Photo: PTI
ന്യൂഡല്‍ഹി: വരാനിരിക്കുന്ന ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ കെ.എല്‍.രാഹുല്‍ ഇന്ത്യയുടെ വിക്കറ്റ് കീപ്പറാകണമെന്ന് ക്രിക്കറ്റ് ഇതിഹാസം സുനില്‍ ഗാവസ്‌കര്‍. ഒരു സ്വകാര്യ ഓണ്‍ലൈന്‍ മാധ്യമത്തിന് നല്‍കിയ അഭിമുഖത്തിനിടെയാണ് ഗാവസ്‌കര്‍ ഇക്കാര്യമറിയിച്ചത്.
അപകടത്തെത്തുടര്‍ന്ന് വിശ്രമത്തിലായ ഋഷഭ് പന്തിന് പകരം രാഹുല്‍ വിക്കറ്റ് കീപ്പറാകണമെന്നും അത് ടീമിന്റെ ബാറ്റിങ്ങിന് ഗുണംചെയ്യുമെന്നും ഗാവസ്‌കര്‍ പറഞ്ഞു. രാഹുല്‍ വിക്കറ്റ് കീപ്പറായാല്‍ പുതിയൊരു ബാറ്ററെക്കൂടി ടീമിലുള്‍പ്പെടുത്താമെന്നും അദ്ദേഹം കൂട്ടിച്ചേര്‍ത്തു. ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ ഓസ്‌ട്രേലിയയാണ് ഇന്ത്യയുടെ എതിരാളി. ജൂണ്‍ ഏഴിന് ഇംഗ്ലണ്ടിലെ ഓവലിലാണ് മത്സരം നടക്കുന്നത്.
' രാഹുലിനെ വിക്കറ്റ് കീപ്പറായി പരിഗണിക്കണം. ഓവലില്‍ നടക്കുന്ന ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ രാഹുലിനെ അഞ്ചാമനായോ ആറാമനായോ ഇറക്കാം. അതുവഴി ടീമിന്റെ ബാറ്റിങ് നിര ശക്തമാകും. കഴിഞ്ഞ വര്‍ഷം ഇംഗ്ലണ്ടില്‍ അദ്ദേഹം നന്നായി ബാറ്റുചെയ്തതാണ്. ലോര്‍ഡ്‌സ് ടെസ്റ്റില്‍ സെഞ്ചുറിയും നേടി. ഫൈനല്‍ ഇലവനെ തിരഞ്ഞെടുക്കുമ്പോള്‍ രാഹുലിന്റെ കാര്യം പരിഗണിക്കണം' -ഗാവസ്‌കര്‍ പറഞ്ഞു.
ഓസ്‌ട്രേലിയയ്‌ക്കെതിരേ ഈയിടെ അവസാനിച്ച ടെസ്റ്റ് പരമ്പരയില്‍ രാഹുലിന് വേണ്ടവിധത്തില്‍ തിളങ്ങാനായിരുന്നില്ല. ആദ്യ രണ്ട് ടെസ്റ്റുകള്‍ക്ക് ശേഷം രാഹുലിനെ ആദ്യ ഇലവനില്‍ നിന്ന് പുറത്താക്കിയിരുന്നു. ഇന്ത്യയുടെ സഹനായകന്‍ കൂടിയാണ് രാഹുല്‍. കഴിഞ്ഞ ലോക ടെസ്റ്റ് ചാമ്പ്യന്‍ഷിപ്പില്‍ ഇന്ത്യ ഫൈനലിലെത്തിയിരുന്നെങ്കിലും ന്യൂസീലന്‍ഡിനോട് പരാജയപ്പെട്ടിരുന്നു.
Content Highlights: Sunil Gavaskar Picks kl rahul as India's Wicketkeeper For WTC Final
Also Watch
RELATED STORIES
.jpg?$p=7c255b7&f=1x1&w=100&q=0.8)
.jpg?$p=1a21421&f=1x1&w=100&q=0.8)
.jpg?$p=4f96ebc&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..