സ്‌പോര്‍ട്‌സ്മാന്‍ഷിപ്പിന് നിരക്കാത്ത പെരുമാറ്റവുമായി സ്റ്റീവ് സ്മിത്ത്; വിമര്‍ശനം


ഇന്ത്യയ്ക്കായി ചേതേശ്വര്‍ പൂജാരയും ഋഷഭ് പന്തും മികച്ച രീതിയില്‍ ബാറ്റ് ചെയ്യുന്നതിനിടെയായിരുന്നു സ്മിത്തിന്റെ മോശം പ്രവൃത്തി

Photo By Rick Rycroft| AP

സിഡ്‌നി: സിഡ്‌നി ക്രിക്കറ്റ് ടെസ്റ്റിന്റെ അവസാന ദിനമായ തിങ്കളാഴ്ച മൈതാനത്ത് സ്‌പോര്‍ട്‌സ്മാന്‍ഷിപ്പിന് നിരക്കാത്ത തരത്തില്‍ പെരുമാറിയ ഓസീസ് താരം സ്റ്റീവ് സ്മിത്തിനെതിരേ വിമര്‍ശനമുയരുന്നു.

അഞ്ചാം ദിനം ആദ്യ സെഷനിലെ ഡ്രിങ്ക്സ് ബ്രേക്കിനിടെ സ്മിത്ത് മനഃപൂര്‍വ്വം ബാറ്റിങ് ക്രീസില്‍ ബാറ്റ്‌സ്മാന്റെ ഗാര്‍ഡ് അടയാളം മായ്ച്ച് കളയുകയായിരുന്നു. സ്റ്റമ്പ് ക്യാമറയില്‍ ഈ ദൃശ്യം പതിഞ്ഞിരുന്നു. ഗാര്‍ഡ് മായ്ക്കുന്നയാളുടെ മുഖം ദൃശ്യത്തില്‍ കാണുന്നില്ലെങ്കിലും ജേഴ്‌സി നമ്പര്‍ വെച്ച് ആരാധകര്‍ അത് ആരാണെന്ന് തിരിച്ചറിയുകയായിരുന്നു.

ഇന്ത്യയ്ക്കായി ചേതേശ്വര്‍ പൂജാരയും ഋഷഭ് പന്തും മികച്ച രീതിയില്‍ ബാറ്റ് ചെയ്യുന്നതിനിടെയായിരുന്നു സ്മിത്തിന്റെ മോശം പ്രവൃത്തി.

ഇതോടെ തുടര്‍ന്ന് ബാറ്റ് ചെയ്യാനെത്തിയ ഋഷഭ് പന്തിന് ഗാര്‍ഡ് വീണ്ടും അടയാളപ്പെടുത്തേണ്ടതായി വന്നു.

സ്മിത്തിന്റെ ഈ പ്രവൃത്തിക്കെതിരേ സോഷ്യല്‍ മീഡിയയില്‍ ഇന്ത്യന്‍ ആരാധകര്‍ രംഗത്തുവന്നു കഴിഞ്ഞു. 2018-ലെ കേപ്ടൗണ്‍ ടെസ്റ്റിനിടയിലെ പന്ത് ചുരണ്ടല്‍ വിവാദത്തോടാണ് പലരും ഈ സംഭവത്തെ താരതമ്യം ചെയ്യുന്നത്. പന്ത് ചുരണ്ടല്‍ വിവാദത്തില്‍ രണ്ടു വര്‍ഷത്തെ വിലക്ക് ലഭിച്ച താരമാണ് സ്മിത്ത്.

Content Highlights: Steve Smith was caught on the stump camera scuffing up the batsman guard

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented