ക്രുണാൽ പാണ്ഡ്യ | Photo: AFP
മുംബൈ: ഇന്ത്യയും ശ്രീലങ്കയും തമ്മില്‍ ഇന്ന് രാത്രി എട്ടു മണിക്ക് തുടങ്ങേണ്ട രണ്ടാം ട്വന്റി-20 മത്സരം മാറ്റിവെച്ചു. ഇന്ത്യന്‍ ഓള്‍റൗണ്ടര്‍ ക്രുണാല്‍ പാണ്ഡ്യയ്ക്ക് കോവിഡ് സ്ഥിരീകരിച്ചതാണ് കാരണം. ഔദ്യോഗിക ട്വിറ്റര്‍ പേജിലൂടെ ബിസിസിഐയാണ് ഇക്കാര്യം വ്യക്തമാക്കിയത്.
ഇന്ത്യന്‍ ടീമംഗങ്ങള്‍ എല്ലാവരും ആര്‍ടി-പിസിആര്‍ പരിശോധനയ്ക്ക് വിധേയമാകുമെന്നും ബിസിസിഐ ട്വീറ്റില്‍ പറയുന്നു. മാറ്റിവെച്ച മത്സരം ബുധനാഴ്ച്ച നടക്കുമെന്നാണ് റിപ്പോര്‍ട്ട്‌.
രണ്ടാം ട്വന്റി-20യ്ക്ക് മുമ്പ് ചൊവ്വാഴ്ച്ച രാവിലെ നടത്തിയ ആന്റിജന്‍ പരിശോധനയിലാണ് ക്രുണാല്‍ പാണ്ഡ്യ പോസിറ്റീവ് ആയത്. ക്രുണാല്‍ പാണ്ഡ്യയുമായി ഇന്ത്യന്‍ ടീമിലെ എട്ട് അംഗങ്ങള്‍ അടുത്തിടപഴകിയതായി മെഡിക്കല്‍ ടീം കണ്ടെത്തിയിട്ടുണ്ട്.
അതേസമയം നേരത്തെ നിശ്ചയിച്ചപ്രകാരം മൂന്നാം ട്വന്റി-20 മത്സരം ജൂലൈ 29-ന് നടക്കും. ആദ്യ ട്വന്റി-20യില്‍ വിജയിച്ച ഇന്ത്യ പരമ്പരയില്‍ 1-0ത്തിന് മുന്നിലാണ്. നേരത്തെ ഏകദിന പരമ്പര ഇന്ത്യ 2-1ന് നേടിയിരുന്നു.
Content Highlights: Sri Lanka vs India: Krunal Pandya Tests Positive For Covid In Sri Lanka, 2nd T20I Postponed By A Day
Also Watch
RELATED STORIES
.jpg?$p=e4e93ab&f=1x1&w=100&q=0.8)
IN CASE YOU MISSED IT
.jpg?$p=c686dae&f=1x1&w=100&q=0.8)
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..