍ അസ്ഹറുദ്ദീനും ഉത്തപ്പയും മികച്ച അടിത്തറയാണ് കേരളത്തിന് നല്‍കിയത്. ഇരുവരും ഓപ്പണിങ് വിക്കറ്റില്‍ 41 പന്തില്‍ നിന്ന് 64 റണ്‍സ് കൂട്ടുകെട്ടുണ്ടാക്കി. 11 പന്തില്‍ എട്ടു റണ്‍സാണ് അസ്ഹറുദ്ദീന്റെ സംഭാവന. കെജി റോജിത് ഒരു റണ്ണുമായും സച്ചിന്‍ ബേബി ആറു റണ്‍സോടെയും പുറത്തായി. വിഷ്ണു വിനോദ് ആറു പന്തില്‍ ആറു റണ്‍സോടെ പുറത്താകാതെ നിന്നു. ബിഹാറിനായി ക്യാപ്റ്റന്‍ അശുതോഷ് അമന്‍ രണ്ടു വിക്കറ്റെടുത്തു.

വിജയത്തോടെ ഗ്രൂപ്പ് ഡിയില്‍ കേരളം നാല് പോയിന്റുമായി മൂന്നാം സ്ഥാനത്തെത്തി. രണ്ടു കളികളും വിജയിച്ച മധ്യപ്രദേശ് എട്ടു പോയിന്റുമായി ഒന്നാം സ്ഥാനത്തുണ്ട്. നാല് പോയിന്റുള്ള ഗുജറാത്താണ് രണ്ടാമത്.

Content Highlights: Syed Mushtaq Ali Trophy 2021 Kerala vs Bihar


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022


സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


crime

1 min

കൊച്ചിയില്‍ വെട്ടേറ്റ് യുവതിയുടെ കൈ അറ്റു; പരിക്കേറ്റത് കഴുത്തിന് വെട്ടാനുള്ള ശ്രമം തടഞ്ഞപ്പോള്‍

Dec 3, 2022

Most Commented